AKUMLO 3:22 - BAIBEL (BSI)

²² AMPEU wu ikiqivemo keu kikimiye ngo kupuqhiyikeuye achephi.

Sumi Naga CL (Re-edited) Bible (BSI)

²² AMPEUw iqemokeu kikimiye ye khilemu tave chemoe; Paw küpükini ye khilemu kishekhave chemoe;

AKUMLO 3:22 ပူးပေါင်းရင်းမြစ်များ

SAMUEL AKINIU 24:14

David no khochile pi, “Niye ighono aveksa dolo ngovae! Ikemu niye timi pelono aghime itsu penishi amoe. Tighenguno AMPEU pelouno ningu ghimekeu shipelo, kughengu paye kupukiniuke.”

NEHEMIA 9:31

Tishimu okikimiye ye kije kehu noye panoqo qhivemoe momu panoqo pughave moe. Noye kupukini eno kimiyekini Lhou ke!”

LESHELE 103:10

Paye nino ithulukepu qhemi ni ghimeqhi chemoe, momu ni xine eno ni kipimi ni lochile chemoe.

LESHELE 106:45

Panoqo ghenguno pawu puloshoqhi kumsuchilelu, eno pawu kikimiye kije akeu lono pa mlo ighiveche.

LESHELE 69:17

Oqeu launo ogi kusuluve kevilo; niye shishe shilusa ani, itehino ikhochile tsulo!

LESHELE 77:8

Paye ningu kimiyemovea kesha? Pano piqhipuakeu hu tishimovea kesha?

LESHELE 78:38

Ikemu Alhou ye pawu timiqo kimiye kutuke. Pano panongu xine pevetsu eno panongu kutsa pinyivemoke. Ghuthu kutomo pa xukighide eno aloghu suchile pesu ngoveke.

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

JEREMIYA 3:12

Pano ivilo wuno Israil vilo pilo pike, “Amikucho kumou Israil, ilau ideighilo. Niye kimiyekinike eno amlo idemo nani; niye alhokupuju oshou amlo idemo nanike.

JEREMIYA 30:11

“Ino nongu lau ighino nongu xalu nani. Ino khilehi nongu halepuwuve keno tipaqo shiayeh kumtsu ino kutsaleve nani, ikemu niye nongu kutsale vemo nani. Niye nongu ghimemono puwuvemo nani; ikemu ino nongu ghimeqhi keulo aghibiu lono shi nani.”

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

DANIEL 9:9

Nino oghobide amu noye kimiye kiniu kehu nikipimi qhive tsuke.

MALAKI 3:6

“Niye AMPEU ke, niye kili chemoe. Ikehu nongu, Jakob laghami qhoi puhave mphike.

Luke 1:50

Pa sumsakemi kumtsu shou tiqhelino tiqheli kuto kimiyekeu piye cheni.