AKUMLO 2:7 - BAIBEL (BSI)

⁷ AMPEU no pawu akiptia peve eno pa kimthe chineki kughukughalei vetsu; Pano aghumi pelo tipau putukha keu hepholeqhive penike pulosuvetsu. Ghuthu lakhi lo nino alokivishi mlla che keualo aghumino huttiauve.

Sumi Naga CL (Re-edited) Bible (BSI)

⁷ Ampeu no Pa kiptia lomipi, Pa kimthe-a milivae; Pa no li kükaki liwoqo pesü aghümi u lo phesüve tsüae; tiqhetini tsala lo toi panongu no Ampeu ki lono angukashi ighae.

AKUMLO 2:7 ပူးပေါင်းရင်းမြစ်များ

KUKAMI AKINIU 25:9

Pano Jerusalem lo Achineki, akukaki eno timi atomiqono ngochekeu ki kumtsu pitikhavetsu,

YEKIKITHI AKINIU 36:19

Pano Achineki ngo aphughi pitilevetsu eno tipaqo gholo kukaki ngo tipaulo kinikulu ghi pitile kuqhavetsu eno aphughi puwupuakeu ghi kubolevetsu.

LESHELE 89:39

Noye oqeu sasu puloshoqhi shikeu kuboleve; eno pa kuka kutsukuqhoye anibalo vesuvetsuke.

ISAIAH 64:9

tighenguno nishou ighono aloghu idetsu kevilo momu alhokupujulo nixine nishou betsukevilo. Ninguye owu timiqoke; nikupuqhiyi tsulo.

JEREMIYA 21:4

Zedekiya vilo pilopikeu pesu ino pike: “Zedekiya, owu ghushimi qono Babilon kukau ngo pa ghushimi sasu aghushi akeulo ino nongu pelo tomlave peni cheni. Aphughi mtsalono ino owu ghushimiqo ghunanu kisheqhipe qhi nani.

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

JEREMIYA 26:6

Nonguno hebide auve aye ino Shilo lau kiu shikeno Achineki hipau shou shipuku nanike, ayeghiqhalo ashiayeh kumtsuno hipau phughi pesu musuinikeu lakhi shi-ghi peitha nanike.”

JEREMIYA 32:29

eno ami pesu pitile nani. Panonguno tipau gholono aki kutau ghi pitile kuqha nani, timiqono aki kutsuqo lono Baal lau tsungquikeu ta pitikumna eno kutau lhouqo lau aji kumllagho leqhi tsukeu ghenguno imlo shikighideke.

JEREMIYA 39:8

Tishive puzu, Babilonmino akukau kighikiqo ngo timino achekeu ki pitileqhive tsu eno Jerusalem putupuakeu tule qhivetsu.

JEREMIYA 4:26

Aghumaku-a yeghino asayeqha shive; tipaulo aphughiqoye shipusa hauve kughengu AMPEU no aloghu ide kehue.

JEREMIYA 4:27

(AMPEU no pikeuno ayeghiqha kumtsu asa itsumo keu shive nani, ikemu paye tipau qhoi shipusa khavemo nanike.)

JEREMIYA 50:28

(Babilon kudauno kupokichemi pokasu wulu eno Jerusalem lo ighi eno ni Lhou AMPEU no Babilonmino pa chineki shou kiu shive keno tipau ghenguno kishi amkhu luani keno panonguno lhe anike.)

JEREMIYA 52:13

Jerusalem lo pano Achineki ngo Akukau kighiki eno timi akhotomiqo ki kumtsu pitilevetsu;

AKUMLO 1:4

Akimthe tsalalomu itehiye khunomu Achinekilo mlla nike ighi chemovae. Ilimi tilehi alephe chekeqoye ime auvae eno achinemino ighaphe mlano suaukhavae. Aphughi khagholo khumu kuhae eno Zion ye piti puzaqhiyi ani.

AKUMLO 2:1

AMPEU no pa mlokighide launo akuzu pesu Zion nhave. Israil qhivutsuniyi akeu pano kunguuno aqhou kutolo hexapinyive. Pa mlokighide tsalalo pa Achine ki ghi pano qhive.

AKUMLO 2:5

Aghumi lakhi hutoi AMPEU no Israil kutsave; Paye pawu aliwo ngo kukaki shipusa pesu qhive. Juda lo akemi shou pano tamo mithe keu mlokusa sughike.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

EZEKEL 7:24

Ino ashiayehqo gholo alhoksau shiayeh hilau saighi puzu nongu ki-alu luvepe nani. Kughono ino ashiayeh kutamiqo pelo nonguno mllachekeu-a shipixi peni keno tilano nongu gholo akumtou timiqo ghi pano mlo kumto hauve nani.

ACHINE 26:31

ino nophughiqo xalepinivetsu nani, nonguno mllachekeu a kutsalevetsu eno nonguno aghashikeu ikhilutsumo nanike.

ACHINE 26:44

Ikemu tishive kelomu, panonguno pano ghumi yeghilo achephilo pinamu niye qhoi panoqo qhivemo momu kutsavemo nanike. Tishini keloye panoqo sasu ino puloshoqhi shikeu ashekha shiveni ake eno niye panoqo Lhou AMPEU ke.

AMUS 2:5

Tighenguno Juda shou ino ami suvetsu nani eno Jerusalem lo aliwo qogheqo pitilevetsu nani.”

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.

MATTHEW 24:2

Panongu vilo pano ishi pitsu, “Nonguye hipaqo kumtsu ithulu ani kema? Kuchouno ino nongu vilo pini, hile atu lakhimu lakhi shou bepe ngo move nani, hipaqo kumtsu tule qhive nani.”