AKUMLO 2:22 - BAIBEL (BSI)

²² Nono ighumi kusuno aqha kumtsu lo isuhu pesu shikumsa keu ghulhu shipe, eno omlo kighide tsalalo khunomu pokaulu momu puxulu pe move. Ino ati anuli khunoqo tuchomujo saputhu keno panonguno ghiqhivetsuke.

Sumi Naga CL (Re-edited) Bible (BSI)

²² Nono tiqhetini tsala lo toi aqha kümtsü lono I shikichi kepu kusü, eno Ampeu mlokighide tsalani khumu pomla momu xümlave; I no khunoqo khape eno saputhu keno I ghümi no kütsave.

AKUMLO 2:22 ပူးပေါင်းရင်းမြစ်များ

YEKIKITHI AKINIU 36:17

Tighenguno AMPEU no Babilon kukau saghi puzu panoqo levepe. Akukauno Juda lo lhothemi kiptimiqo Achineki lo aghinamu heqhi pithive tsu. Paye lhothemi, kitemi, kiptimi, totimi, kusukinimi momu viakemi milakhi shou pimu kimiyeqhiyi keu shimoke. Alhou no panoqo kumtsu pa ulo suvetsu.

LESHELE 31:13

Kutomono chhu-chhushi kuptsakeu ino chilu ani, Aqha kumtsulo akuighupushi ani, Panonguno ishou akumou shiniye kuchughu ani, ikuxu luve tsuniye kumqu ani.

ISAIAH 28:19

Tipauno anguno anguno, ina-atsutsu nongu ghaqhi nani eno nonguye putho pucho tipau puqhe amasa nani. Alhou launo asutsa kithe ighikeulo akuighupu akithe sughi nani!

JEREMIYA 11:11

Tighenguno itehiye, ni AMPEU no panoqo kutughu ani niye panoqo shou kutsakungo keu sughini cheni eno panonguye povemla nanike. Kughou panonguno kuphupe nike ilau ighamukuni keno niye panoqo ghugha initsumo nani.

JEREMIYA 14:19

AMPEU, noye qhoi Juda peive akesha? Noye Zion lo akemiqo jumithini kesha? Noye kushiye shishe alhoksapushi nighuzavetsu no ninguye vimla vea kya? Ninguno alokughuno phujuke ikemu akivipu kiumu ipeghimoke; Ninguno shikipivi laju kemu tipa zuqhulo shikuighukeu ighike.

JEREMIYA 20:3

Thanau, Pashur no ayikichhe lono ikuqhopheve kethiu ino pa vilo ishipi, “AMPEU ye oje Pashur ku-tsumoe. Pano oje otsukeuye ‘Aqha kumtsulo shikumsakeu.’

JEREMIYA 21:7

Ikemu no ngo owu kijemiqo eno timi khunoqono aghukishi, puqumiyekeu eno kusukini lono puxupe aghini keno nongu kumtsu ino akukau Nebukadnezar ngo pawu timi noghumiqo pelo kughalukhavepe nani, nongu kuxuluve tsuniye phuchekemi ulo suvetsu nani. Pano nongu pithi khave nani. Pano nongu lakhimu ghumo nani momu nongu kimiyeqhiyikeu piyemo nani. Ni, AMPEU no piqhiveake.”

JEREMIYA 44:7

“Ike, ni Aqokitikhi MPEU, Israil Lhou no itehi ghi nongu vilo iniju anike nonguye kushiye nolikhi noshou alhoksa kumla hikithipu shi ani kya? Nonguye kiptimi, totimi, itimi eno anga kughunuqo shou kutsale keu sughi nishi ani kesha? Tishino nowu timi lakhimu puxumove niye kesha?

JEREMIYA 46:5

AMPEU no ishi iniju ani, “Ikemu niye kiukela ithulu ani.” “Panonguye akumsa launo idechilewo cheni. Pano ghushimiqoye hale kighidevae; akumsano chhiveno panonguye toluke thaqhu kohakive poke eno athiu ighowo jumoe.

JEREMIYA 6:25

Ninguye aluzalo wu nikeu momu alaghilo cheche nikeu ighuvae kughengu nighumiye aghunanu puani eno akuighupuno nisuho luvae.”

ZAKINIU 28:18

“AMPEU no nongu shou musuini keu lono atianuli aghulo likhi punu, tuxatini akivi shimo eno amshi ngo bheri aghulo likhive pe nani.