AKUMLO 2:1 - BAIBEL (BSI)

¹ AMPEU no pa mlokighide launo akuzu pesu Zion nhave. Israil qhivutsuniyi akeu pano kunguuno aqhou kutolo hexapinyive. Pa mlokighide tsalalo pa Achine ki ghi pano qhive.

Sumi Naga CL (Re-edited) Bible (BSI)

¹ Ampeu no kishi Pa mlokighide lono khüngküsü no Zion nga küzüluve kela! Pa no Israelmiw qhivütsünyi keu atsütsü lono ayeghi lo veqhive tsü; Pa mlokighide tsalani Pa ye Pa pukhu kinepu kümsü mlave.

AKUMLO 2:1 ပူးပေါင်းရင်းမြစ်များ

SAMUEL AKINIU 1:19

“Israil to lono ni sakiphemi thive! Ningu ghushimi gholo amlo kivimiqo ikiqive!

YEKIKITHI ATUGHIU 28:2

David no panongu zulo puthugho eno panongu vilo pi: “Ighakhulo kughuna kuamiqo, itsa inilo. Niye Puloshoqhi Bohu qhikepuki lakhi alhokuthu ghenguno shinishi ani, khikhi AMPEU Alhou pukhu kinepua keno. Ino achineki shipe pa gihu keu shiniye kutopesu qhivae,

LESHELE 132:7

Ninguno pike, “Ningu AMPEU kilo wuni nolo; ningu pa kuka lakhu zulono mllanike.”

LESHELE 89:45

Pa do tomphi lono pa pelo kitemi shivepe eno kujomza keuno pa nhaluvepe.

LESHELE 99:5

AMPEU niLhou sheqhelo; pa kuka lakhu zulo mllalo! Paye akimtheke!

ISAIAH 64:11

ni Achine ki, akimthe eno jukighilepu-a lakhi khile nipuasuno osheqheche keno amino ghuleveke. Nino kimiyechekeu-a kumtsu ixapinyi ani.

JEREMIYA 30:14

Olojipumi kumtsuno okumsumavae; panonguye kiumu nongu hijuni chemoke. Ino aghumi lakhi toi shipuzu nongu haqhike; nonguye mughachhoi keu lono ghimeqhike eno nongu lhoksaye kijeke.

AKUMLO 1:1

Ghuthu lakhiye timi chhitoi achekeu phughi Jerusalem ye kughukughaleivae! Ghuthu lakhiye ayeghiqhano gihu cheke, itehi liye chimemi toivae; Aphughiqo gholo akiqheu huye aquaxelo ikiqi ilovae.

AKUMLO 1:12

Vechewu cheghi kemi kumtsu vilo lino pi, “Ikudau jupuwulo, khumu ino suakeu toi supuamoe, tiye AMPEU no pa loghu lono ishou sughi keu kusuke.”

AKUMLO 2:17

AMPEU no pano shini cheni kepi kichichekeu ashekha shivae: Pano ado kushuwa lono kutughu cheke toi kimiyemo mithe puzu ningu kutsavae. Pano nighumi pelo tokulu shipe eno nino veqhive keulo panoqo pelo alovivepe.

AKUMLO 4:1

Niwu shunayi phuphuikeu huye nhaquivae; Achineki tuquqoye alaghilalo tuleqhi pesu ngo akhani.

AKUMLO 4:11

AMPEU no pa loghu kighide kumtsu pephe eno pa mlo kighide tuleke; Pano Zion lo ami lakhi kuyiquno tipau boqha pitipuhave.

EZEKEL 13:13

Akughushu MPEU no kiu pikeno tiye hike: “Iloghu lono ino pasapagha, tsuqhu tsughukeu eno murasu puwu puzu akuptu kutsaleve penike.

EZEKEL 19:12

Ikemu aloghu kighide uno tipau akuhu lono nhuve tsuke eno ayeghilo vedape qhiveke. Kipelau mulhuno tipau xathi fuki-ghichive tsuke. Tipau lokaqoye icheuve, tipaqoye qhaive eno pitive.

EZEKEL 24:21

nongu Israilmi lau atsape hipau tsulo pike: Nonguye Achineki kumto jupesu qheza anie. Nonguno tipaulo jupuku anishi cheni eno tipau xujuwu anishi cheni, ikemu AMPEU no tipau shipixive tsuni cheni; eno nobolomi lhothemi Jerusalem lo qhivekeqo huye aghukishi lono pithive nani.

EZEKEL 30:18

Zumoikeuno Taxpanhes shou ikughi nani kughono ino Ijip kuka hephoni keno eno panongu akumtoshi qheza chekeu kishekhave tsu nani. Khungkusu lakhino Ijip nhaluve nani tipau aphughiqolo timi akeqoye akughumi shi sawuve nani.

JOYIL 2:2

Tiye zumoyikeu eno zuchiyikeu tsala lakhike, khumuyikeu eno kimhi kughu tsalake. Tulhaqu no ghushimi loji kije toi hakutsutsu cheni, akuzuno naghuto nhakhaluve keu toike. Khilemu hikithipu toikeu shi ighijumphike, khilemu itaghi tikithipu shimo nani.

MATTHEW 11:23

Kapernaum, noye atsutsu kutolo olikhi osuqhenishi ani kesha? Noye ami pesu aghime tsukeu-alo vesuve nani. Kughengu akumzapu kumla ogholo shikeu hu Sodom lo shike aye, tiye ishi kutolo aghini cheke!

Luke 10:15

Eno no Kapernaummi! Noye atsutsu kutolo suqhe ikuniye ani keshea? Noye Hades lo sunhesuve nani!”

Luke 10:18

Pano panongu vilo pi, “Tsutsukukulo musu toi kunguu atsutsu lono Satan ikiqikeu ino ithulue.

SAMUEL ATUGHIU 4:21

Lino anu je Ikhabod kuvetsu, pakiqiye Puloshoqhi Bohu suxaluvekeu, eno li pangu ngo li kimi ishi thivekeu lono.

SAMUEL ATUGHIU 4:22

Lino ishi pi, “Israil launo AMPEU jukuvu chevae, kughengu AMPEU wu Puloshoqhi Bohu suxapesu wuve ake.”