AKUMLO 1:3 - BAIBEL (BSI)

³ Juda lo achekeqoye shikighime keu quaxemi, pano ghakhu lono halepuwuve kemi. Panonguye kutami yeghilo xu acheni, pano yeghi kepi pilukepua kuhae, Aghumino veho pesu pokulupu lah kuhae.

Sumi Naga CL (Re-edited) Bible (BSI)

³ Akaghashi mlape eno pishipuju keu ghenguno Judah ye hakiphi sawuvae; itehi li ye shiyeqo dolo xü ani, eno akulhokiqhi-a ithulu amoe; li no aghime kitikhi shiake lono li hache kemi no li botha luvae.

AKUMLO 1:3 ပူးပေါင်းရင်းမြစ်များ

KUKAMI AKINIU 25:11

Tishi puzu Nebuzaradan no aphughilo ghupuaghi keqo akumlalo shitsami eno Babilonmi no qhiveno wuvekeqo kumtsu sasu Babilon lo wuve.

KUKAMI AKINIU 25:21

Hamat ghakhulo Ribla phughilo ngo akeno pa lau sawuve. Tileno akukauno panongu heqhi pithive. Hitoi shi Judamiye panongu yeghi lono hapupokhave.

KUKAMI AKINIU 25:4

aphughi tupikiye hu kuboleve. Babilonmino aphughi homxa pesu ngo akemu ghushimi kumtsu putho lono pokhave. Panonguye akukau ghutu laghi khagho hechesu akupuwu kini kime puake lono tuxususu pokhave eno Jordan khila kudau pove.

KUKAMI AKINIU 25:5

Ikemu Babilon ghushimino akukau Zedekia hasusu ighino Jerikho phivilo aqa lono pa kughaluve, tileno pawu ghushimi kumtsu pa qhive.

JEREMIYA 13:19

Juda lo apeu akeqo taunye aghumino bothape le ani; timi khumu tipau vechesu panoqo lau wulu amoe. Juda lo akemi kumtsu halepuwuve keulo sawuvae.”

JEREMIYA 16:16

AMPEU no piani, “Ino akha kukhami kutomo puwuno timi hipaqo kughalupe nike ighipe nani. Tithiuno ashihami kutomo puwuno naghuto ngo atoghi kumtsulo panoqo haqhipe nani.

JEREMIYA 24:9

Ino kutsakungo keu lakhi pakutakeu panoqo shou sughikeulo ayeghiqhalo ashiayeh kutami kumtsuno thughuive nani. Timiqono panoqo thaigha nani eno panoqo pesu azukutunupu lakhi shinani, panoqo thakepu shi nani, eno ino panoqo halepuwu vekeqha kumtsulo panoqo je pesu musuinikeu lakhi shi peitha nani.

JEREMIYA 39:9

Ashekhashi ahza kutsuu akijeu Nebuzaradan no aphughilo khunoqo qhipuaghi keno eno khunoqo pa lau poighive puzu pa gholo akeno tipaqo kumtsu kumtsa Babilon lo akughumi shipe nike sasu wuve.

JEREMIYA 52:15

Tishi puzu aphughilo timi khije aghikeno Babilon lo sawuve, tiye akumla shikithimi qhipuaghikeqo eno timi Babilonmi lau posusu wuve keqoke.

JEREMIYA 52:8

Ikemu Babilonmi ghushimino Akukau Zedekiya papewu eno Jerikho kupunulo aqa lono pa kughaluve, ike pawu ghushimi kumtsu pa qhiveno kohapove.

AKUMLO 2:9

Putukhakeu hukikhaqoye atenino venhape ani; tipaqo khaduye hechhe pinyive. Itehiye kukami ngo kijemi ye kupokichelo ani. Ayezahye shikapiye chemovae eno tungkupmiye AMPEU launo kungunhetsu kuhavae.

AKUMLO 4:15

Timiqono asheshu pi, “Nonguye kitiqeve ake wuvelo! Idekevilo!” Ikehu panonguye khunomu sasumono kupokichemi shive. Ashiayehlo timiqono pi, “Panonguye hile kughunamo nani.”

AKUMLO 5:5

Kuokhasu nikuolo pipeno niqoqhi eno nipelo akulho qhilu pemoe.

EZEKEL 5:12

Owu timi kikije kuthulo lakhiye kusukini ngo akhuava shipuzu aphughi lono thi nani; kikije kuthulo lakhiye aphughi nguno khalauno azutano ghiqhile nani; eno kikije kuthulo lakhi ashekhau huye ino amlhulo halesu nani eno azutakihi pesu panoqo haqhi nani.

ZAKINIU 28:48

Tighenguno nonguye AMPEU no aghumi nongu shou puwutsuniye akemiqo qeuve penani. Nonguye akhu amzu shive, tughuthive eno aphi kumsave nani eno thwokha avehupu shive nani. Nongu kutsale khavemoke kutolo AMPEU Alhou Ijip lono nongu xaphelu keu huno nongu gholo ananike.