AKUMLO 1:20 - BAIBEL (BSI)

²⁰ “O AMPEU, imlo ghujushi akeu jutsulo, imlo kusashi akeu jutsulo! Ino hebidekeu xine shike ghenguno imlo ipopinyive ake. Alaghilalo ghiqhile ani eno aki sholokuu ghi akithipu ani.

Sumi Naga CL (Re-edited) Bible (BSI)

²⁰ “O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

AKUMLO 1:20 ပူးပေါင်းရင်းမြစ်များ

JOB 30:27

Iwu kighinoli muqhomzai puzu iqunei mlae, ghichheghime tsalano ilakhape auvae.

JOB 33:27

Pano aqo gholo ishi pi nani; “Niye axine shiveke, eno akumzu pesu akughuho shivetsu ake, tiye ila heshekepu shimlae.

LESHELE 22:14

Ayeghilo azu leqhiveke toi ikumtoye hauvae, Ighi anhu kumtsu ita-kututa shivae; Imloye aghugha mullaveke toivae.

LESHELE 38:8

Niye shishe qeivae eno hedapesu auvae; imlo kusa shivae eno akusu launo igha su ani.

AHOLE 28:13

Nono oxine pekusu cheaye noye akuxulo khilemu tokulupu shimo nani. Tipaqo piphevelo eno phevelo tishiaye Alhou no oshou kimiye qhiyikeu anani.

ISAIAH 16:11

Niye Muab ghenguno amloksa shi ighake, Kir Heres ghenguno amlo kughuju shike.

ISAIAH 38:14

Isutsaye yezuyive eno qeyive, eno niye amiqhi toi isughughuive. Inhethino kungugha kudau jukeno akulho shive. AMPEU, shiluksa hipau lono ixaphetsulo.

JEREMIYA 14:18

Kughou ino aluzalo wuju keno, aghukishi lono thivekemi sukumo ino ithulu; kughou ino taunlo wuju keno, akhu-ava lono thivekemi ino ithuluke. Tungkupmi ngo achinemino pano kumla mla ake ikemu panonguye kiu shiani keno panonguno ithi amoe.”

JEREMIYA 14:20

AMPEU, ninguno oshou axine shiveke; nino ni xine ngo nipuasu xine piphe ani.

JEREMIYA 2:35

nonguno pike, ‘Niye kiumu pimi puamoe; kuchouno AMPEU ye ishou amlo idenichemoke.’ Ikemu ni, AMPEU no nongu ghimeqhi nani kughengu nonguno axine shimphi kepi lake.

JEREMIYA 3:13

Okuyiqu likhi ithichilelulo eno noye AMPEU oLhou shou hebideve kepi ithilulo. Asu minipho kumtsu qholono nono inagha lhouqo lau owu kikimiye tsuve eno noye ino ahza tsukeu papelumove kepi piphevelo. Ni, AMPEU no piqhi ani.

JEREMIYA 31:20

“Israil noye inu ino qhuchekeuke, ino kumtsu nguno kimiyekeu nuke. Kughokughomu ino oje ku kelo, kimiyeqhiyi okumsuluke. Imloye okudau acheni; niye okupuqhiyi nani.

JEREMIYA 4:19

Imlo ghime! Imlo ghime! Niye puqhemlavae! Imlo! Imloye kukushi itha ani! Niye inaqhoi ngosumlake; Ino afuko ghugha chilu eno aghushi sutsa chilu ani.

JEREMIYA 48:36

“Ikehu imloye Muab ngo Kir Heres lo akemiqo ghenguno mloqa ani, tiye timi khamino fulili lono akithile pheakeu toi anike, kughengu panonguno pighi akeu thwokha kumtsu cheveake.

AKUMLO 1:11

Liwu timiqoye akusu launo ighaghi pano chuqupu phue. pano kuxu xalu niaye kinikulu pesu achuqupu qhuchue. Aphughino ishi igha, “AMPEU, ilau julo, ivekusalo ishou jupukulo.”

AKUMLO 1:18

“Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

AKUMLO 1:8

Jerusalem ye shishe axine shiveke ghenguno niqhunilayivae. Li gihu chekemi kumtsuno li thaigha ani, kughengu panonguno li phi kumsa akeu ithulue. Liye ihi su ani eno agi kusuluvae.

AKUMLO 1:9

Li kimthekumoye li phiminilono ithuluve ani, ikemu liye ahasapu sholuniye akeu kumsujumoe. Lino vekiqhi akumsapuke, khunomu li lokughuno tsumlae. Aghumino toluvae eno liye AMPEU vilo kimiyetsu penike ighamukuke.

AKUMLO 2:11

Inhethiye qake launo anhebo khoyivae; ingulhoye kutakihi ani. Niwu timi kutsave keulo niye amlo ghime launo lhokutuvae. Aphughi laghilalo itimi ngo anga kughunuqoye thiqhi thiqhi anike.

AKUMLO 5:16

Nino jupesu akijivilo chekeu thime lakhimu kuhavae. Nino axine shiveke eno itehiye ningu hasapu shivae.

EZEKEL 7:15

Alaghila lono aghushi akelo akiqoloye kusukini ngo akhuava shiake. Timi khuuno aluzalo wuni keno aghu shikeu lono thi nani eno khuuno aphughilo ani keno kusukini ngo akhuavano kutsaqhi niae.

DANIEL 9:5

“Nino axine shivae, nino alhoksa mlacheni, nino pimiche, nono nivilo kiu shile pi ahza tsu keno nino milive eno nono kiu achipi keno nipiye keu lono nino pove.

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

HABAKUK 3:16

Ino hipau kumtsu chilu eno musa khokhoshi; akumsa lono imtsuno lalashi itha. Iphimpino inaiveke, eno ipukhuno aqhou kudauno kupuxaluveke. Alhou no ni leighikemiqo ghimeqhike ghuloki ighinikeu niye inaqhoi khe anani.

ZAKINIU 32:25

Aghukishino alaghilalo akithi sughi nani; akiboqolo thughuive keuno pughuqhi nani. Lhothe pumi lhothe limiye thive nani anga kughunu ngo kitekusu mu ghumo nani.