AKUMLO 1:18 - BAIBEL (BSI)

¹⁸ “Ikemu AMPEU ye achipike kughengu ino pa hebideve. Nongu timiqo, hi inilo, ino aghimeshi sukutu akeu julo. Iwu apumi eno ilimiqoye akughumi shi sasu wuvae.

Sumi Naga CL (Re-edited) Bible (BSI)

¹⁸ “Ampeu ye achipi, ikeghi I no Pa tsa hebideve ke; ikemu inilo, nongu ashiayeqo, eno I ghichheghime julo; Iw ilimi eno apumiqo ye küghape akughu lo wuvae.

AKUMLO 1:18 ပူးပေါင်းရင်းမြစ်များ

KUKAMI ATUGHIU 13:21

pano ighamuku Juda lono ighi akeu tungkupuu vilo pi, “AMPEU no pi noye pa hebideveno pano ahza tsukeu shimovae.

EZRA 9:13

Ningu kipimi ghenguno aghime ithuluno haphevepe namu ni ghime kuzupu nguno akimkheu nighime tsuke eno tishimu ningu khami ghupuaghi tsuke.

NEHEMIA 9:26

“Ikemu owu timiqoye ohebide eno ogholumove; panonguye oyezah pe pano thikhau qhive. Panongu vilo olau ideghilo pike ghenguno panongu kutughutsukemi tungkupmi pithivetsu. Panonguno anguno anguno othaighake,

NEHEMIA 9:33

Noye nighimeqhi keu achipike, ninguno axine shivekemu noye pukhukulushike.

LESHELE 107:11

Kughengu panonguno Akughushu Lhou zah kutsu eno akukutsu tsa hebideveke.

LESHELE 119:137

Noye achipiuke, O AMPEU eno oyezahye achipike.

LESHELE 119:75

Ino ithianike owu kughakuthaye achipiuke, AMPEU, nono ighimeqhi keuye noye amikuchoe.

LESHELE 145:17

AMPEU ye pano mla ithakeu kumtsulo amikuchoe, pa kumla kumtsulo kupuqhiyikeu ani.

IPEKULU 9:27

Akukau no Muse ngo Aron kupuwu eno pi, “Ishiu loye ino axine shivae; AMPEU no achipiuke eno iwu timiqo ngo ino achipikumoke.

JEREMIYA 12:1

AMPEU, ino osasu itsa kugha- kepu pesu kutsala aye, Noye achipiu shiaghive nani putsake. Ikeghi niye osasu kuchou xakutha vehu kigheve masavae. Kushiye kusakughamiye shishe kinikulu shipe kya? Kushiye amikucho kumomino ikukithelupe kya?

JEREMIYA 32:23

Ikemu kughou panonguno ayeghi hipaulo iloghi eno hipau amheghi shiluve keno, panonguye nono ahza tsukeu gholumove momu nono shikakeu kiqi lono xumove; nono panoqo pelo shipeniye ahza tsukeu panonguno kiumu shitsumoveke. Ikehu nono kutsakungokeu hipaqo kumtsu panoqo shou sughike.”

JEREMIYA 4:17

eno timino alulo aghukhe shi akeshi Jerusalem suho luve nani, kughengu tile akemiqono AMPEU hebideke. AMPEU no pivae.

JEREMIYA 49:12

“Timi khunoqo aghime jukhu shokuzupu shi aghimo namu tipau shokepu shive aye nonguye ghimeqhimono puwuve nani kepi kumsu ani kesha? Moe, nonguye tipau jukhu sho mayesa nani!

AKUMLO 1:12

Vechewu cheghi kemi kumtsu vilo lino pi, “Ikudau jupuwulo, khumu ino suakeu toi supuamoe, tiye AMPEU no pa loghu lono ishou sughi keu kusuke.”

AKUMLO 3:42

“Ninguno axine shive eno hebideve kehu noye nikipimi pevetsumphie.

AKUMLO 5:16

Nino jupesu akijivilo chekeu thime lakhimu kuhavae. Nino axine shiveke eno itehiye ningu hasapu shivae.

DANIEL 9:5

“Nino axine shivae, nino alhoksa mlacheni, nino pimiche, nono nivilo kiu shile pi ahza tsu keno nino milive eno nono kiu achipi keno nipiye keu lono nino pove.

DANIEL 9:7

No, AMPEU ye kiuno achipi keno tipau alhokuthu shicheni, ikemu pulhapuju nino nilikhi nishou akukujopu sughi cheni. Hipau tsaye ningu kumtsu ghenguno achipike, khunoqo Juda lo Jerusalem lono Israilmi nono ayeghiqha kumtsu apanagha hapiyepighi vetsu keno tipau huye panonguno ogho lumo keghenguno ke.

AMUS 8:13

Tipa tsala ghulokiloye apumi ilimi alhothe, ashiaji kivimi namu tughuthi kelauno iluqive nani.

ZEFANIA 3:5

Ikemu AMPEU ye aphughilo aphike; paye kiuno achipi keno tipau shicheni eno achipi kumou khilemu shichemoe. Ina atsu-tsu pawu timiqo lau pano kuchou xakutha sughi cheni. Tishi keghi tilehi achipi kumomino akumou shi acheni eno kujochemoe.

ZEKHARIA 1:6

Tungkupmi iqemiqo vechewo nongu puasuqo lau ino ahza tsu eno kutughukeu tsuke ikemu panonguno tipaqo phimoveke eno tipau jume aghime sholu ke. Tileno panonguno xachile ighino ni, Aqokitikhi MPEU no panonguno ithulu kuzupu shiakeu qhemi eno ino shinikeu shi kumsupuve keu shi panoqo ghimeqhi kepu panonguno kumsu chileluke.”

Rommi 2:5

Ikemu noye amlo kumka likhi thono amlo-ighikeu kuhae.Ike Alhou ghakighide eno Pano achipi lono kughatsukeu pephepiye nike tsalalo noye olikhi oghengu aghime kitikhi ithulu kepu pekike auvae.

Rommi 3:19

Ninguno ithi anike, Ayezahlo pi puakeu kumtsu Ayezah qholo akemiqo vilo pi anike, tishianguno timino jekukivi shichekeu kumtsu hakhave no ayeghiqha kumtsu Alhou kughakutha qholo saghiniye ke.

ZAKINIU 32:4

‘AMPEU ye nongu sushokuluu akughushuu, pano shike kumtsulo kupukulu eno kuchou; Nongu Lhou ye amikucho eno kuchoue; achipiu eno akivipu pano shi cheni.

XAKUTHAMI 1:7

Adonibezek no pi, “Kukami pano lhotsuni uloqu ngo apukhu loqu ghatha suwo ino iwu yekube qholo qhipuani. Ino panongu lau mlakeu toi itehi ye Alhou no ilau mlavae.” Panonguno pa sasu Jerusalem lo ighino paye tilano thive.

SAMUEL ATUGHIU 15:23

Pa ghobide keuye atumu sasu aphiphie, eno amlo kumka huye ajulho mllakeu xine sasu aphiphie. Kughengu nono AMPEU zahkutsu milive kehu pa ghi okuka kishi milivae.”