ACHINE 7:9 - BAIBEL (BSI)

⁹ Athi kumllagho kumtsulo khipaqono amikulu lono shupugha, momu ali lono be-lhoni momu ayipali lono shupughani keno achineu khipauno Alhou lau tipaqo pesu mllani keno tipau salake.

Sumi Naga CL (Re-edited) Bible (BSI)

⁹ Athi kümllagho lono asho jeli, ami külü lono wochhe keu eno akibe sho momu akhosali lono püghakeu, kümtsü peitha tsü akeu achineu sala shini.

ACHINE 7:9 ပူးပေါင်းရင်းမြစ်များ

KUKAMI AKINIU 12:17

Tipa ghulokilo Siriya lo akukau Hazael no Gat phughi le luvetsu; tishiveno paye Jerusalem ghi lenikeu shi xathave.

EZEKEL 44:29

Achinemiqo chuqupuye athi pesu mllakeu, axine ghenguno mllakeu eno lochilekeu mllakeqo shi nanike, eno panonguye Israil lo ighenguno kutopesu tsuvekeu jeli kumtsu lukepu shi nani.

ACHINE 2:10

Tipau kumllagho kutauqoye achinemi salake; tiye ighono akimtheke kughengu tiye AMPEU lau achuqupu mllavekeu lono lukeu ke.

ACHINE 5:13

Hipa ghola lono achineuno timi tipau xine ghenguno aghashikeu mllalo eno axine peive tsu nanike. Asho mukhu kutauqoye achineu sala shiniake, tiye athi pesu akumllagho tsukeu toike.

ACHINE 7:10

Ikemu bevemokeu athi kumllagho teli pesu kunuvekeu na momu qhaikeu pinamu kumtsu Aron laghalo achinemiqo salake eno panoqo dolo aqhemi shi kusajelu masake.

ACHINE 7:8

Pitikeu kumllagho shikeu lhoxu yikoye achineu khipauno peithatsu ani keno tipau salake.

AKIKIHI 18:9

Shikimthe pesu akumllagho tsukeu akiptia lo pitimokeu jeli hipaqoye nongu salake; athi kumllagho jeli, axine kumllagho jeli,eno lochilekeu kumllagho jeli. Kiukiu pinamu shimthe pesu imllakeu gho jeliye no eno onuliqo salake.

1 Kor. 9:13

Nongu ghi ithi aghinanike khunono achinekilo chini chenikeno achineki lono panoqo chuqupu ithulu cheni, eno khunono akumllagho pesu akiptia lono mlla cheni keno panonguye akumllagho lono asaje lucheni.

1 Kor. 9:7

Timi khuno pa likhi pa chuqu kusho peitha puzu ghushimi shicheni kya? Timi khuno pa tsayilu chi puzu tipaulo ipekighi xathi chumove cheni kya? Momu timi khuno pawu bheriqo kheu shipuzu tipaqo launo akichhizu lumove cheni kya?

Galatiami 6:6

Timi khuno lau Khristomi tsape shikave akeno paye pa kutsuchekeu sasu pano thime kivi akeu kumtsu pesu kusaje kepue.