ACHINE 7:18 - BAIBEL (BSI)

¹⁸ Akuthunilo tipau kitilamu chu aye timi tipau kumllaghoye Alhou no ikhilutsumo nani. Akumllagho huye pa launo kihi tsumove nani ikemu mithekumopu shi kihive nani eno khunono tipau chuni keno tipau makho ye aghime shinani.

Sumi Naga CL (Re-edited) Bible (BSI)

¹⁸ Pa ghakishi shi pekishewo aküthüni lono chu aye, akümllagho ikhilu tsüke kumono tsü akeu timiu ghi pa ye tsüvae pi kihitsü moae. Ti ye niqhinilaive akehu chuve keu no akümllagho tsükeu timi xineu ghi puniae.

ACHINE 7:18 ပူးပေါင်းရင်းမြစ်များ

AHOLE 15:8

Kughou timi kivimino inikhuni keno AMPEU mloqi cheni ikemu kixikilamino aghashipe pa mlla nike sughikeu mithi cheni.

ISAIAH 65:4

Putholo panonguno atukilo ngo akumokilo kithimi ghungu sasu kusutsa kileniye wucheni. Panonguye awoshi chucheni eno tughachinelo lhoxu heqhi pe mllakeu shilhokeu zu yecheni.

ISAIAH 66:3

“Timino panono pulokeu shicheni. Panoqo ghenguye amshitsu pesu heqhipe mlla na timi lhoxu heqhipe mlla namu kiumu kututakeu kuhae, panonguye bheriti heqhipe mlla na atsu kuo suchhevetsu namu kiumu kutuqu keu kuhae, panonguno tuxatini pesu agho mlla na awoji pesu mlla namu kutuqukeu kuhae, panonguno tsungquikeu ta pitipe mlla na asu atu julho vilo inikhu namu kiumu kutuqukeu kuhae. Panonguye niqhunilai keu ghola lono mllakeulo amlo tsucheni.

JEREMIYA 14:10

AMPEU no timi hipaqo ghili ishi pi, “Panonguye ilauno pove nikeuno pano lokutu acheni eno pano likhi pano ghasuni chemoe. Ikehu niye panoqo lau amlo kiqi kuhae. Panonguno akumou jeli shikeu ino kumsupu che nani eno panoqo xine ghenguno ghimeqhi nani.”

JEREMIYA 14:12

Panonguno kumvu kuphupenike ighamuku pinamu niye initsumoke; eno panonguno akuchopu piti mllakeu ngo athi pesu mllakeu kumllagho itsue pinamu niye panoqo lau amlo qini chemoe. Tishike kumono, aghukishi ngo akhu-ava eno kusukini pesu ino panoqo heqhipithi nani.”

EZEKEL 18:20

Timi khuuno axine shikeno paye thi nani. Anu lakhiye papu xineqo ghenguno aghimepu shimo nani momu anu xineqo ghenguno papu ghimekepu shimo nanike. Amikuchomiye pano achipiu shikeu saxu ithulu nani eno alhoksamiye pano alhoksa shikeu ghimepu sholu nanike.

HOSIYA 8:13

Panonguno lhoxu heqhipe imlla eno tipau shi chu cheni. Ikemu ni, AMPEU ye panongu shou imlo kiqi kuhae eno itehiye ino panoqo xine kumsuma moe eno tipau ghenguno panoqo ghimeqhi nani; ino Ijip lo panoqo puwu kithe nani!

ACHINE 10:17

“Nonguye kushiye axine kumllagho akimthea lono chuvemo kya? Tiye ighono akimtheke eno AMPEU no aqoahomi xine ikhisuwuve tsuniaye tipau nongu tsuveake.

ACHINE 10:19

Aron no khochilepi, “Ishi ino axine kumllagho chuve kena piaye kishiveni chekela? Tipau nomu alau AMPEU lopivini chekesha? Timiqono pano xine kumllagho pesu ishi no AMPEU lau tsuke eno panonguno pitikeu kumllagho sughike ghi akumsapu hikithipu ishou ikughike.”

ACHINE 11:41

Nonguye lhoxu kititi ayeghilo iqhoiqi chekeqo lakhimu chukevilo,

ACHINE 17:16

Pano tipau shimo aye paye kuquvekeu ghime punanike.

ACHINE 19:5

“Kughou nonguno kuposhukulu kumllagho lhoxu heqhini keno, ino ayezah nongu tsupuakeu pelulo eno ino akumllagho tipau ikhilutsu nanike.

ACHINE 20:17

Timi lakhino pa chepu momu pa chepu kishe sasu kulakupu shi aye pamaye aqha gizulono shikukujolo eno aqoaho gholono hapupovelo. Paye pa chepu sazuve ake eno tipau ghime sholu masake.

ACHINE 20:19

Timi lakhino pani sazu aye, kixikula tipau ghenguno aghime ime masake.

ACHINE 22:23

Puloniqhiyi keu kumllagho shinikeulo nonguno lhoxu thuwumokeu momu kupukulaimo keu lhoxu pesu mllaluvike ikemu ashoqhi shikupu kutsu kumllagho loye tipau ikhilutsumlake.

ACHINE 22:25

Inaghami launo kuqhukili shi saghikeu lhoxu pesu piti pesu mlla keugho lakhi shi mllakevilo. Lhoxu tikithipuye tukutiye akeu shi kihi acheni eno ikhilutsumo nanike.

ACHINE 5:17

Timi khualano mthano AMPEU no ahza tsukeu lakhimu hexave aye paye angsu shivae eno tipau xine makho love masa.

ACHINE 7:19

Ashi tipauno kiu kiumu chinikeulo mithemo keu diluni keno tiye chukepu kumovae ikemu pitive masae. Khuu khuu pinamu chinikeulo mithe aghi aye akumllagho hu chulu nani,

AMUS 5:22

Kughou nonguno akiptipu akumllagho ngo athi kumllagho ilau sughi nikeno niye tipaqo ikhilutsuni chemoe; nonguno imllaniaye lhoxu ashi pubeleyi keu hu niye lutsuni chemoe.

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

MALAKI 1:13

Nonguno, ‘Ninguye hipaqo jupe angaghaivae!’ ipi cheni eno nonguno agi sukughupe itsu cheni. Imlla ani kepi nonguno puka sughikeu lhoxu momu ayiku kughupa momu kusukini lhoxu pesu ighi cheni. Niye nongu launo tipau ikhilutsu nani kepi kumsu ani kesha?

AKIKIHI 18:27

Pakutakeu shi mtshakeu hipauye aluchemi lakhino athi kithe eno atsaiji kithe pesu akumllagho shikeu qhemi shi kihivetsu nanike.

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Rommi 4:11

Abraham no aphighu yiko gha mphi lonomu pa kupulu Alhou lau akeu lono Alhou lau achipikaluve keu michi momu chishidapuku keu michi lakhi shighi aphighu yiko ghae. Tipau kimjiye Abraham pelo aphighu yiko ghamokemi pinamu pulu aghikemiqo eno tishi keu lono Alhou lau achipikalukeu panoqo lau kihipukuve kemiqo papuh shipeniye ke.

IBRIMI 9:28

Tihutoi Khristo ghi timi kutomo xine puluvetsu nike ghuthu khavino pa likhi pa ikhiphetsuve. Paye ghuthu akiniu ipeghi nani, tiye axine ikhive tsunike ghenguno kumoe ikemu pa huqhekhe aghikemiqo xaluniyeke.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.