ACHINE 6:2 - BAIBEL (BSI)

^2-3 Timi lakhino pa kusami Israilmi lakhino pekikepe pa gholo qhikeu, huu hiu thelilo qhikeu tsuchilemove keu momu pa launo kiuala pukaluveni momu pa pishiqhiluve momu kiuala puhavekeu lo mikikeu tsa pipuzu paye tipau ithumla kepi tushoqhive keu lono AMPEU shou axine shive aye akumllagho lakhi shipelo.

Sumi Naga CL (Re-edited) Bible (BSI)

² “Khuana no pa küsami no kiketsü momu süshotsü penike kiuala tsü kelo pa no mqüqhive momu püka luve no Ampeu zülo axine shive; momu pa no anguka lono pa küsau launo süxa luvetsü;

ACHINE 6:2 ပူးပေါင်းရင်းမြစ်များ

BOTHUBO 26:7

Tipa-alo kuamino pa nipu vehu iniju kelo pano ishi pi, “Liye ichepue,” kughengu pano “Liye inipue” ipini keu msave, tile kuamino pa ghiqhiveno Rebeka luve nosa kehu, kughengu liye ighono juvike.

LESHELE 51:4

Kutami kumono oshou likhi ino axine shivae eno ozulo alhoksa ipichekeu ino shivae. ike noye ishou kughatha nikeulo achipi shianike; ikughape akumou kepi pinikeu noye achipike.

AHOLE 24:28

Akiqi akivi kuha keloye timi kutami shou thopi tsa pipuku kevilo momu pa ghili akumo akukuhau pikevilo.

ISAIAH 21:2

Ayikusapu shiwoni keu kungunhetsu lakhi ino ithuluke, tiye jechukileni keu eno hexapiniyini keu kungunhetsu lakhi ke. Elam ghushimiqo halewulo! Mediyami ghushimiqo, aphughi bothano khathasululo! Babilon no aghime tsuche keu Alhou no kishekhave tsuni cheni.

ISAIAH 24:16

Ayeghi shekha kudau akemino amikucho shiayeh Israil shipilikeu le ninguno chilu nani. Ikemu ighenguye lajupu kuhae! Niye tsu-hau wochea! Kughengu axiqhi ghumino ijechu auvae, panoqo muqu lhoksaye vimokithe auvae.

ISAIAH 33:1

Nighumi ghenguno ahaksapuke! khunomu panoqo wu pukalumo momu panoqo pesu athe shisuvemo kemu panonguye pukaluve eno athe shive anike. Ikemu panoqono pukanikeu eno athe shini keu ghuloki ashekha shive nani eno kutamino panoqo pukaqhi eno xaleqhi nani.

JEREMIYA 9:5

Kumtsuno pa kusami pishiqhi cheni, eno khunomu kuchou tsa pichemoe. Panonguno mikinikeu pano mili shika acheni panonguno axine shi acheni eno xaideghiveni keulo akulhoshi acheni.

EZEKEL 40:46

eno ahuu juakeu cheboye akipti-a lo mula akemi achinemi ghenguno kepi. Achinemi kumtsu Zadok launo ikoighikemi; Levi laghamiqo gholo panoqo likhino AMPEU zulo pa mlla keu shipe nikeu shike.

ACHINE 1:3

Pa mishi gholo no pesu piti mllakeu tiye amshitsu tukutiye kiumu kuhakeu shimaye sake. Pano tipau sawo AMPEU no ngochekeu Phiki hukikhalo saghilo tishi anguno AMPEU no pa ikhilukeu shini.

ACHINE 19:11

“Pukaqhi, pishiqhi momu miki kevilo.

ACHINE 5:15

Timi khualano AMPEU lau akimthepu tsukepushi akeu tsupuwuni keu mthave puzu tishimove aye paye lochilekeu kumllagho shinike bheri momu anetsu tukutiye kuhakeu lakhi AMPEU lau sughilo. Tipauye kiu me qhemi shikepu keno achine alo mighi chekeu qhemi lono hulo.

ACHINE 5:19

Tiye pano AMPEU shou axine shivekeu ghenguno lochilekeu kumllagho ke.

ACHINE 6:1

AMPEU no peitha kepu yezah hipaqo Muse tsuke.

AMUS 8:5

Nonguno nolikhi novilo ishi picheni, “Ninguye akimthe tsalaqo wove penikeu khelho kutuke tishianguno niwu athi jelu nike. Sabat thiuno nino ame alau lu, ahu kichileu peithalu eno ahuu shikideveno qhuighikemi pishiqhini.

HABAKUK 1:13

Ikemu noye kishino lhoksa kugha hekibidemi hipaqo jualu cheni kya? Onhethi ye shishe akimtheke kishino alhoksa shou jupukuni kya? Noye timino akumou shiaghi keu shou jupukumlake. Tishiaye panonguno panoqo nguno amikuchomi kutsaleve akeulo noye kushiye inaqhoi ani kya?

John 8:44

Nonguye nongu papuh tughami tianuliqoke eno nongu pulouye nongu papuh ghoapulou shinishie. Inahu abothu lono paye ghikiqhiu ke. Paye khilemu kuchou kudau ajumphie, kughengu pa lolo kuchou kuhae. Kughou pano akimkitsa pinikeno pa lhoaye lono kiu keno tipau shi anike ghenguno paye akimkiuke eno akimki jeli kumtsu papuh ke.

Apostolmi 5:4

Amheghi jemphi lomu tiye owu eno ti jevekethiu mu pisa ye owue. Imaye, kushiye hikithipu shinikeu omlolo kughuphe kya? Noye timi vilo mikike kumo puzu Alhou zulo mikivae!”

Ephesiami 4:25

Tighenguno akimkitsa pikevilo. Milakhikhino pa kusau vilo kuchou tsa pilo, kughengu ninguye kumtsu aphimpi lakhilo anike.

Kolosiami 3:9

Lakhino lakhi lau akimki tsa pikevilo; nongu lhoayeh aqau pepimhe chekeqo qhive akehu.

Piyeküsü 22:15

Ikemu aphughi nguno khalauye alhoksa kitiqevekeqo, kuduu shichekemiqo, salha shupukemi, ghikiqhimi, ajulho shisuno tipau mllakemi, akimki kimiye eno miki cheni keno tipaqono acheni.