ACHINE 5:7 - BAIBEL (BSI)

⁷ Timi lakhino bheri momu ane sughimla kepu shi aye pa xine ghenguno lochile kepushi AMPEU lau amqhi momu kobutur kini sughilo, lakhino axine kumllagho eno lakhino piti mllakeu gho shikepushi.

Sumi Naga CL (Re-edited) Bible (BSI)

⁷ “Ikemu pa no khikhiu mu süghimla aye, pa xine lovetsü penike pa ye Ampeu lau lokichile shi aqhewo kini momu amiqhi lhothe kini, lakhino axine kümllagho eno lakhi no akipti kümllagho ghenguno süghini.

ACHINE 5:7 ပူးပေါင်းရင်းမြစ်များ

ACHINE 12:6

Lino shikimthekeu ghuloki kupuve kethiuno, anu pina anga ghengu namu, liye pitikeu kumllagho bheriti ampe lakhi shivekeu lakhi eno axine kumllagho ghenguno amiqhi lakhi pesu AMPEU no achekeu Phiki hukikhalo achineu lau sughilo.

ACHINE 12:8

Totimi huno bheriti peighimla kepushi aye amiqhi kini momu kobutur kini sughilo, lakhino pitikeu kumllagho ghenguno eno lakhiuno axine kumllagho ghenguno eno achineuno li kimthekumo ikhivetsu keu chine chinilo tishianguno liye chinikepulo mitheluve nani.

ACHINE 14:30

Tishi no pano amiqhi momu kobutur lakhi pesu axine kumllagho shi mllalo,

ACHINE 14:31

eno lakhiu pesu athi kumllagho gholo pitikeu kumllagho shi mllalo. Hitoi shino achineuno shikimthekeu chine chinilo.

ACHINE 15:30

Achineuno tikuma gholo lakhi pesu axine kumllagho shilo eno lakhiu pesu pitikeu kumllagho shilo eno hitoi shipuzu li shikimthekeu chine pano chinilo.

ACHINE 16:5

Israilmi aqoahono axine kumllagho ghenguno anetsu kini eno pitikeu kumllagho ghenguno bheritsu lakhi Aron tsulo.

ACHINE 27:8

Timi ashoqhi shikeuno kumlhomi lakhi shi aghi puzu kiqitha puakeu me tsumla kepu shiveaye timi tipau achinemi lau saighilo eno timi tipauno tsulu kepu qhemi lono achineuno ame aqhou shi betha tsulo.

ACHINE 5:11

Timi lakhino amqhi momu kobutur kini namu tsumla kepu shi aye paye axine kumllagho asho mukhu kilogram lakhi sughilo. Paye tipaulo oliv teli na kutau tsungquikeu zu kiumu sukevilo kughengu tiye axine kumllagho lakhike, tiye athi kumllagho kumoke.

ACHINE 7:1

Hipaqoye lochilekeu kumllagho yezahke eno hipaqoye ighono akimtheke.

ACHINE 9:3

Tishieno Israilmi vilo axine kumllagho ghenguno anetsu lakhi eno piti kumllagho ghenguno bheriti lakhi eno amshiti lakhi tukutiye kuhakeu ampe lakhi khi shiakeu,

AKIKIHI 6:10

Atsala akutacheni paye miqhedu momu kobutur kini pewo achinemi khuu AMPEU no ngochekeu Phikilo ikulola lo akeno tipau tsuni kezah.

AKIKIHI 6:11

Pano akithi kumo kidilu kehu pa ghenguno achineyeh lono shikimthe keu kumla kuputsunike, miqhedu lakhino axine kumllagho eno lakhino piti kumllagho achineuno shitsunike zah. Tipa tsalanino timi huye pasa akimthepulo qhinikezah.

MATTHEW 10:16

“Julo! Ino nongu pelo bherino atine gholo ilolu aketoi puwu ani. Nonguye apighi toi tsukhuyi shimasae eno amqhi toi ivunheyi masae.

MATTHEW 21:12

Jisu no achinekilo ilo puzu achinekilo kuqhukili shi aghikemiqo kumtsu hapheve eno kubtur jechekemiqo lakhu tukuluvetsu.

MATTHEW 3:16

Jisu no baptiz shilukelo pano azu lono ithughi kemtsa kungugha khaqhitsu eno Alhou Ghungu no miqhedu lakhi toi iqighino pa shou ngove keu pano ithulu,

Luke 2:24

Ampeu Yezah lo pi puakeu kiqi lono, “Amiqhi tuna lakhi momu titoi keu ghau kubtur alhothe kini,” pe akumllagho shighi mlla nikeu shie.

2 Kor. 8:12

Kughengu timi lakhino puloniqhiyi tsunishi aye, Alhou ye timi tipauno kuhakeu khuamo puzu pano kiu tsuluniye anikeno tipau ikhilutsu nani.