ACHINE 4:32 - BAIBEL (BSI)

³² Timi lakhino axine kumllagho shikepushi bheri lakhi saghi aye tiye tukutiye kiumu kuhakeu aqu shimasake.

Sumi Naga CL (Re-edited) Bible (BSI)

³² “Tsala pa no pa xine kümllagho ghenguno ambe süghi aye, ti ye aqu tukutiye kühakeu shini

ACHINE 4:32 ပူးပေါင်းရင်းမြစ်များ

IPEKULU 12:3

Israilmi aqo aho kuchopu vilo hipa tsa pesu tsulo: Hipaqhi atsala achighiulo timi lakhi khino pa kibo ghenguno bheriti momu ane alhothe lakhi kishelu masa.

IPEKULU 12:5

Nonguno bheri na ane pinamu kishe kide luvi ikemu tipauye ampe lakhi atsu tukutiye kuhakeu shi masake.

ISAIAH 53:7

“Mughachhoi pa peithake, ikemu akumtsa shi puqheluveke; paye atsa lakhimu piqhimoe. Bheriti lakhi ghiqhiniye akelo toi, bheri lakhi amhi gholuveniye akelo toi paye atsa lakhimu piqhimoe.

ACHINE 1:3

Pa mishi gholo no pesu piti mllakeu tiye amshitsu tukutiye kiumu kuhakeu shimaye sake. Pano tipau sawo AMPEU no ngochekeu Phiki hukikhalo saghilo tishi anguno AMPEU no pa ikhilukeu shini.

ACHINE 4:28

pano axine shivekeu ithilu ve kemtsa paye mtazu anequ tukutiye kiumu kuhakeu lakhi pesu akumllagho shinike saghilo.

ACHINE 5:6

eno pa xine ghenguno lokepushi paye AMPEU lau bheriqu momu anequ lakhi akumllagho sughimasa. Achineu no timi tipau ghenguno aghashi pesu mllalo.

Luke 1:35

Kungumino li vilo pi: “Aghungu Kimthe no oshou ighi nani eno Alhou kuka oshou ngo nani. Hi ghenguno akimthe nga khikhi punu nani keno tiye Alhou Nu ipi ku nani.

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

John 1:36

Jisu no chesu wucheghi keu jupuzu pi, “Julo, Alhou wu Bheriti!”

Ephesiami 5:27

tishianguno Khristo no akukuhou pelo tukutiye eno jekujeli kuhano jukighilepushi tsughukhuyi eno akimtheshi pa lau saluniyeke.

IBRIMI 7:26

Tishiaye, achinetou tikithipuno nino avehupu shiakeulo achipi shianike! Paye akimthe; tichetighepu kuha; tukutiye kiumu kuha; axinepu timiqo launo pakutashi pesu qhi eno atsutsu nguno kunguu ikhiqhe pukue.

IBRIMI 9:14

Khristo jihye tinguno shishe alau shilupe puanike. Pano lhokta Ghungu vechewo tukutiye kuhamithe ghi Alhou lau pa likhi pa pephe tsuvekeu pa jih huye avehupu kuhamithe keu kumla lono ningu mlo lotsuh shikimthe pesu akuxupu Lhou qelupeniyeke.

1 Peter 2:22

Paye kiu xinemu shipepuamoe; pa kichi lono akimkitsa lakhimu chilupuamoe.

1 Peter 2:24

Khristo ampino kros lo pa phimpi lono ningu xine xapuluveke, tishianguno ninguye axine launo thive puzu Alhou lau amikucho kuxu xupeniyeke. Pa zakuqo pesu nongu shipiviluvae.

1 Peter 3:18

Kughengu Khristo ghi axine ghenguno ghuthu khavilo kumtsu ghenguno thiveke, amikuchouno amikuchokumomi ghenguno thive, tishianguno Alhou lau ningu saghiniyeke, eno aphimpi lono pa pithive ikemu angu-aghapu kuxulo pa xuputhuve;

Piyeküsü 5:6

Tileno akuka lakhu ngo akuxu akeu lhoxuqo dolo eno muchomiqo gholo Bheriti lakhi puthugho aghikeu ino ithulu. Bheriti huye ghiqhipuakeu toi ipeghi. Tiye akibo tsuni pua, tipaqoye Alhou kimthe ghahwu tsuni ayeghiqhalo puwu puakeqoke.