ACHINE 26:6 - BAIBEL (BSI)

⁶ “Ino noyeghilo iquneikeu tsu nani, eno nonguye kiumu msamono zuhulu nanike. Ino ayeghilo kumsa kimshipu lhoxuqo halevetsu nani eno tilehi kiumu aghukishi kuha nani.

Sumi Naga CL (Re-edited) Bible (BSI)

⁶ I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

ACHINE 26:6 ပူးပေါင်းရင်းမြစ်များ

KUKAMI AKINIU 2:24

Elisha no idechile ighino panongu thughui jupuzu AMPEU jelono panoqo ghusove. Tileno avaqu kinino agha lono ilhe ipeghino itimi pano lhobidi kini jithapiniyi tsuvetsu.

YEKIKITHI ATUGHIU 22:9

Ikemu pano ashoqhi lakhi ilau piqhie. Pano pi ‘Noye anu lakhi shi nani khuu alokughuno lono ayehpeni kuau keno, kughengu ino pa ghumi kumtsu launo pa ghenguno alakishi shitsu niae. Pa je ye Solomon kutsulo, kughengu pa yehkipe ghuloki lono ino Israilmi alakishi eno sushokulu sughitsu nanie.

YEKIKITHI AKINIU 20:30

ike Jehosafat ye iqughai ayeh peche eno ala thwokhalo Alhou no sushokulu pa tsu ke.

JOB 11:19

Nono aghumi msamono zuhulu nani eno timi kutomono okukuphu iniju nani.

JOB 5:23

Kughengu nono hochekeu lulo atu kuha nani tughashino khilemu ohamo nani.

LESHELE 144:14

Ni tsu-aqu pelo ati-ijovemo momu piti-kighishelu pelo. Ni phuyina laghilalo ichhe imekeu ghugha kuha pelo.

LESHELE 147:14

Pano noyeghi lughi kupunamono qhitsu eno athi aghileu pesu ogha piqitsuke.

LESHELE 29:11

AMPEU no akumto pesu pawu timiqo tsu cheni eno alokughuno pe panongu kumghatsu cheni.

LESHELE 3:5

Ino ihozuve, zuhuve eno ida thughive, kughengu AMPEU no imutupeke.

LESHELE 4:8

Ino ihozukelo niye iquneyi zuhulu cheni; O AMPEU olikhino ishipusu pemono xulu chenipeke.

LESHELE 85:8

Niye AMPEU Alhou no kiu piani keno chiluni; ninguno anikha laghilo wokithemo aye pawu timiqo lau pano alokughuno tsunipi piqhi puanike.

IPEKULU 23:29

Noye ampe lakhi lono panoqo halephe ni chemoe; ino tishi aye ayeghiye khumu kuhaveno nongu ghenguno tughashino kumzapu shive nani.

AHOLE 3:24

Nono azualo zuakelo ghi noye musamo nani eno noye putholo zucheyi zuhulu nani.

AHOLE 6:22

Panoqono kutsupiyekeuno aghuzulalo osache nani, putholo osusho nani eno puchou okutsupiye nani.

ISAIAH 35:8

Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

ISAIAH 35:9

Tilehi abongushu kuha nani; ayikusa lhoxu lakhimu tipala kathamo nani. AMPEU no khunoqo xapheluvea keno tipala pulasusu akilo izuwu nani.

ISAIAH 45:7

Ino akuvu ngo akuzu kuma lhophe tsuke; Ino kukumgha ngo kutsakungo keu kinikujo sughi cheni. Ni, AMPEU no hipaqo kumtsu shichenike.

ISAIAH 9:7

Pa kuka yehkipeye thuwu ache nani; pa kukaqhaye pulhapuju iquneyi anani. Paye Akukau David thisupe ayehpe nani, achipiu xakutha eno amikucho lono pa kuka peitha nani, itehi eno alhokupuju kutolo tishi anani. Aqokitikhi shou AMPEU wu amlo tsuqhiyikeuno hipaqo kumtsu shi nani.

JEREMIYA 30:10

“Iwu timiqo, musa kevilo; Israil lo akemiqo, musa ichhive kevilo. Nonguno putosuu akughushi achekeu yeghi kudauno ino nongu xaphe saghi nani. Nonguye noghakhulo ideighi nani eno alokughuno shi xu nani; Nonguye sushokululo anani eno khunomu nongu shikumsamo nani.”

JEREMIYA 31:26

Tishikeuno timiqo no ishi pinani, “Ino zuhuve puzu idathughi kelo aloponyivae.”

EZEKEL 14:15

“Momu ino tughashi puwu puzu timiqo pithive peluvike eno ayeghi pelo ighono akuighupu shive puzu milakhimu tipau kathasu kicheghuzu shimlavepe nani.

EZEKEL 14:17

“Momu ino aghukishi tipa ghakhu shou sughiluvi eno kutsalevekeu ghunanu puwu puzu timi ghi pichepighi ghi puhakhave peluvike.

EZEKEL 14:21

Akughushu MPEU no piakeuye hike: “Ino iwu aghimepu akusa akusau bidi pesu Jerusalem shou puwuni chenike, tiye aghukishi, puqumiyekeu, tughashi eno kusukini timi ashi-aghau aphiphishi kutsave peniyeke.

EZEKEL 34:25

Panoqo pelo ithapemo nikeu shi ino panoqo sasu puloshoqhi lakhi shi nani. Aghakhulo akumsapu lhoxu kumtsu ino hapupovetsu nani tishianguno iwu bheriqoye aluzalo sushokulushi xulu nani eno aghasalo zulu nani.

EZEKEL 34:27

Asubono axathi pithi nani, alulo axabo ipeghi nani eno timi kumtsu pututa lulo ithamono xulu nani. Kughou ino iwu timiqo tshupuakeu yikichhe suthavetsu puzu panoqo kughapesu aquaxemi shipekemi launo iwu timiqo kuqhophe nikeno tileno niye AMPEU kepi panonguno ithi nani.

EZEKEL 5:17

Ino akhuava ngo tughashi puwu puzu notianuli heqhivepe nani eno kusukini, ghiqhi heqhi eno aghukishi puwu puzu nongu pithive nani. Ni, AMPEU no pivae.”

HOSIYA 2:18

Tipa ghulokilo ino tughashi ngo aghau kumtsu sasu puloshoqhi lakhi shi nani, tishianguno panonguno iwu timiqo shipusamo nani. Ino aghakhu lono aghushi nanu, azutakihi asuzu ikhivetsu nani eno iwu timiqo pelo alokughuno eno ighukepu kuhano xulupe nani.

HOSIYA 2:20

Niye ishoqhi qhini eno opesu iwu shini, eno nono ipesu AMPEU kepi kighithi kileni.

ACHINE 25:18

AMPEU no ayezah ngo ahza tsukeu kumtsu pelulo, tishianguno nonguye aghakhulo sushokulu shi xulu kepushi.

ACHINE 25:19

Ayeghino tipaulo tuxatini ipeghi tsu nani eno nonguye nonguno chunishikeu kumtsu alunani eno akukupunalo sushokulu shi xulu nanike.

ACHINE 26:22

Ino nongu gholo akumsapu tughashi puwu nani eno tipaqono nongu tianuli heqhive nani, nongu tsu aqu kutsave nani eno nonguye timi aghulo likhive nani eno nongu laghiqoye yenguyeleive nani.

ACHINE 26:25

Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

ACHINE 26:7

Nonguye noghumiqo shou tokulu shiluve nani;

MICAH 4:4

Pututa shelo kumtsuno alokughunoshi pawu atsayili eno khughuthibo qholo xucheuve nani eno khunomu pa shikumsamo nani. Aqokitikhi AMPEU no hipau piqhiveake.

ZEFANIA 3:13

Israil lo khunoqono puxupe puaghini keno tipaqoye khulaumu akumou shimo nani, mikimo nani, pishiqhi keu tsa pimo nani. Panonguye kinikulu shi nani eno sushokulu anani, khuumu musakepu kuha nani.”

HAGAYI 2:9

Achineki akitheuye aqau nguno alau jukighilepu shi nani eno tilehino ino iwu timiqo pelo kinikulu eno alokughuno shipe nani.” Aqokitikhi MPEU no piqhivae.

ZEKHARIA 9:10

AMPEU no pi, “Ino Israil lono aghushi khurshi ikhive nani; eno Jerusalem lono khurshi ikhive nani; aghushilo peithakeu suzu kutsavetsu nani. Okukauno ashiayehqo gholo ala shitsu nani, pano azughi lakhi lono lakhiu kutolo ayehpe nani, Eufrati ghoki lono ayeghi shekha kutolo.”

John 14:27

Ino alokiqipu nongu gholo qhitsu ani; alokiqipu ino nongu tsuani; ayeghilomino tsuchekeu hutoi nongu tsuanike kumoe. Nongu mlo kutakihi akevilo momu msakevilo.

Apostolmi 12:6

Herod no kughakilo thoghiu pa sawuni keu shia. Ike tipaji Pitor ye aghukhemi kini dolo zuae. Ayikichhe kighi kinino pa tshupepua eno akughuki hukikhalo aghukhemino aghukhua.

Rommi 5:1

Tighenguno ninguye akupulu lono Alhou lau achipikaluve akehu, ningu Mipeu Jisu Khristo vechewo ninguye Alhou sasu kulashiluvae.