ACHINE 2:1 - BAIBEL (BSI)

¹ Kughokughomu timi khuno athi pesu AMPEU lau mllani keno paye atughushi tipau pesu amkhushi kubove paghilo. Paye tipaulo oliv teli ngo tsungquikeu zu supuzu

Sumi Naga CL (Re-edited) Bible (BSI)

¹ “Khuana no akümllagho shi Ampeu lau athi kümllagho süghi kelo, ti ye ashomkhu akiviu shini. Pa no thazü ngo müsüghüta zü pesü tipau lo süni,

ACHINE 2:1 ပူးပေါင်းရင်းမြစ်များ

IPEKULU 29:2

Asho mukhu akiviu peithalo ikemu kholaqhi peitha kevilo, eno oliv telino ashopa hami mulalo eno hamiye tipau sumokeu pesu shilo eno hamiye teli pesu hedano pugha putho lo.

ISAIAH 43:23

Nonguye ilau bheri pitipe mllakeu sughimoe; Nonguye aghashikeu pesu igihuke kumoe. Niye agho tsulopi khukeuno nongu ghimeqhi puamoe momu piti kumnakeu nongu vilo khukeuno nongu ngaqhi puamoe.

ISAIAH 66:20

Panonguno nokusami ashiayehqo kudauno agho itsukeu lakhi shighi sasu ideghi nani. Panonguno panoqo sasu ikimthe toghi Jerusalem lo saghi nani, khamino khurshi shouno, khamino gadaha tsu ngo Kemel shou eno khurkulu ngo khurshi no anhemgha pukeu bolono ighi nani, tiye Israilmino achine yelo akimthe bohu lono tuxatini pewo mllake toi shi nani.

EZEKEL 46:20

eno pike, “Hipa-a lono achinemiqoye axine ghengu aghashi mllakeu ashi momu lochilekeu kumllagho lhokeu-a eno asho mukhu mllakeu pesu asho shikeu-ake, tishi anguno akikhala khalau kiumu akimthe jeli peipe pemoni yeke, tilau timi kitiqelu nosayeke.”

JOYIL 1:9

Achinekilo athi momu atsayiji pesu mlla kepu kuhaveake; Achinemino mloqa ani kughengu panonguye AMPEU mlla kepu kiumu kuhake.

JOYIL 2:14

Khuno ithiani kya? noLhou AMPEU ye pa kukumsu kilive nanimu mthake, eno nibonileshi axa jeli nongu kumghape qhitsu luvike. Tileno nonguno athi eno atsayiji pe pa mllalu nanike.

ACHINE 14:10

Atsala akutacheni paye tukutiye kuhakeu bheriti atsu kini eno ampe lakhi shivekeu bheriti alli lakhi sughilo eno tipaqo gholo asho mukhu oliv teli pesu kunuvekeu kilogram lakhi eno oliv teli liter saje kuthulo lakhi ishi pesu ighilo.

ACHINE 24:7

Ashopa zuqhulo achuqupu kumllagho lakhi kumsumamo keu shi AMPEU tsunike ashopa ajo lakhikhilo mithemigheyi keu tsungquita hami qhilo.

ACHINE 5:11

Timi lakhino amqhi momu kobutur kini namu tsumla kepu shi aye paye axine kumllagho asho mukhu kilogram lakhi sughilo. Paye tipaulo oliv teli na kutau tsungquikeu zu kiumu sukevilo kughengu tiye axine kumllagho lakhike, tiye athi kumllagho kumoke.

ACHINE 6:7

Achineu no timi tipau xine ghenguno aghashi keu pesu mllalo eno pa xine ye peivetsu nanike.

ACHINE 9:17

Pano athi kumllagho sughi eno asho mukhu au kie lakhi epesu akiptia shouno piti. Hiye tsalakipetsulo piti keu kumllagho nguno alau sukuphakeu lakhike.

ACHINE 9:4

eno kuposhukulu kumllagho ghenguno amshitsu lakhi eno bheritsu lakhi ishi saghilo pilo. Panonguye tipaqo pesu athi kumllagho teli pesu kunuvekeu gholono AMPEU lau aghashikeu mlla pelo. Panonguye hipau shimasake kughengu AMPEU no ishino panoqo lau ipeghini chenike.”

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

AKIKIHI 18:9

Shikimthe pesu akumllagho tsukeu akiptia lo pitimokeu jeli hipaqoye nongu salake; athi kumllagho jeli, axine kumllagho jeli,eno lochilekeu kumllagho jeli. Kiukiu pinamu shimthe pesu imllakeu gho jeliye no eno onuliqo salake.

AKIKIHI 28:5

lakhikhi gholo athi kumllagho lakhi tsulo, tiye asho mukhu kilogram lakhilo akiviu oliv teli liter lakhi pesu kunu lo.

AKIKIHI 29:18

Tipaqo gholo atsala atughiulo akumllagho kutau avehupu shikeu kumtsu sukuqhano pesu mllalo.

AKIKIHI 8:8

Tithiu panonguno amshitsu lhothe lakhi luno thosulo shichekeu kiqi lono athi sukeu pesu asho kukubo pe oliv teli gholo kitepelo eno nono amshitsu kutau axine kumllagho ghenguno saghilo.

John 6:35

Jisu no panoqo vilo pi, “Niye akuxupu shoke, khunono ilau ighi nikeno khilemu muzuthimo nani, eno khunono ipulu nikeno khilemu tughuthimo nani.”

1 John 2:20

Ikemu nonguye Aghungu Kimthe pesu nongu shou lepukutsue eno nongu kumtsuno kuchou ithi ani.

1 John 2:27

Ikemu Khristo no Aghungu Kimthe nongu shou lepuku tsukeu nongu lolo acheni, ikehu timi khunomu nongu shika akepu nonguye avehupu shiamoe. Kughengu pa Ghungu Kimthe no thwokhalo nongu shika nani, eno pano shika keu huye kuchouke, kichileu kumoe. Tishiaye Aghungu no nongu shika keu lulo eno Khristo gholo xukimepe achelo.

Jude 1:20

Ikemu ino kimiyechekeqo, nonguye nongu kupulu shishe akimtheu shou nongu kuxu xupukulo; Aghungu Kimthe lono inikhulo;

Piyeküsü 8:3

Kungumi kutau lakhi, shunayino shikeu amikihipu peakeuno ighino agho kiptialo puthugho. Akuka lakhu zulo shunano shikeu agho kipitia lono Alhou timiqo kighini gholo xukutshuno mllapeniye tsungquyikeu kutomo pesu pa tsu.