ACHINE 10:9 - BAIBEL (BSI)

⁹ “No eno anuliqoye aji momu atsayi ji shopusu ino achekeu phikilo ilo kevilo; nongu no tishi aye thive nanike. Ayezah hiye olaghami kumtsuno peche masake.

Sumi Naga CL (Re-edited) Bible (BSI)

⁹ “Kughou nongu no kuposhukulu phiki lo iloni keno, no shiaghi na o nuli namu atsaiji momu akümka ji sho kevilo, tikumo aye nongu ye thive nosae. Hi ye tiqheli kümtsü lo acheni keu pimheye shini.

ACHINE 10:9 ပူးပေါင်းရင်းမြစ်များ

IPEKULU 27:21

Aron ngo pa nuliqo ino ngochekeu Phikilo akulu kuqu pelo tiye nhaqhi phi nguno khalau Puloshoqhi Bohu gizukudau. Igizulo tilehi avelauno inaqhe kutolo iqupelo. Ahza hipauye Israilmi ngo pano tikughukomino alhokupujulo peche masake.”

AHOLE 20:1

Aji kushoye kuthakughapuke eno shokumzu ye mutomushu chekeuke.

ISAIAH 28:7

Tungkupmi ngo achinemi ghi shishe shomzuve kehu panonguye kulokuloyike. Panonguno atsayiji ngo aji kumka shishe shove kehu panonguye izuvulai puzu kupuxa kupunaike. Tungkupmiye shomzuve kehu Alhou no kungunhetsu puwukeu ithikuthu mlave eno achinemiye shomzuve kehu atsa kughathatsu peniye sughikeulo kupuxakupunai auveke.

EZEKEL 44:21

Achinemiqoye akikhala aloulo ilonike zulo kiu kiu ji namu shomoni.

HOSIYA 4:11

AMPEU no pi, “Atsayiji akiye eno akitheno iwu timiqo lokutsu xulepuwuvetsu anie!

ACHINE 10:8

AMPEU no Aron vilo pi,

ACHINE 3:17

Israilmi khuunomu atha momu ahji kiumu chukepu kumoe; ayezah hipauye Israilmi kumtsuno khile khile kughuna aghi pinamu alhokupujulo pepimheche masake.

AKIKIHI 6:20

Tipashelo, achineuno tipaqo pesu pakutakeu gho lakhi AMPEU lau sughini; tipaqoye achineu ghenguno akimthe gho lakhike, ayezah lono achineu sala bheritsu mulashi ngo apukhu ikhiphetsu keu nguno alauke. Tishike thiuno Nazariomi huno atsayi ji sholu nani.

AKIKIHI 6:3

pano pa likhi pa pesu AMPEU tsuve keuye aji ngo axathi ji kitike moveke zah. Paye kiu kiunamu atsaithi no shikeu ji shomoni momu atsaithi chumoni momu atsaithi kiki chumonike zah.

Luke 1:15

Kughengu paye Ampeu zulo akughushumi lakhi shinani. Pa ye kiu ji kumkamu shomo nani. Paye punuke mtsano Aghungu kimthe no chhitoi nani.

Ephesiami 5:18

Aji shomzu kevilo, kughengu tiye oshipusa nanike; ikemu Aghungu Kimthe pesu nongu hupitelulo.

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

1 Tim. 3:8

Tihutoi akukuholo akukuphumi ghi mutsumisheyikemi shimasa, amili shobakupumi shimoni, aji shomoni; momu alakiminemi shimoni,

1 Tim. 5:23

Opo tamono suachekeu ghenguno azu likhi yekevilo ikemu atsayi-ji kititi sholo.

Titus 1:7

Akukuholo sakiphemi lakhiye Alhou kumlalo atsukupumike ghenguno paye tukutiye kuhakemi shimasae. Paye agho aghoshi kemi, lolemi, shokumzumi, aka-aghami, alakimnemi shimoni,