2 Tim. 3:2 - BAIBEL (BSI)

² Kughengu timiqoye hipaqo shiwuve nani: alikhi ampi kikimiye, pisa kimine, aqhekuza, lahilaza, timi phimo-gihumokeu, apu-aza hekibide, shikimthi kukuha, achineyeh kiphikumo;

Sümi Tiqhelimi Bible

² Timiqo ye alikhi ampi eno pisa kimiyeuve nani, alikhi ajekipi eno aqheküza shi nani eno timi phimo-gihumo nani. Panongu pù-aza hebide nani, shikimthi keu küha nani, Alhou pülümo nani,

Sumi Naga CL (Re-edited) Bible (BSI)

² Kughengu timiqo no ishi xüuve nani: alikhi ampi kimiye kemi, pisa kimnemi, aqheküza, akuchhomami, kütami thogha, apuaza hekibide, shikimthi kükühami, mithemo keu,

2 Tim. 3:2 ပူးပေါင်းရင်းမြစ်များ

LESHELE 10:3

Kixikilamino pa mlo lhoksa pesu qheza-laki cheni, ala kiminemino AMPEU ghusho eno AMPEU milive cheni.

LESHELE 49:6

alhokusamino kinikulu pukhu eno pano kuakini nibonilei akeu jupe qhezake.

LESHELE 52:1

Noye kushiye alhoksa kumla shi keulo qheza-laki ani kya? Alhou kikimiye ye lhokta kutoloke.

AHOLE 6:17

Aqhekuzashi juchekeu, akimki mili pukeu, pimipuamokemi pithikeu phiau kupumi, Kixikila kukughu kumsuphe chekemi, alhoksa shiniaye kakashi pokeu pukhu, akimki tsa piqhi chekemi thopimi eno shompami dolo akupuna xukuthokeu.

ISAIAH 10:15

Ikemu AMPEU no pike, “Amughuye pa peitha akeu nguno akijeu kepi pikulupu kesha? Kuxuyi ye timi khuno tipau pesu kuxu chenikeno tipau nguno akhotou kesha? Asuthaluno timi lakhi ikhiqhe chemoe timiuno asuthalu ikhiqhe cheni.”

DANIEL 11:36

“Siriya lo akukauno pano kiu shinikeno kumtsu shi nani. Paye Alhou nguno akijeu kepi qheza anani, akughushu ashekha kuhakeu Lhou nguno ghi pauno akijeu kepi kumsu nani. Alhou no aghime pa tsumoke kutolo pano kiu shinishi keno kumtsu tolu nani, Alhou ye pano kiu shinike akukughu shivekeno tipau toi shikupuve nani.

DANIEL 7:25

Pano Akughushu Lhou ghobide keu tsa pi nani eno Alhou wu timiqo ghime nani. Pano panongu chineyeh eno pinyichekeu kilivetsu nike pukaputsa nani. Eno Alhou timiqo pa kuka qholo ampe kuthuno tuxa ngo nani.

MATTHEW 15:6

Ikehu nongu wu pepimhe chekeu kukutsu papeniye Alhou tsa pesu adou shivetsu cheni.

Luke 12:15

Panongu vilo pano pi: “Jukuto lo, alakimine jeli kumtsu lono nonguno kutokupui lulo, kughengu timi lakhi kuxuye pano kiu papushi kinimi shi aghinamu pawu kuakinino nibonilei aghikeu pesu kupukulai luve ake kumoe.”

Luke 16:14

Farisimiye akini kupu chekemi kehu, kughono Jisu no hi kumtsu pikeu chilukeno panonguno pa junu.

Luke 6:35

Ikemu oghumiu kimiyelo eno pano lau akivi shilo, punalo eno tsuchile penikeu laju kevilo. Tishianguno noye ajume kije anani eno shishe Akiqheu Lhou nuli shilu nani; kughengu paye shikimthimokemi eno kusakughami lau akivi shie.

Apostolmi 5:36

Kughengu wovekeu tsala ghulokilo ghi Theudas ipeghi eno pa ghi pa shelo kije kepi puzu timi 400 toike pa gholo checheke. Ikemu pa pithive eno pa gholo kichemi apanaghaveno tino panoqo shekha shiveke.

Rommi 11:18

Tighenguno nonguye aloka icheiqive ke paphiqo thaigha kepu kumoe. Nonguno qheza aye, nonguno akuhu puqhepe anike kumoe, ikemu akuhuno nongu alokaqo puqhepe anike ipi kumsululo.

2 Kor. 5:15

Pano timi kumtsu ghenguno thive kehu khunoqomi xulu keno tipaqoye pututa kuxu xupemoniyeke, ikemu panongu ghenguno thiveno xuputhuvekeu timi lakhi ghenguno xupeniyeke.

FILIPIAMI 2:21

Kughengu kumtsuno Jisu Khristo pulou kumono pututano pulokeu kumlalo likhi amlo tsuani.

Kolosiami 3:5

Tighenguno nongu lolo ayeghilo minechekeu hu pithivelo, hipaqo toike: kiptimi totimi dolo mithekumo, kuchhube kutsula, ngosukumla, aghichikupo eno alakimine (kughengu alakimineye ajulho mllakeu ghola lakhike).

2 Thes. 2:4

Paye Alhou ipicheke jeli momu mllachekeu thime jeli kumtsu shou akumou shinani, eno tipaqo kumtsu nguno pano akiqheuke pi nani, pano Alhou chinekilo iqa puzu pa ampiuno Alhou kepi piwuve nani.

1 Tim. 1:20

Timi tipaqo gholo Hemenio ngo Aleksander pama ghi lakhike, ino pama pesu Satan kuka lau phesuvetsuae, tishi anguno Alhou thaigha pemonikeu ithipeniyeke.

1 Tim. 1:9

Tishimaye hi ithimasa kepushi ani ike ayezah qoye timi kivimi ghenguno mlape puamoe ikemu ayezah hexakemi, hekibidemi Alhou kumthami, axine shichekemi, achineyeh thachekemi, mithemokemi, apuh ghiqhi kemi,aza ghiqhi kemi, timi heqhi-buqhi kemi,

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

1 Tim. 6:10

Kughengu pisa kikimiye no alhoksa jeli kumtsu kuhu aghuke. Hipau kimine lono timi khamiye akupulu lono igho susu wuvae eno amlo ghimepu kumzapuno pano mlo vephopiniyivae.

1 Tim. 6:4

paye qheza-laki ani eno kiumu mthae. Paye atsa ghenguno mutomushuyi eno kighe kile anikeu alhoksa kumsupu ani, tishikeu lono anhekushu, kusuxakeu, thaighakile keu, pulukupusa sughi cheni,

2 Tim. 3:4

pishikiqhi, aka-aghoshikeu, aqhekuzano tsutsungoju, Alhou kimiyenike zuqhulo alikhi aghakiqipu kimiyekeu.

James 2:8

Nonguno kuchou Akukaqha yezah khikhi kuchoyesulo, “Okusami olikhi otoi kimiyelo,” ipi puakeu shikupulu aye nonguye achipiu shilu ani.

James 4:16

Ikemu ile nonguye qhezalaki ani; titoi qhezakemi kumtsu alhoksake.

James 4:6

Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”

1 Peter 5:5

Titoi nongu lhothemiye kichimi qhoqhulo. Nongu kumtsuno lakhino lakhi lau qekile nike akumtsha kughuvu pepulo, kughengu pipuakeu toi, “Alhou no qhezakemi lakhave cheni, ikemu akumtshami lau kukumgha tsu cheni.”

2 Peter 2:10

eno tiye akhotoshi khunono pano shiajilo mithekumo ngosukumla lhoksapu shi cheni eno Alhou no ayehkipe tsukeu mithichekemi shou anani. Kichile kukutsumiqoye tsatsayi agho agho shi cheni eno akimthe jukuvu pepukemi pipusa nikeulo musaighu keu kuhae.

2 Peter 2:12

Panonguye atsa pikumla tughashi pithive niye kughape puake toi vethamlano timi shou ghi ngushongko kumla shi cheni. Kiukiumu panonguno ithi kututa shimla keuye panonguno ghekucho cheni. Tughashi toi panongu ghi kutsakungove nani,

2 Peter 2:18

Panonguno mbomzushi aqhekuza tsa pi acheni, eno ngosukumla launo alhoksami gholono pokaipeche keno tipaqohu musu sailove cheni.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

Jude 1:16

Timi hipaqoye muchhochekemi, akuxulo aghaqimlakemi, alhoksapulo ngosukumlalo xu acheni, pano likhi pano qhekuza tsa zalekemi, panolah phunike ghenguno alatsa timi vilo picheni.

Piyeküsü 13:1

Tileno azughi lono tughashi lakhi ipecheghi keu ino ithulu. Tiye akibo chighi eno akutsu tsuni puae; akibo lakhikhi shou akutsu kuqho lakhikhi puae eno tipau kutsu lakhikhi shou Alhou thaighakeu tsa aje lakhi ae.

Piyeküsü 16:11

panongu kusu eno apiyi ghengu lono kungugha Lhou ghushoe; ikemu panonguye pano laghi lhoksa phevemoe.

Piyeküsü 16:21

Apughu tuqu kije lakhi khino kilogram lhopungu toi mishisheyikeu kunguuno timi shou ikiqi ikughi. Eno aphughu pusa ghenguno timino Alhou ghushoke, kughengu pusa tiye shishe akuighupuke.

Piyeküsü 16:9

Akushukumgha huno timi pitiqhi, ikeloye panonguno pusaqo shou akuka kumto akeu Alhou je hu ghushoe; ikemu panonguye Alhou lau akimthe jekipi tsukepushi amlo xaidemoe.