2 Peter 3:16 - BAIBEL (BSI)

¹⁶ Nithikuzuuno pawu yesu yekeu kumtsulo hipatsa pipe puanike. Pawu yesulo kuthokuzutsa hami ani, ike muthakemi eno akupululo akuhu qusumokemino kuchoyesu kutau peitha kehutoi tipaqoghi pesu pano likhi pano shikupusapu shive cheni.

Sümi Tiqhelimi Bible

¹⁶ Pa ye paw yèsüqo kümtsü lo hipau tho ghola lono panoqo vilo hipaqo vehu ghili pi ghi yè ke. Paw yèsüqo lo thime hami akeqo ye vethalu nikeu lo ighono kushokütsü ke, tipau ye kümthami ngò a-a shimo kemiqo no Kuchoyesü kütauqo lau shiche ketoi panongu likhi panongu kütsakungo ghi tuchighi cheni ke.

Sumi Naga CL (Re-edited) Bible (BSI)

¹⁶ hi ye paw yesü kümtsü lo pa no pichekeu tsake. Paw yesü lo kuthoküzü tsa hami vethalu nike shokeu ani, ti ye mtha kemi eno aküpülü lo akuhu qüsümo kemi no Kuchoyesü kütau tuchighive chekeshi tipaqo ghi pesü pano ampi shiküpsapu ghenguno tuchighi cheni.

2 Peter 3:16 ပူးပေါင်းရင်းမြစ်များ

BOTHUBO 49:4

Azukuqo kighide toi, noye akhotou shimo nani, kughengu nono opu nipu sasu zue. Nono izualo ikuno ti shikuchhube vetsue.

KUKAMI ATUGHIU 10:1

Kughou Sheba lo kukaliu no Solomon jekipi eno pano AMPEU sasu kuposhu akeu chilu keno lino ighono kushokutsu inijukeu pesu pa pejuniye ighi.

LESHELE 56:5

Ighumino atsala kupujulo ishipusa acheni; panonguye pulhapuju ighuza niye kuchughu cheni!

IPEKULU 23:2

Aqo akichiu shi aghinamu panoqono akumou shi aghi aye tipaqo papewu kevilo momu kuchou xakutha suchighiveni keulo ashepe shitsu kevilo;

IPEKULU 23:6

“Kumlhomi lakhino kughakutha alo ighikelo kuchou xakutha pa tsumove kevilo.

JEREMIYA 23:36

Tishiaye panonguye khilemu ‘AMPEU makho,’ ipikeu tsalothi peitha kepu kumoe, kughengu milakhi nomu tipau peitha aye, ino itsape pesu pa shou amakho kuchou lakhi shipe nanike. Timiqono xuakeu Lhou, Aqokitikhi MPEU, panoqo lhou tsalothi suchighive anike.

HABAKUK 1:4

Ayezah miqemilei eno adou shiauvae eno kuchou xakutha shitsukeu kuhae. Alhoksamino amikuchomi kopuhavae eno tishikehu kuchou xakuthaye shichighivae.

MATTHEW 15:3

Jisu no panoqo vilo ishi khochile, “Le maye nonguye kushiye nonguno pepimhe chekeu kukutsu papeniye Alhou no ahza tsukeu hebideve cheni kya?

MATTHEW 15:6

Ikehu nongu wu pepimhe chekeu kukutsu papeniye Alhou tsa pesu adou shivetsu cheni.

MATTHEW 22:29

Ikemu Jisu no ishi panongu khochile, “Nonguye ighono pimi achenie! Nonguye kuchoyesu ghi mtha eno Alhou kuka ghi mthae.

ZAKINIU 16:19

Panonguye kughatha keulo amikuchokumo momu agi kuju shikevilo; panonguye kulugho lukevilo kughengu aghotsu keuno alokutsumi eno amikuchomi nhethi ghi kighichevetsu cheni eno panoqo pelo akumou xakutha tsuve chenipeke.

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

IBRIMI 5:11

Hipau vehu ninguye kutomo pikepushi aphi, ikemu chixechilei pinikeu sho ani, kughengu nonguye qei-nai puzu ithikuthuni chemoe.

James 1:8

Timi tipauye amlo kini puchekemi, eno pa kumla kughutha kumtsulo suniyikeu kuhae.

1 Peter 1:1

Jisu Khristo wu apostol Pitor no Pontu, Galatia, Kapadokia, Asia eno Bithiniya lo Apanagha hapiyepighi pesu akemiqo lau yelu ani.

1 Peter 2:8

Ike tipauye, “Timino kupuxalukepu tuqu lakhike panoqo pelo veqhivepe nikeu tuqu lakhike.” Panonguno kupuxalukeuye atsa papelumokeu ghenguno panoqo pelo tishivepe nikeushi Alhou no kughupe qhiveke.

2 Peter 2:1

Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

2 Peter 2:14

Panongu ye kusalhalimi shou likhi jupuku acheni, axine shinishi keulo khilemu aghaqivekeu kuhae. Panonguno tomo chhimokemiqo musuluve cheni. Panongu mloye aghukha shinikeulo qophe puani. Panonguye Alhou no musuinivekeulo ani!

2 Peter 3:14

Tighenguno ino kimiyechekemiqo, nonguno tipau Tsala kheakelo, nonguye kiumu tukutiye kuhano mutsumisheyi aghikepushi pukaputsa azukini shilo eno pa lau aloino alo.

2 Peter 3:2

Ike tiye nongu pelo tungkupmi akimthemiqono ashe azutsa pipuakeu, eno nowu apostolmino Ampeu eno Xakuluu zahkutsu pesu nongu tsukeu kumsuchilelu apenishi anike.

Jude 1:4

Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.