2 Peter 3:15 - BAIBEL (BSI)

¹⁵ Alhou no alokutsu pa tsukeu kiqi lono nino kimiyekile chekeu nithikuzuu Paul no nongu lau yesu tsupuwu keu toi niMpeu no kutuu tsu akeu huye nongu pelo xaluve peniye adokivi tsuani kepi kihiluvelo.

Sümi Tiqhelimi Bible

¹⁵ Ningu no kimiye chekeu athiküzüu Paul no Alhou no alokütsü pa tsü keu vechewo nongu lau yè keu toi, ningu Mpeu’w kheakulu kiqi ghí xakulu kepi amlo lo qhilo.

Sumi Naga CL (Re-edited) Bible (BSI)

¹⁵ Alhou no alokütsü tsükeu kiqi lono nino kimiye chekeu athiküzüu Paul no nongu lau yepuwu ketoi ni Mpeu no kutuu tsükeu ye nongu xakulupu ghenguno kepi kihilo,

2 Peter 3:15 ပူးပေါင်းရင်းမြစ်များ

KUKAMI ATUGHIU 3:12

nono khu akeu shitsuni. Ino alokutsu eno kimchi kulupu kighithi otsuni, khunomu ozuu eno othiu otoikeu lokutsu ipeghimo nani.

KUKAMI ATUGHIU 3:28

Kughou Israilmi no Solomon xakutha hipau chilukeno kumtsuno Solomon akiqheu lono asukumsa pa tsulu, kughengu Alhou lokutsu pa lolo akeu vechewo ighono shikusa kukupuna akeu achipi lono xathavetsuke.

KUKAMI ATUGHIU 4:29

Alhou no alokutsu eno ithipili kulu kighithi mighi khakumla pushi eno akukumsu kuthokuzu azughi mukulo asaye jehi pesu Solomon tsu.

EZRA 7:25

‘No, Ezra, oLhou no alokutsu otsukeu peitha puzu Eufrati kulola ghakhulo akemi noLhou yezah qhoqhughi xuche kemi shou ayeh pepenike ghenguno Ayehkipemi eno xakuthami sukusu shilo. Noye khunono Ayezah mthakeno tipaqo shikalo.

IPEKULU 31:3

eno ino ighungu pesu pa shou lepukuve tsuake. Vethakulu, phui thaikeu eno atshamgha shitsa shi shithikepu,

IPEKULU 31:6

Ino itaghi Dan lagha lono Ahisamak nu Oholiab kishelu puzu Bezalel gholo mlapeni keu shivae. Atshamgha shikithimi kutamiqo ghi shitsa shi shikulupu ino tsupani tishianguno ino mlalopi ahza hipaqo tsukeu kumtsu panonguno mlalu nanike:

IPEKULU 35:31

Alhou no pa ghungu pesu pa shou lepukuve tsuke eno shitsa shikeu, shikithi eno jukivi kumlapu jeli vethalu kepu kumtsu pa tsuvae.

IPEKULU 35:35

AMPEU no pama lau ayi yetha kemi, aye shipuku kemi, aphi kivi jeli gholukemi tsula biyei keu, hughaikeu eno huchui keu amhi phi ghothi kemi eno kutau phi ghokithi lokutsu pesu tsuvae, pamaye akumla jeli kumtsu eno aye shisu keu jeli kumtsu shilu nani.”

YETSAPIU 2:26

Alhou no alokutsu, akighithi eno alokiqi pesu pa pulou shichekemi tsucheni ikemu pano axinemi pelo qeluno pekikelu chenipe tishianguno panoqono aghikeu pesu pa pulou shichekemi tsu niyeke.Hi kumtsu adouke. Hiye amlhu kugha ju puha ake paphike.

ISAIAH 30:18

Ikeghi AMPEU ye nongu kimiyenike kheanike. Paye nongu shou amlo ighiqhiyinike kutope ani kughengu paye pulhapujulo kiuno achipi keno tipau shi achenike. Khunono AMPEU shou pukhube cheni keno tipanoye alokivipuke.

Luke 21:15

kughengu noghumi lakhi nomu nonguno pikeulo puthugho mla momu lamla kepu tsa eno alokutsu ino nongu tsu nani.

Apostolmi 15:25

Ike ninguno kuhokumqono timi khami kishepe nikusau Barnaba ngo Paul pama gholono nonguqo lau puwunikeu kumtsuno pulokuqhaluvae.

Apostolmi 7:10

eno pa kuxu-kusa kumtsu lono pa xaphelu. Alhou no alokutsu eno timi lopu pesu Josef tsukeu lono pano Ijip lo akukau Farao zulo wukelo, Farao no pa pelo Ijip yeghilo Ahng shipe eno akukau kibo shou peithakutsu-u shivepe.

Apostolmi 9:17

Anania no wupuzu akilo ilo pa-u Saul shou be puzu pi,”Athikuzuu Saul, nono hilau wuchekela lono Ampeu Jisu khuu olau ipeghi keno, pano olau ipuwu ani tishianguno opelo itaghi ithulukithepe eno Aghungu Kimthe no chhitoilu peniye ke.”

Rommi 2:4

Momu noye Alhou no ivuilayi keu kije, kutu-ukulu eno kheakulu shikeu jukunathani kesha? Alhou no ivuilayi keu huye opelo pa lau xaideghilupeni yekepi noye mtha kesha?

1 Kor. 12:8

Milakhi lauye Aghungu vechewo asuqekighithi pikulupu tsu cheni, kutami lakhiuye Aghungu tipau huno akighithitsa pikulupu tsu cheni.

1 Kor. 2:13

Ikehu ninguye timi suqekighithino shikakeu tsaqo pesu pichemoe, ikemu Aghungu Kimthe no shikakeu tsaqo pesu picheni, kuchou nguagha ghili pesu Aghungu ghokulumiqo kimghipiye cheni.

1 Kor. 3:10

Alhou no kupukini itsukeu peitha puzu aki kishimi shitsami lakhi toi shieno ino aboqha hu qhawoke, ikemu kutamino tipau shou shipuku ani. Pututano paye tipau shou kishi shipuku nikeno jukutokupuyi masakeu ani.

Ephesiami 3:3

ike ino yevekeu toi tuqhou kukughu achekeu hu ilau pephepiye ke.

1 Tim. 1:16

ikemu puthaputsano Alhou no hipau kiqi ghenguno ikimiyekutuke tishianguno ni axinemi gholo alhoksau lolo Khristo Jisu pelo pawu kutuukulu lukumkhashi piyelupeniyeke. Pano ipelo hithiu pa pulu lupuzu lhokta kuxu ithuluniye akeqo lau kichekipiye lakhi shipeniyeke.

James 1:5

Nongu gholo khamino alokutsu kuha aye Alhou vilo khulo eno tipau pa tsu nanike; kughengu Alhou ye ngukughi sakiyimo puzu letha bethamono kumtsu lau tsu cheni.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.

1 Peter 3:20

Aghahwu hipaqoye puzuu Noha no ashukaki shiake ghulokilo Alhou no kutuu ghi khekeu panonguno agholumove kemiqoke. Timi aghulo likhi, panoqo kumtsu kelo mitache likhi azu lono xaluke.

2 Peter 3:2

Ike tiye nongu pelo tungkupmi akimthemiqono ashe azutsa pipuakeu, eno nowu apostolmino Ampeu eno Xakuluu zahkutsu pesu nongu tsukeu kumsuchilelu apenishi anike.

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.