2 Peter 2:6 - BAIBEL (BSI)

⁶ Alhou no Sodom ngo Gomora phughi pesu ayevu kughulhove eno panoqo puhavetsu eno Alhou phimokemi lau kichekipiye shipe puavetsu.

Sümi Tiqhelimi Bible

⁶ pa no Sodom ngò Gomorrah mishighüna küma piti pesü ayevǜ kughulhove no kiléqhive eno alhou kümthami lau kiu shive nani keno panongu vechewo kiche-kipiye shi aye;

Sumi Naga CL (Re-edited) Bible (BSI)

⁶ tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

2 Peter 2:6 ပူးပေါင်းရင်းမြစ်များ

BOTHUBO 19:28

Pano Sodom ngo Gomora kudau aluzaqha lo jupuwu kelauye, tipaqha lono alu quakelo toi amchhi phobolei ipeghi aghikeu ithulue.

ISAIAH 1:9

AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

ISAIAH 13:19

Babilon ye kumtsu nguno jukivi kukaqha lakhike; tipaulo jupesu timiqono akijivilo cheni. Ikemu ino Sodom ngo Gomora shou shikeu toi ni, AMPEU no Babilon kutsaleve nani!

JEREMIYA 50:40

Sodom ngo Gomora eno tipau sukumuxalo taun akeqo ino xale kutsaleve kelo kishi shive keno tipaphishi Babilon kutotsu nani. Khunomu itaghi tilehi kughuna kithemo nani. Ni, AMPEU no piveake.

HOSIYA 11:8

“Israil, niye kishi puzu nongu pheveni kya? niye kishieno nongu qhiveni kya? Kishi puzu niye Adma toi nongu kutsaleveni kya? momu Zeboim peithaveke toi niye nongu peithani kya? Khilemu imlono tipau shipemo nani! Ino okimiye akeuye shishe akumtoke.

AMUS 4:11

“Ino Sodom ngo Gomora phughi kutsave ketoi ino nongu gholo khami kutsave. Nongu khunoqomi puxupuaghi keno tipaqoye ami lono amisu puxupheluke toike. Tishi keghi nonguye ilau xaidechile ighimoe,” ipi AMPEU no pi.

ZEFANIA 2:9

Niye mutsuqheyino Israil Lhou ke ghengu Muab ngo Amun ye Sodom ngo Gomora toi kutsaleve nani. Tipaqoye amti kuchhukhuki shive nani eno alhokupuju tishi ixapinyi auve nani eno alupino qunhave nani. Iwu timi khunoqo puxu puaghini keno tipanoqo xulepuwuve nani eno panoqo yeghi luve nani.”

AKIKIHI 16:38

Tipaqoye AMPEU wu akiptia lo qhivetsu keu lono akimthe shive ake. Tighenguno khunoqo axine ghenguno pithive akeno timi tipaqo mikhu ikhilu puzu tipaqo apashi ipumihei hephano akiptia kuzu kepu shilo. Tino Israilmi shikimchi tsukeu lakhi shi nani.”

AKIKIHI 26:10

Ayeghi mpakho veno panongu munoluve eno amino timi 250 kutsave keulo panonguye Kora ngo pa papemi gholono pithive; timiqo ghenguno panonguno shikimchi keu shiveke.

MATTHEW 10:15

Kuchouno ino nongu vilo pini, kughakutha tsalalo Alhou ye tipano ghami nguno alau Sodom ngo Gomora shou kimiyeqhiyi keu akijeu shi nani|

MATTHEW 11:23

Kapernaum, noye atsutsu kutolo olikhi osuqhenishi ani kesha? Noye ami pesu aghime tsukeu-alo vesuve nani. Kughengu akumzapu kumla ogholo shikeu hu Sodom lo shike aye, tiye ishi kutolo aghini cheke!

Rommi 9:29

Hiye Isaya no azunatha ghi piveke toi, “Aqokitikhi Mpeu no ningu tikughuko qhitsu mokenapiaye, ninguye Sodom ngo Gomora phu kimihi shivetsu aghini cheke.”

1 Kor. 10:11

Hipaqo kumtsu panongu shou ikughi keu huye kichekipiyeke, ikemu hipaqo yepe qhipuaghikeuye ningu kutughuakeu ke, kughengu ninguye kishekha wochekeu ghulokilo xuayae.

ZAKINIU 29:23

Aluzaqoye asutsuni kuhano thoqhaleive nani amichu ngo amtino nhaluve nani; kiumu shosumo nani, alupi ghi ipeghimo nani. Noyeghiye Sodom ngo Gomora eno Adma ngo Zeboim phughiqo toive nani, tipaqoye AMPEU no Pa loghu kighide lono kutsaleveke.

IBRIMI 4:11

Tighenguno ninguye pukaputsa puzu alokughuno tipaulo iloni nolo, eno ningu gholo milakhimu panongu toi agholumokeu shiveno ilomlave nosake.

Jude 1:15

kumtsu shou kughathabe nani, eno panonguno Alhou sumokeu kumla khijehi shipuani keno eno Alhou sumokemi axinemino pa shou alhoksa tsa pikeu kumtsu pesu panoqo shou kughabepuku nani!”

Jude 1:7

Sodom ngo Gomora eno tipau sukumxalo aphughi akeqo kumsululo. Timi tile akeqono kungumi hupaqo toi shike, panonguno kipitimi totimi dolo mithemokeu eno chighichilai keu shike, alhomi pesu panongu shou aghime tsukeu huno kumtsu zulo kichekipiyeke.