2 Peter 2:12 - BAIBEL (BSI)

¹² Panonguye atsa pikumla tughashi pithive niye kughape puake toi vethamlano timi shou ghi ngushongko kumla shi cheni. Kiukiumu panonguno ithi kututa shimla keuye panonguno ghekucho cheni. Tughashi toi panongu ghi kutsakungove nani,

Sümi Tiqhelimi Bible

¹² Ikemu kichileu kükütsümi hipaqo ye panongu no vethamla keu vehuqo pipütha cheni. Panongu ye kiqiju chemo keu lhoxüqo toi ke, panongu ye akutoshikighithi lhoxüqo toi ke, lhoxü tipaqo ye küghaluve no ghiqhive nikeu ghenguno lhosü ke, eno lhoxüqo toi panongu ghí pühave nani.

Sumi Naga CL (Re-edited) Bible (BSI)

¹² Ikemu timi hipaqo ye akükümsü küha keu tüghashiqo paphishi sü-i khavi kiukiu mu shive chekeqo, küghape pithiveni keu kimji lono püxü püani, eno kiumu mthamithe keu vehu lo ghi pano no thaigha cheni kehu hi kümtsü pesü kütsave nani,

2 Peter 2:12 ပူးပေါင်းရင်းမြစ်များ

LESHELE 49:10

Kumtsuno ithulu anike alokutsumi ghithive cheni, mbomzumi ghi titoive cheni, kumtsuno panowu kua-kini kutami qhivetsu cheni.

LESHELE 92:6

Kughuzumi lakhiye tipau ithimo nani, mbomzumiye tipau vethamla nani,

LESHELE 94:8

Iwu timiqo nonguye kishi puzu hikithipushi aghuzu anikha shini kya? Nonguye kughono shikalu nani kya?

AHOLE 14:32

Kixikilamiye pano kumla lhoksano pano likhi pano xaqhikulu cheni ikemu timi kivimiye mutsumisheyi xu chekeuno pano susholuve cheni.

JEREMIYA 10:21

Ino khochile pi, “Niwu sakiphemiqoye mbomzu-miqoke; panonguye kichepiye penike ghenguno AMPEU vilo inijumoe. Tighenguno panonguye tomoveke, eno niwu timiye halepinyivae.

JEREMIYA 10:8

Panoqoye kumtsu mbomuzu eno anikhake. Panonguye asu julho launo kiu shikaluni kya?

JEREMIYA 12:3

Ikemu AMPEU, nono ni ithi ani; ino kiu shikeno nono ithulu acheni, eno niye kishi okimiye cheni keno nono ithi ani. Bheri ghiqhiveniye akeshi timi lhoksami hipaqo sunhekiti sawu- velo panoqo ghiqhive kepu ghuloki tomoke kutolo panoqo ghukhe shialo.

JEREMIYA 4:22

AMPEU no pike, “Iwu timiqoye mbomzuke; panonguye imthake. Panonguye itimi kughuzumi toike; panonguye ithikututa shikeu kuhae. Panonguye alhoksa shinikeulo shitsake, ikemu akivi shinikeu loye tomove cheni.”

JEREMIYA 5:4

Tithiuye ino ishi kumsu, “Timi hipaqoye kumlhomi eno ayekumtha-mike. Panonguye anikha shi xuacheni panonguye Alhou no kiu khuani keno mthake, AMPEU no panoqo pelo shipeni shikeu mthake.

EZEKEL 21:31

Nonguye iloghu kighide pu nani, ami kuyiqu toi tipau nongu shou ino hipukuni chenike. Ino nongu kughape tughashi toikemi, heqhi buqhikelo shitsamiqo ulo suvetsu nani.

Mark 7:22

aghichikupo, kusakugha kumla, pishikiqhi, anhekushu, kuthakugha, aqhekuza eno mbomzushikeu.

John 8:21

Jisu no itaghi panoqo vilo pi, “Niye wuve nani eno nonguye iphuju nani, ikemu nonguye nongu xinelo thianani. Ino khila wucheni keno nonguye ighimlae.”

Galatiami 6:8

Timi khunono timi lhoayelo xusuni keno paye tipau launo akithipu xolu nanike; ikemu khunono Aghungu lo xusuni keno paye tipau launo alhokupuju kuxu xolu nani.

Kolosiami 2:22

Hipaqo jeli kumtsu peithathuve aye avehupu kuhave chenike. Hipaqoye timino mlakeu yezah eno akukutsu likhike.

2 Peter 1:4

Hitoi shipuzu pano piqhive keu amekusho eno akughupu kumsagho pesu ningu tsuvae, tishianguno kumsagho hipaqo peitha puzu ayeghiqhalo ngosukumla no shikupsa akeu launo nonguye puluvepe niyeke, eno Alhou lhoayeh kusajelupe niyeke.

2 Peter 2:19

Panonguno timi tipaqo vilo khaqhikiphe tsa pesu pitsu cheni, ikemu panongu ampiye kusakugha qemiqoke, kughengu kiu kiunomu timi lakhi qhasuluvepe keu huye paye tipau qeu ake.

Jude 1:10

Ikemu timi hipaqoye panonguno mthakeu jeli thaqhuye thaigha acheni; eno kumsuphe kumlau tughashiqo toikeu kuxu, ti chukeyeh likhi ithi akeu huno panoqo shipusa puhave cheni.