2 Peter 2:1 - BAIBEL (BSI)

¹ Ikemu timiqo gholo kichile tungkupmi ghi ipeghi, ike tihutoi nongu gholo ghi kichile kukutsumi ipeghi nani. Panonguno shikupusapu kuchoukumo kukutsu pesu kusuuno ighi nani eno panoqo xachilelukeu Ampeu milive nani eno pano likhi pano shou shikupusapu zuleno sughi nani.

Sümi Tiqhelimi Bible

¹ Ikemu timiqo gholo ghí kichileu tungkupumiqo acheke, tihutoi nongu gholo ghí kichileu kükütsümiqo anani ke. Panongu no tuqhou no achineye hekibide kütsakungo keu kilethi nani, panongu ye panongu xachilelu keu Akughushu Mpeu kutólo milive nani—eno tipau no panongu likhi panongu shou paikhavi kütsakungo keu süghive cheni.

Sumi Naga CL (Re-edited) Bible (BSI)

¹ Ikemu timiqo gholo kichile tungkupmi ghi ipeghi ketoi nongu gholo kichile kükütsümi ighi nani. Panongu no tuqhou no shiküpsapu kichile kükütsü süghi nani, eno Khuu no panoqo qhüchilelu keno pano Mpeu ghi milive nani, tishianguno pano shou shiküpsapu ke-i süghi nani.

2 Peter 2:1 ပူးပေါင်းရင်းမြစ်များ

KUKAMI ATUGHIU 22:6

Tighenguno Ahab no tungkupumi 400 kutolo kukutsuno panongu iniju, “Niye Ramot lewukepu keo mokya?” “Lelo, kughengu AMPEU no tokulu otsu nani,” ipi panonguno khochile.

IPEKULU 15:16

Akumsa eno ighukeuno panoqo shou ikughi. O AMPEU, panonguno okumto ithulu, aqemi kuxu lono kuqho pheve kemiqo owu timiqono hechesu wuvemoke kutolo, panonguye msano chochiyi puthugho ake.

ISAIAH 9:15

Muchomi timino gihuche keqono akutsuke eno tungkupmi miki chekeqono ashomhike!

JEREMIYA 29:21

“Aqokitikhi MPEU, Israil Lhou no Kolaiya nu Ahab ngo Maaseiya nu Zedekiya pama ghili piveake, pamaye nongu vilo paje lono akimki tsa piani. Pano pive ake pano hipama pesu Babilon lo Akukau Nebukadnezar ulo suvetsuni cheni eno nongu gizu lono pano pama pithive nani.

JEREMIYA 37:19

Owu tungkupmi khunoqono ovilo Babilon kukauye oleghimo nani momu ayeghi hipau leighimo nani kepi pichekeqoye kiu shikhave akya?

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

AKUMLO 2:14

Nowu tungkupmino akimki tsa likhi thono nongu vilo kiumu pimoke; Pano shekushuno nongu pishiqhive puzu khilemu nongu xine lhephe tsumoke. Panonguno nonguye xaide kepu avehupu shiamo kepi nongu pelo kumsuvepe.

HOSIYA 9:8

Alhou no pawu timi Israilmi kutughu peniaye tungkupumi lakhi shi-ghi ipuwuke. Ikeghi, ino khile khile wuni keno tikumtsulo aghau lakhi toi imeluveniye nonguno pukaputsa cheni. Alhou wu ayeghilo akemiqoye tungkupmi ghumike.

MICAH 2:11

“Timi hipaqoye tungkupmi khunoqono akimki ngo pishikiqhino chhitoi xapusu iqho iqi cheni keno tikithipu lunishi cheni. Tungkupuuno ishi picheni, ‘Ino tungkuptsa pitsu anike atsayiji eno akuptsu tsayi jino nongu ghengu qole qolei nani.’ ”

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 3:5

Khunono tungkupmi ajume tsuno tipaqoye alokughuno shi anani kepi tungkupmino pipekeu huno iwu timiqo pishiqhivae, ikemu khunoqono ajume tsumo keno tipaqo vilo aghukishi pesu shikichi chenike. Tikithipu tungkupmiqo vilo AMPEU no piani,

MALAKI 3:5

Aqokitikhi MPEU no pi, “Niye kughatha nike nongu gholo ipeghi nani eno khunoqono kuduu shi cheni, salha shupu cheni, akimki shepe shi cheni, khunoqono pano kumlami atha tsukelo pishiqhi cheni eno khunoqono chimemi, mighimghaqo eno inaghami hapheve cheni eno isumsa chemo keno timi tipaqo shou ngukube nike ino ashepe tsunike ighi nani.

MATTHEW 10:33

Ikemu khunono timiqo zulo paye imthae pini keno, nighi iPuh kungughalo akeu zulono niye mtha pi nani.

MATTHEW 24:11

Kichile tungkupmi kutomo ipeghi puzu timi kutomo sakughuzu sawuve nani.

MATTHEW 24:24

Kughengu kichile Mesiya eno kichile tungkupumi ipeghi nani eno panonguno amchipu ngo akumzapu kumla shipe piye puzu, shikulupu shi aye kisheluvekemi ghi sakughuzu sawuve nikeu shi nani.

MATTHEW 24:5

Kughengu timi kutomono ije lono ishi piighi nani, ‘Niye Mesiya ke,’ eno tipaqono timi kutomo sakughuzu sawuve nani.

MATTHEW 7:15

“Kichile tungkupmi jukutomasa, panonguno ashouye bheri toi nongu lau ighi cheni, ikemu panongu loloye tungtugha yikusa toike.

Mark 13:22

Kughengu kichileu Mesiya ngo kichileu tungkupmi ipeghi nani. Eno tokulupu shiaye Alhou no pukhavekemi ghi sakughuzu sawuni kehu panonguno amchipu ngo akumzapu shipiye nani.

Luke 12:9

Ikemu khunono kutami zulo paye ije pesu piphetsumo nikeno Timi Nu ghi Alhou kungumi zulo pa milive nani.

Luke 21:8

Jisu no pi: “Jukuto alo, nongu pishive pekevilo. Kughengu timi kutomo ije lono ighi puzu, ‘Niye pake’ eno ‘Aghuloki hu tovae!’ ipi namu panongu papewu kevilo.

Luke 6:26

“Kughou timiqono nonguye aloe ipini keno nongu ghenguno ahasapue. Panongu puasuqo ghi tipaphi shi kichile tungkupmiqo vilo picheke.”

Rommi 16:18

Kughengu timi tishi chekemiqoye ningu Mpeu Khristo qe amoe, ikemu panongu kive likhi qe ani. Panonguno ghaghu tsa kuju pesu akukumsu ilaleikemiqo pishiqhi cheni.

1 Kor. 11:19

Kughengu nongu dolo alaxa kututa shi aghi mayesake tishianguno nongu gholo khunoqono achipishi ani keno tipaqo mutsuqheyi michilupeniyeke.

1 Kor. 6:20

Pano ameno nongu qhuvae. Tishiaye nongu phimpi lono Alhou jukuvupu shitsulo.

1 Kor. 7:23

Nonguye ameno qhuvae, tighenguno timi qemi shiwuve kevilo.

Galatiami 2:4

Qeti timi khamino athikuzumi kepi nigholo kihikuqha iloghino Tito peloghi ayiko ghave penishi ake. Timi tipaqoye ninguno Khristo gholo xukuqhape ililayi akeu miqejuniyeke, tishino panonguno ningu tshupe qhiveniye shike.

Galatiami 3:13

Khristo no ningu zuqhushi angusuu shive puzu Ayezah lo musuini puakeu launo ningu xapheluve, kughengu kuchoyesulo ishi pipuani, “Timi khuuno asubolono tshuqhi thiveni keno paye musuiniva.”

Galatiami 4:17

Timi hupaqoye nongu lau shishe amlo tsuani, ikemu panongu kukumsuye akivi xapu amoe. Panonguye ilauno nongu pelo kututa shivepe nishi anike tishianguno nongu pelo panoqo lau amlo tsuwuve peniye shianike.

Galatiami 5:20

ajulho kumlla, atumu, kimthikile, anhekushu, amlokighide, alikhi asala kuphu, kotha kilekeu, kuqhakumla,

Ephesiami 1:7

Khristo no aji pele thikeu gholono ningu xachilelukeu eno ningu xine pevetsukeu ani.

Ephesiami 4:14

Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

ZAKINIU 32:6

Hikithipushi nonguye AMPEU peitha kepu kesha? Nongu aghuzunikha eno putokeu kuhakeqo. Paye nongu papu, nongu Pulhokusuu, pano nongu pesu ashiayeh lakhi shitsue.

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

Kolosiami 2:18

Timi khamiye alikhi ampi jukuchhube keu eno kungumi mllakeulo amlo tsuqhiyi acheni eno kungunhetsuno akhotou shicheni. Titoi kemiqoye hipa yeghilo timi kukumsu pesu akiqi kiumu kuhamu akuchhoma shi acheni. Timi tipaqo pelo nongu kideqhive pekevilo.

Kolosiami 2:8

Khristo launo sughikeu kumoaye timino pekishe kutsupiye sughikeu momu tsutsu yeghiqha ghahwu yehkipe launo sughikeu kighithi ngo kichiletsa pesu nongu kughasuwuve pemonike jukuto alo.

1 Tim. 5:8

Timi khuu khuumu abolomi hejumokeuye eno tiye akhotono asholokumi hejumokeuye akupuluchine phevae eno paye pulumokemi nguno alhoksauke.

2 Tim. 4:3

Kughengu timino kuchou kukutsu lumonike ghuloki ighi nani, ikemu muthomuzayi keu kini xapu panongu gho-apulou shipenishi kelauno panonguno ininishi akeu likhi pitsupenikemi akukutsumi sawo qhi nani.

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

Titus 3:10

Timi khuno kijethani keno ghuthu akiniu kutolo likhimu pa hakhajulo, eno tipathiuye pa vilo kiumu shilopi kevilo.

IBRIMI 10:29

Tishiaye, timi khuno Alhou Nu pesu aphimuqhu nikeno, pa shikimthekeu puloshoqhi jih shikuchhubeve nikeno eno Alhou wu kupukini Ghungu thaigha nikeno, timi tipauye shishe aghime lhoksa kiutoi ithulukepu shinani kela kumsujulo!

1 Peter 1:8

Nonguye pa ithulumo kemu nonguno pa kimiye cheni; nonguye itehi pa ithumla pinamu nonguno pa pulu cheni; ikehu nonguno akiqheu eno atsano piphekumla lokivi lono alokiqishi ani,

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.

1 John 2:26

Khunono pishiqhiniye shiani keno tipaqo ghili ino nongu lau yelu ani.

1 John 4:1

Kimiyechekemiqo, Aghungu aniepikeu jeli kumtsu pulube kevilo, ikemu tipaqoye Alhou launo ighikeo mokeno miqejulo. Kughengu kichile tungkupmi kutomo ayeghilo ipevae,

Jude 1:18

Panonguno nongu vilo pikeuno, “Ashekha tsalaloye nongu jukunathakemi ipeghi nani, panonguye Alhou sumokeu ngosukumla kuxu papewuve nani.”

Jude 1:4

Kughengu khunomu mthano akelono Alhou lau amlo tsuchemokemi khamino tuqhouno ningu gholo iloghivae. Timi hipaqoye niLhou wu kukumgha tsape ghili tuchighi pesu pano shi aji lhoksa puloulo suve ani eno niMpeu ni Kukutsuu ye Jisu Khristo likhike pa hakha anie. Highenguno timi hipaqo Alhou no peve nikeu shi khaghino amichi shipe qhivae.

Piyeküsü 13:14

Tughashi atughiu zulo akeuno amchipu kumla tipau pelo shilupekeuno ayeghilomi kumtsu pishiqhipe. Eno azutakihi zaku vivekeu tughashi julho shipesu qhinikeu shi ayeghilomi vilopi.

Piyeküsü 2:13

Nono khile acheni keno Satan kuka lakhu ghi tile anipi ino ithi ani. Noye ije mutotoi tsuqupe cheni eno kughou nongu gholono ishepekishiu, ino pukhukulu Antipa ghiqhiveke tsala ghulokilo ghi, Satan no achekeulo, noye ishou akupulu achekeu phevemoe.

Piyeküsü 2:9

Ino owu shilukusa eno oquagha ithi ani, ikemu kuchouno noye kinikulu shiani. Khunoqono panonguye Judamike ipi cheni kemu tishimokeno, tipaqono othaigha keu ino ithi ani; pano muqoye Satan laumike.

Piyeküsü 3:8

Ino okumlaqo ithiani; julo ino ozulo ahukikha lakhi khaqhi puatsu ani, tipauye timi khunomu khavemla nani; ino ithi anike noye akuka kitila likhi ani ikeghi noye itsape hu pelu acheni eno ije pevechemoe.

Piyeküsü 5:9

Panonguno alekithe lakhi ishi phea, “Nono likuzu kaku ikhilu puzu mekhakeu xukhonikeu akuzupuke; Kughengu oghiqhiveke eno okithi vechewo ashiayeh, atsajeli, timi kututa muqo gholono Alhou timi shi lupenikeu qhuluke.

Piyeküsü 6:10

Panonguno asutsa kuloghi lono ishi igha, “Akughushu Mpeu, akimthe eno kuchou, ayeghilo akemino nighiqhi pithivekeu ghenguno panongu shou ado khitohi lono nimukhu lutsuni cheni kya?”