2 Peter 1:3 - BAIBEL (BSI)

³ Alhou no pa kimthe jukuvu eno akivipuno ningu kuluvekeulo paye khuu keno tipau ithikeu kighithi vechewo Alhou lau amlo tsuqhiyikepu kuxu xulupe nikeulo pa kuka kumtono thwokha jeli ningu tsupe puani.

Sümi Tiqhelimi Bible

³ Khuu no ajuküvü eno akivipu lo ningu kulù keno ningu no pa ithi aghí keu kighithi vechewo Alhou küká no ningu no alhou sümsa keu küxü xü nikeu ghenguno avehupu shi akeu kümtsü ningu tsüvae.

Sumi Naga CL (Re-edited) Bible (BSI)

³ Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

2 Peter 1:3 ပူးပေါင်းရင်းမြစ်များ

LESHELE 110:3

Nono oghumi sasu aghushike tsala lono owu timino oghenguno wuni keu ighi nani. Inaqhe tsuzu toi owu lhothemiqo no akimthe toghilo olau ighi nani.

LESHELE 84:11

AMPEU ye nisusho chekeu eno akimthe jekipi kukau, pano kupukini eno agigihu pesu nikumghatsu cheni. Khunono achipiu shicheni keno paye thime kivi lakhimu pano lau tsumokeu shimo nani.

AHOLE 12:4

Anipu kiviye akimi kijivilopu eno li lokivipuke; ikemu anipu khipauno likimi shou kujokepu sughini keno tiye pa ghi-anhulo angsuno suakeu toike.

AHOLE 31:10

Phuithayikeu nipu phulunikeu kiutoi kushokutsu kela! Liye achiku nguno alau amekushoke.

AHOLE 31:29

Pano ishi picheni, “Totimi kutomono anipu kivike ikemu inipu no kumtsu nguno akiviue.”

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

Rommi 9:24

Ninguye pano kuluvekeqoke, tiye Judami gholo likhino kumoe ikemu Judakumomi gholono ghike.

1 Kor. 1:9

Alhou ye pukhubekuluke, pa Nu Jisu Khristo, ningu Mipeu gholo kuposhulukeu apenike pano nongu kulukeu Lhou huke.

2 Kor. 12:9

Ikemu pano ivilo ishipi, “Iwu kupukiniye oghenguno lukumkha; kughengu ikukaye tomo chhimokeu lono akumto kije shilucheni.” Tishiaye niye ino tomo chhimono akeulo qhezani cheni, tishianguno Khristo kuka igholo achepe niyeke.

Ephesiami 4:1

Tishiaye, ni Paul, Ampeu ghenguno akughumi shi achekeuno nongu qhuiniju anike, Alhou no kiu qhemilo nongu kuluve akeno tipaulo akuzupushi xulo.

Ephesiami 4:4

Alhou no lajupu lakhilo nongu kuluve ketoi aphimpi lakhi eno Aghungu lakhi likhi anike.

FILIPIAMI 3:8

Tike kumo puzu, Khristo Jisu ye iMpeu ipi ino ithilukeu huno amekushou shikelauno kutau thwokha adou kepi ino kihivae. Ikemu pa ghenguno thime kumtsu phevae eno tipaqoye xinexigha kepi kihivae tishianguno niye Khristo pesu isaxu shilunikehu

FILIPIAMI 4:8

Athikuzumiqo, ashekhashi kiuno kuchou, kiuno gihukuzupu, kiuno achipiu, kiuno mutsumisheyi, kiuno alokepu, kiuno kupukinipu keno akivipu eno shekepushi aghiaye tipaqo thime shou kumsupuku alo.

Kolosiami 1:16

Kughengu pa su-puzu kungughalo, ithukulu, ithukumla, akuka lakhu, ayehkipe qha, ayehkipemi eno ayehkipeqo namu kumtsu Alhou no lhopheke. Thwokha pano lho eno pa vehupu ghenguno lhopheke.

1 Thes. 2:12

Ninguno nongu mlo shikumtotsu, ninguno nongu lokughunotsu eno Alhou no pa yehkipe eno pawu akimthe jekipilo nongu kulukehu pa pulou lono xupenike ninguno nongu hakitecheke.

1 Thes. 4:7

Kughengu Alhou ye mithekumolo xupenike ningu kuluke kumoe ikemu akimthepulo xupeniyeke.

2 Thes. 2:14

Ninguno atsakiviu pesu nongu vilo asheshukeu vechewo Alhou no hipaulo nongu kuluvae, tishianguno nonguye ningu Mpeu Jisu Khristo kimthe jukuvu alupeniyeke.

1 Tim. 4:8

Aphimpi qokiphelo ame hami acheniaye Alhou lau amlo tsukeuye thwokha lono amekuapu ani, kughengu tishikeuno hipa yeghilo kuxu ngo ighiniye akeu kuxu piqhipe puatsuae.

2 Tim. 1:9

Ninguno kiuala shilupuaghike ghenguno kumoe ikemu pa pulou kimiji eno pa kukupu ghenguno ningu pelo pawu timi shipeniye pano ningu xalu eno kuluke. Hiye khaghino Khristo Jisu gholono ningu tsuke,

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

1 Peter 1:15

Ikemu nongu kulukeu Lhou ye akimthe kehu nongu ghi suqesuli kumtsulo akimthe shilo.

1 Peter 1:5

Nongu kupulu vechewo Alhou kukano nongu susho pesu ani eno ashekha ghulokilo pephepiye nike ghenguno xakulupu kutope ani.

1 Peter 2:21

Kughengu hikithipulo Alhou no nongu kuluvae, kughengu Khristo ghi nongu ghenguno aghime shiveke eno nongu lau kichekipiye lakhi qhipuatsu anike, tishianguno nongu pelo pa nepalo nesu peniyeke.

1 Peter 2:9

Ikemu nonguye kishekiphe lagha, Akukau chinemi, akimthe shiayeh, Alhou timike, tiye akuzu lono pawu akichiqhipu kuvu kudau nongu kulukeu Alhou kumzapu kumlaqo pesu asheshupe niyeke.

1 Peter 3:9

Alhoksa pesu alhoksa lochile kevilo momu ghushokeu pesu ghushokeu lochile kevilo; ikemu tishinike zuqhulo kumghakeu pesu lochilelo, kughengu hikithipulo nongu kuluvekeuye nongu pelo Alhou launo kukumgha ithulupe niyeke.

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

2 Peter 1:10

Tighenguno athikuzumiqo, Alhou no nongu kulu eno kishekululo ithamono mutsuqheyi shilupe nike pukaputsa alaushi azukini shialo; titoi shi aye nonguye khilemu akupulu phevemo nanike.

2 Peter 1:2

Nonguno Alhou ngo niMpeu Jisu kighithi akeu vechewo kupukini ngo aloinokeu nongu lau kighishelu apeniu.

2 Peter 1:5

Highenguno tolukivi thaqhulo akiqheu shipuzu akupulu shou alokepu pesu veqabelo; alokepu shou akighithi pesu veqalo;

2 Peter 1:6

akighithi shou alikhi aghasu kulu pesu veqabelo; alikhi aghasu kulu shou kushuwa puqhekulu pesu veqabelo; kushuwa puqhekulu shou Alhou lau amlo tsuqhiyikeu pesu veqabelo;

2 Peter 1:8

Kughengu nonguno hipaqo peitha eno kupukunoshi peche aye hipaqono nongu pelo niMpeu Jisu Khristo kighithilo thailupe nani.

2 Peter 2:20

Kughengu timino niMpeu eno niXakuluu Jisu Khristo ithikeu kighithi vechewo ayeghilo shikupusaqo launo pokaipeluve kethiu panonguye tipaqo lono itaghi kuptshuluve eno panoqo shou heqaluve aye, timi tipaqoye atughulo kiutoi achekeno tipau nguno ashekha launo alhoksa kuchoulo auvae.

2 Peter 3:18

Ikemu niMpeu eno niXakuluu Jisu Khristo kupukini eno pa kighithilo thuwu alo. Itehi eno alhokupujulo pa lau akimthe jekipi shilo! Amen.

RUTH 3:11

Ti omlo lipi kevilo, ninga! Nono ivilo pikeu kumtsu oghenguno ino shinike, noye thai kemi totimi lakhi kepi aghami kumtsuno ithi anie.