Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tim. 4:3 - BAIBEL (BSI)

3 Timi tipaqono timino kulakupu shikeu eno achuqupu hami chukeu lakha cheni. Ikemu pululuvekemi kuchou ithivekemiqo pelo shikimthi kighini lono chulupeniye Alhou no achuqupu tipaqo lhotsuke.

အခန်းကိုကြည့်ပါ။ ကော်ပီ

Sümi Tiqhelimi Bible

3 Panongu ye timi no külakupu shini keu lakha cheni eno achuqu hami khikhi küpülümi eno kuchou ithi akemiqo pelo shikimthi tsü ghi peitha peniye Alhou no lhosü keno tipaqo chupemo niye panongu lau azah tsü cheni.

အခန်းကိုကြည့်ပါ။ ကော်ပီ

Sumi Naga CL (Re-edited) Bible (BSI)

3 Panongu no külakupu lakha cheni eno achuqupu khikhi pülü luve no kuchou ithi kemi pelo shikimthikütsü lono ikhipe chu peniye Alhou no lhosü keno, tipaqo chukevilo picheni.

အခန်းကိုကြည့်ပါ။ ကော်ပီ




1 Tim. 4:3
30 ပူးပေါင်းရင်းမြစ်များ  

Ithakiche lhoxu kumtsu nongu chuqupu shilu nani, ino puzuu ayetsuni nongu tsuke toi, hikumtsu nongu tsu anie.


Ino kiu phulukeno tiye hike; Thime kumtsu nguno akiviu timino shi akepushi akeuye Alhou no akuxu ikhonhei pa tsukeulo pano kiu mlalukeno tipau chu-sho no alopivi akepue; hino timi sajeke.


Akukauno papu asu noqono mllachekeu lhou ghi gihumo nani, eno totimiqono kimiye chekeu lhoughi phimo nani. Kuchouno pano kumsukeuye alhou jeli kumtsu nguno pauno akijeu kepi kumsu nani.


Tileno timiqo vilo atsuni shou iqalopi pano azah atsu. Ashopa pungu eno akha kini pano ikhipesu atsutsulo jupuku eno Alhou shikimthi. Tithiu pano asho supho puzu tipaqo pesu pano pa khopemiqo tsu eno akhopemino tipaqo pesu timiqo kijetsu.


Akichilo kiu ilokeno tino timi shikuchhubeve chemoe, ikemu akichi lono ipeghi keuno timi shikuchhubeve cheni.”


Pano ashopa tsuni eno akha ngo ishi ikhipesu Alhou shikimthi puzu tipaqo suphono pesu pa khopemiqo tsu eno akhopemino tipaqo pesu timiqo jetsu.


Kughou pama gholo chuniye ngokelo Jisu no asho ikhilu eno kumghakeu khuvekethiu asho suphono pesu pama tsu.


Tishi akelo, Tiberiya alono ashuka hami ighi eno Ampeu no khilehino Alhou shikimthi puzu timi aqo kitikhino asho chukeno tipa-a phivilo ighi.


Pano hi pive puzu asho ikhiluno kumtsu zulono Alhou shikimthitsu puzu ti suphope chu thuve.


Kughengu Alhou kukaqhaye kuchu kusho vehuke kumoe ikemu Aghungu Kimthe no tsukeu mikucho ngo alakishi eno alokivi ishie.


Khuno thwokha chulu chenikeno paye thwokha chumokemi jukunatha kepu kumoe momu ayetsuni likhi chuchekeu huye thwokha chuchekeu shou kughathabe kepu kumoe; kughengu Alhou no pa ikhiluvae.


Khuuno atsala hamiye akhoto kepi tipa tsala ikhilu cheni keno Ampeu gihu ghi ti ikhilu ani. Thwokha chu chekeu timi ghi Ampeu gihu-ghi chu cheni, kughengu pano shikimthikeu Alhou lau tsue. Khuuno thwokha kumtsu chu chemo keno pa ghi Ampeu gihu ghi chu chemo, eno shikimthikeu Alhou lau tsue.


“Achuqupuye akive ghengunoke eno akiveye achuqupu ghenguno ke.” Tishike, ikemu Alhou no tikuma kinikujo shipusave tsunani. Aphimpiye kipti toti dolo mithemokeu shipenike ghenguno puani kekumoe, ikemu Ampeu ghenguno ke eno Ampeu ye aphimpi ghengunoke.


Ikemu, nono kulakupu shiaye noye axine shianike kumoe; eno totimi lakhino kulakupu shiaye liye axine shianike kumoe. Ikemu khuno kulawuni keno ayeghiqha hipaulo ghichhe ghime sholu chekeu sholu nani, eno niye tipau launo nongu hakhaniyeke.


Achuqupuno ningu pelo Alhou punukhoyi lupeni chemoe; ninguno chumove pinamu ninguye kiumu adou shiveni chemo, eno ninguno chuke ghenguno kiumu alla shiluni chemoe.


Tighenguno timi khuu pelomu chuqu kusho tiqhetini tsala pinyikeu aqhi kithe pinyikeu momu Sabat pinye ghenguno nongu shou ayezah betha pekevilo.


Tishiaye atsa lona akumlalo namu nonguno kiukiu shini keno, Ampeu Jisu vechewo Apu Alhou shikimthi ghi thwokha shilo.


paye timi kumtsu xaluve penishi eno kuchou ithi penishike.


Alhou no lhotsukeu jeli kumtsu akivike eno shikimthi kighini lono ikhilu aye kiumu milive kepu kuhae;


Ikehu niye topu lhothe chimemi pelo kulauvepe nishi, atianuli auvepenishi eno akibo peithauve penishie, tishianguno ni ghumi pelo ni lhoksa pipemo niyeke.


Timi kumtsuno kulakupu gihukepu shilo; eno akimi anipu dolo pukhukile kulupu shilo; kughengu kiptimi totimi dolo mithemokemi eno kutuqha chekemi shou Alhou no kughathabe nani.


Kutau jeli kukutsu ngo muzamughaleyi keu kukutsu pelo muzuchoikeu la lono nongu sawuvepe kevilo, kughengu achuqupu-yeh papekeu lono kumo puzu Alhouw kupukinino ningu mlo shikumtolu kepu anike; khunono ayeh tipaqo pape chenikeno panoqo kuphulu chenike kumoe.


Nokujono taun lo iloghi kelo pa ithulu nani, pano atoghi tipaulo ighi mphiloye pa kusu puakemiye chuqukusho shimo nanike eno pano ti aghakishi hu kumgha inibetsu paghini aphie; tithiuno khuno kusu puanikeno panoqono chulu nani. Tighenguno mtazu wu aye pano ti atoghilo wumphi lono nokujono pa sasu kusholu nani.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ