1 Peter 5:9 - BAIBEL (BSI)

⁹ Nongu kupululo mutotoi shino pa lakhalo, kughengu ayeghiqha kumtsulo nongu thikuzumi akupulumiqoye aghime hipaphi sholu anike.

Sümi Tiqhelimi Bible

⁹ Pa mjochile lo, aküpülü lo ithamo no puthugho lo, kughengu ayeghiqha kuchopu lo athiküzümi eno achelimi küpülümi kümtsü no hitoi keu ghimeqo puju-shiju ani kepi nongu no ithi anike.

Sumi Naga CL (Re-edited) Bible (BSI)

⁹ Pa tuchile lo, nongu küpülü lo mtotoi lo, no küsami küpülümi ghi ayeghiqha kümtsü lo aghime athoshi sholu ani kepi ithilo.

1 Peter 5:9 ပူးပေါင်းရင်းမြစ်များ

Luke 22:32

Ikemu Simon oghenguno ino inikhuvae, ti okupulu iqeve pemo nike. Kughou nono ilau ideghive nikeno othikuzumi shikumto masae.”

John 16:33

Ino nongu vilo hipau pikeuye isasu kimepe akeu lono nongu pelo alokiqi apeniyeke. Ayeghilomino nongu shikimghi nani, ikemu amlo mutotoi shilo! niye ayeghiqha theqhiluvae!”

Apostolmi 14:22

Eno hipaqo-a kumtsulo kupulumiqo mlo shikumtotsu eno akupulu laghilo vejoi alupenike panongu hakite ghi pi, “Shiluksa kutomo vechewo ninguye Alhou yehkipelo ilomaye sae.”

1 Kor. 10:13

Ghukuju khijehi nongu zulo ighi keno tipa tho lono timi kutami zulo ighi cheni. Alhou ye pukhubekuluke eno pano okumto qhemi nguno alauye oghujupemo nani; ikemu oghuju ake ghulokilo opelo ti pulu pekepu shi pano alaghi phuphetsu nani.

Ephesiami 4:27

eno adokivi tughami tsu kevilo.

Ephesiami 6:16

Hipaqo kumtsu nguno alauno akupulu pesu nongu zuto shilo, nonguno tipau pesu Alhoksau no ami kuiyiqu piji vepuwukeu kumtsu ghapinhelu nani.

Kolosiami 2:5

Kughengu niye aphimpi loye nongu launo putosupe anamu amlo loye nongu sasu anike, eno nonguno akivishi kithikiyi akeu ngo Khristo lau nongu kupulu ithamono akeu ithulu puzu alokivishi ani.

1 Thes. 3:3

tishianguno shikighimekeu sholu akeulo nongu khuu pelomu idewovepe moniyeke. Nongu ampino ithi anike shilukusano ningu sala shipuatsuake.

1 Tim. 6:12

Akupulu ghushi akivishi shilo, eno lhokta kuxu phekevino tsuqululo. Thopimi kutomo kua lono nono piphe keu vechewo Alhou no okulu keulo tsaqui mutululo.

2 Tim. 3:12

Khristo gholo xukimepeno Alhou lau amlo tsukeu kuxu xunikemiye shikimighi nani;

2 Tim. 4:7

Niye aghukishi akivishi shivae, niye akupolo ashetovae, niye akupulu pewotovae.

IBRIMI 11:33

Akupulu vechewo panoqoye akukaqha lelue, achipiu xakutha peithatsue eno Alhou no piqhipuakeu kuchou kepi phulu, abongushuu baxa lakhalue,

IBRIMI 12:8

Anuliqo toi nongu sakiyi qoputhu keu kuha aye, nonguye anu kucho kumo puzu tuqhanu ake.

James 4:7

Tighenguno nonguye Alhou qhoqhululo. Tughami mujochilelo eno paye nongu launo pove nani.

1 Peter 1:6

Highenguno, itehiye ado kitila ghenguno nonguye akijikusapu jelilo aghime shiaghi namu nonguye alokivipuke.

1 Peter 2:21

Kughengu hikithipulo Alhou no nongu kuluvae, kughengu Khristo ghi nongu ghenguno aghime shiveke eno nongu lau kichekipiye lakhi qhipuatsu anike, tishianguno nongu pelo pa nepalo nesu peniyeke.

1 Peter 3:14

Ikemu amikucho shikeu ghenguno nonguye aghime shikepushive namu tiye nongu ghenguno alokivipuke. Tipaqo msaichi akepu kumoe momu amloksa shikepu kumoe.

1 Peter 4:13

Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.

Piyeküsü 6:11

Panongu lakhikhi lau chijebobo keuphi akimiye lakhikhi tsu eno panongu vilo ado ikhonheyi ghenguno ngo aghilopi pive, tiye panongu kusami aqemi eno athikuzumi panongu toi ghiqhivekemi kikihi kupu miphi kutolo ngo aghilo pive.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.