1 Peter 5:2 - BAIBEL (BSI)

² Alhou bheriqo khekutolo, tsuyikhomo shilo pikeu ghenguno kumoe ikemu Alhou no nongu pelo shipenishi ketoi puloniqhiyi tipau shilo. Ajume ithulukeu ghengu likhino kumoe ikemu amlo lono qenikeu puloqhiyi pupuzu shilo.

Sümi Tiqhelimi Bible

² Alhou’w ambe loji nonguw tucho-mjokütsü qholo akeqo hu akivishi khekuto kepu shilo, panongu shou jukuto alo—tsükhomo shilo pikeu ghenguno kumoe, ikemu Alhou no nongu pelo shipe nishi akeu lo puloniqhiyi tipau shilo. Ajume ithulu keu ghengu likhi no kumoe ikemu amlo lono qe nikeu puloniqhiyi pù püzü shilo.

Sumi Naga CL (Re-edited) Bible (BSI)

² Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

1 Peter 5:2 ပူးပေါင်းရင်းမြစ်များ

KUKAMI AKINIU 12:6

Ikemu Joas no kakeu mpe muku akuthuu shiuvemu achinemiye Achineki kumu shikithemoe.

ALE KIMCHI 1:8

Totimi gholo jukiviu, noye a-a hu mtha kesha? Noye atsu-aqu papewulo; Bherikhemi phiki phivilo anetiqo achu kumzalo.

ISAIAH 40:11

Bherikheu lakhi toi pano pawu alojimi heju nani; pano bheritiqo hekutsu pesu pa ulono khapeni; pano mukhano tipaqo paza sawuni.

ISAIAH 56:11

Panonguye atsu alakimineno khilemu lukumkha shimokeu toike. Sakiphemi hipaqoye ithikuta shikeu kuhake. Panoqo milakhi khino pano pulokeu shicheni eno pa kivipu likhi phucheni ke.

ISAIAH 6:8

Tileno AMPEU no ishi pikeu ino chilu, “Niye khuu puwuni kya? Khuuno ni ghenguno wuni kya?” Ino ishi khochile, “Ni hile ani! Ipuwulo!”

ISAIAH 63:11

Ikemu tile panonguno wovekeu tsala kumsuchilelu eno panonguno ishi iniju, “AMPEU ye khile ani kya? Pano azughi lono pawu timi sakiphemiqo xalukeu hu? AMPEU ye khile ani kya? Pano pa Ghungu pesu Muse tsukeu hu?

JEREMIYA 13:17

Ikemu nonguno initsumo aye, Nongu qhekuza ghenguno ino kusuuno qa nani; Ino kukhu kimjishi qa nani eno inhezuno qoipeghi nani kughengu Alhou wu timiqoye akughumi shi sawuveni ake.

JEREMIYA 13:20

O Jerusalem, julo! Oghumiqoye ahuu kudauno iqi cheni! Nongu pelo jukuto peniaye pichetsu cheni, nowu timi nonguno jupesu qheza chekeqoye khile ani kya?

JEREMIYA 6:13

Kijemi kitilami kumtsu amikucho kumo lono alla kighishe cheni aghukha shi acheni ke; tungkupumi ngo achinemi thotsu timi pishiqhi cheni.

JEREMIYA 8:10

Tighenguno ino panoqo ki alu pesu apighimi akithemi tsuve nani eno panoqo nipu kutami tsuve nani. Kijemi kitilami kumtsuno amikucho kumo lono pisa kuphumi shi achenike. Tungkupmi ngo achinemi ghi timi pishiqhike.

EZEKEL 34:23

Panoqo shou akheu lakhi shipe nike ino iqeu David toikemi akukau lakhi panoqo tsu nani eno panoqo tuchohiju nani.

EZEKEL 34:31

“Nongu iwu bheri lojiqo, ino lojiche keqoye iwu timiqoke eno niye nongu Lhou ke,” ipi Akughushu MPEU no pike.

EZEKEL 46:24

Timi huno ivilo pi, “Hipaqoye alikhuli kishiake, hipa-a lono timino aghashi mllakeu gho achinekilo aqemiqono be lhonikeu-ake.”

MICAH 3:11

Aphughilo ayehkipemiqono ayeh peithakeuye kulugho tsupeniyeke, achinemiqono ajume tsu anguno Ayezah lhekidepiyeke, tungkupmino pisa tsu anguno pano lau piyesukeu pitsu chenike eno panoqo kumtsu AMPEU ye panoqo gholo acheni kepi piacheni. “AMPEU ye nigholo anike kiumu shipusa kepu nilau ighimo nanike,” ipi panonguno picheni.

MICAH 5:4

Kughou ayehkipeuno ighini keno AMPEU launo ighikeu kumto ngo AMPEU Alhou je kuloghi pesu pano pawu timiqo shou ayehpe nani. Pawu timiqo sushokululo anani kughengu ayeghilo akemi kumtsu paje kuloghi ithikuthulu nani.

MICAH 7:14

O AMPEU, owu timi nono kisheluve kemiqo shou bherikheu shilo. Panongu kutoshi timi kughunamoke-alo xuaghimu ayeghi ghumakivino panoqo suhupe ani. Kha-ghi shicheke toi panoqo pelo Bashan ngo Gilead lo achu kumzapu kinikulu shi akeulo chupelo.

ZEKHARIA 11:17

Amekuha mithekeu bherikheu tipauye pithiveni putsake! Paye pawu bheri loji qhiveke. Aghukishino pa kuka qhoi kutsave nani. Paye thizum-muyive nani eno pa nhethi ajeu kudauye icheuve nani.”

MALAKI 1:10

Aqokitikhi MPEU no pi, “Nongu gholo khuala pelono achineki hukikha khave penishi anie, tishianguno nongu pelo imllakeu khachelo avehu kuhakeu mi kuyiqu pemo nike. Niye nongu jupe imlo qi amoe. Niye nonguno akumllagho ilau sughikeu ikhilutsumo nani.

AKIKIHI 18:7

Ikemu no eno onuli likhino akiptia eno Shishe Akimthea lo kiu shikepu keno tipau chineyeh shi nikeu makho kumtsu shikupu masake. Hipaqono nongu makho ke kughengu achine kumla peitha penikeu gho ino otsuve ake. Akuzupu kumomi khuukhumu shikimtheve keu thimeqo kupunu ighikeu ye pithive nani.”

Luke 12:32

“Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

Apostolmi 20:29

Ino ithi anike, ino chevekethiuye tungtugha yikusaqono nongu gholo ighi nani eno kupulumiqo-loji hapiye-pighi nani.

Apostolmi 21:13

Ikemu Paul no ishi ningu khochile, “Nonguye kiu shiepi hitoi shi puzu imlo shikighimetsu kya? Kughengu niye Ampeu Jisu je ghenguno Jerusalem lo akughushi ke likhi kumono thive nikeu kutolo khe anie.”

Rommi 1:15

Ikehu nongu Rom lo xuakeqo vilo ghi atsakiviu pesu pikulha nike niye khekulhoshi ani.

1 Kor. 9:7

Timi khuno pa likhi pa chuqu kusho peitha puzu ghushimi shicheni kya? Timi khuno pa tsayilu chi puzu tipaulo ipekighi xathi chumove cheni kya? Momu timi khuno pawu bheriqo kheu shipuzu tipaqo launo akichhizu lumove cheni kya?

1 Tim. 3:3

Paye shokumzumi shimoni momu anguka vesukemi shimoni ikemu ivunheyi eno iquighai kemi shimasa. Paye pisa kiminemi shimoni.

1 Tim. 3:8

Tihutoi akukuholo akukuphumi ghi mutsumisheyikemi shimasa, amili shobakupumi shimoni, aji shomoni; momu alakiminemi shimoni,

Titus 1:11

Panongu kichi lakhave tsu masae, kughengu panonguye pisa kimine launo kujomono shikamokepu pesu shika puzu akibo kumtsu vepusa anike.

Titus 1:7

Akukuholo sakiphemi lakhiye Alhou kumlalo atsukupumike ghenguno paye tukutiye kuhakemi shimasae. Paye agho aghoshi kemi, lolemi, shokumzumi, aka-aghami, alakimnemi shimoni,

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

Titus 3:1

Now timiqo vilo ayehkipemi ngo kukami qhoqhu eno panoqo ghokulu shilo pilo eno akumla kivi kumtsu shinikeu kutolulo pilo.

Philemon 1:14

ikemu nono pulosutsumo keloye niye kiumu shimo nikeu shivae. Ogho apulou lono kuphu penishi ani kethono tsuyikhomo ovilo kimiyelopi pinishiamoe.

IBRIMI 12:15

Alhou wu kupukini launo xachile idevemo nike kutokupuyilo. Akukhu kimji sutsunibo toi ipeghi puzu tipau tughu huno kutami shipusalu nosake kutokupuyilo.

2 Peter 2:3

Panonguno alamine kelauno akimikitsa pipuzu alla kighishelu nani. Khaghino panoqo shou kugha thabeve kepu shiakeu huye munuveake kumoe eno panoqo kutsavekepu shiakeu huye zuanike kumoe.