1 Peter 5:12 - BAIBEL (BSI)

¹² Pukhubekulu athikuzuu ipi ino kihichekeu Sila kukuphu lono yesu hipau ikhonhei shi nongu lau ino yepuwulu ani. Ino nongu shikumto eno hakiteghi pitsuanike hino Alhou kukumgha kuchou ke. Hipaulo mutotoi puthugho chelo.

Sümi Tiqhelimi Bible

¹² Silas, khuu I no pichebekulu athiküzüu lakhi toi ikhilu acheni keno, pa kukuphu vechewo ni ye nongu lau ikhonhei keu lono nongu shikumto ani eno hiye Alhou’w kuchou küpükini kepi thopiu shi ghi yèsü yèvae. Tipau lo mutotoi puthugho lo.

Sumi Naga CL (Re-edited) Bible (BSI)

¹² Pükhükulupu thiküzüu shi I no kihi chekeu Silvanus vecheo ni ye nongu lau shikumto eno shuphetsü ghi hi no Alhouw küpükini kuchou kepi ikhonhei shi yevae. Mtotoi hipau lo puthugho lo.

1 Peter 5:12 ပူးပေါင်းရင်းမြစ်များ

John 21:21

Kughou Pitor no akhopeu hu ithulu keno, pano Jisu vilo pi, “Ampeu, timi hipauye kishi nani kya?”

Apostolmi 11:23

Kughou pano Antiok tokeno Alhou no timiqo kumghatsu akeu ithulu puzu pa mulo kiqi shive eno panongu vilo amlo iqemono Ampeu ghokulu shi alulopi pano kumtsu shikumto.

Apostolmi 15:22

Tile Apostolmi ngo kupulumi kichimiqo eno akukuhomi kumtsu sasu kuqha puzu panongu muqo lono timi khami kishe puzu Paul ngo Barnaba gholono Antiok lo tipaqo puwu nikeu pulokuqhalu. Panonguno Barsaba ipichekeu Juda ngo Sila pama kishe, pamaye athikuzumi gholo sakiphemi shi acheke.

Apostolmi 20:24

Alhou wu kupukini tsakiviu pesu kutughu nikeu kumlapu saje khikhi Ampeu Jisu no itsukeno tipau puzuchekeu shikupuluni malapi ani kethono ikuxu pesu ilikhi isala amekuapu shilu ani kemala pi kihichemoe.

Rommi 5:2

Hi kupukini khile ninguno puthugholu ani keno pa vechewo ilolukepu shiveke. Ikehu ninguye Alhou jukuvu kusajenikeu lakuju akeulo ninguye alokivishini nolo.

1 Kor. 15:1

Athikuzumiqo, ino atsakiviu khikhi nongu vilo pikulhache keno, eno khikhi nonguno ikhiluvea keno eno khipau shou nongu kupulu bepe ani keno

2 Kor. 1:19

Kughengu Alhou Nu Jisu Khristo pesu nongu gholo Sila, Timothi eno isheshu huye “Iye” “Moe” ipikeu tsa kumoe, ikemu Alhou no “Iye” ipikeuye pake.

2 Kor. 1:24

Nonguye kiu pulu masa keno ninguno nongu vilo mijetsu akepu kumoe, ikemu nongu lokivipushi ninguye nongu sasu mla itha chenike, kughengu nonguye akupululo mutotoi puthugholu anike.

Ephesiami 3:3

ike ino yevekeu toi tuqhou kukughu achekeu hu ilau pephepiye ke.

Ephesiami 6:21

Itehiye nongu ghi niye kiutoi ani eno kiu shianikeno ithinishi aghi nanike, kimiyechekeu nithikuzuu eno Ampeu kumlalo pukhubekulu shi mlachekeu Tukhika no thwokha nongu vilo pitsu nani.

Kolosiami 1:7

Nino kimiyechekeu eno akusau aqeu Epafra no hipau nongu kutsupiyeke, paye ningu zuqhushi Khristo ghenguno pulubekulushi mlachekemi lakhike.

Kolosiami 4:7

Ninguno kimiyechekeu athikuzuu Tukhika no niye kiu toi anikeno kumtsu pesu nongu vilo pi nani. Ni thikuzuuye Ampeu kumla shikeulo nikusami pichebekulumi lakhi ke.

Kolosiami 4:9

pa gholo nongu gholomi, kimiyechekeu eno pichebekuluu athikuzuu Onesima puwu ani. Hilau kiu kishi shianikeno pamano nongu vilo kishekulushi pinanike.

1 Thes. 1:1

Paul, eno Sila eno Timothi ishino Thesalonia lo Apu Alhou eno Ampeu Jisu Khristo lono akukuhou timiqo lau yelu ani. Kupukini ngo alokiqi nongu lau apeniu.

2 Thes. 1:1

Paul, Sila eno Timothi ishino Thesalonia lo Apu Alhou eno Ampeu Jisu Khristo lono akukuhou timiqo lau yelu ani.

IBRIMI 13:22

Athikuzumiqo, ino shikumtokile keu tsa hipau tsuakeu tsaqui initsulopi ino nongu qhuiniju ani, kughengu niye ikhonhei shighi nongu lau yepuwu anike.

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

1 Peter 4:10

Milakhi khino Alhou no kupukini gho ajeli tsukeu peitha kithimi shipuzu Alhou launo kiu gho ithulu keno tipau kutami kivipu ghenguno peithalo.

2 Peter 1:12

Ike nonguye tipaqo ithi ani eno kuchou ghili ikhiluvekeulo nonguye mutotoi xu acheni kemu niye hipaqo thime pesu pulhapuju nongu piputo anikeu shi ani.

2 Peter 2:15

Panonguye alakumzu qhive puzu alaizu susu wuvae. Panonguye Beor nu Balaam, khuu alhosa kumla lono ala kighishe lukeu kupukeno tipau laghi papewuvae.

3 John 1:12

Timi kumtsuno Demetria ye akivikepi picheni; Kuchou hughi paye akivike picheni. Nighi pa shepe shiani, eno ino ashepe shitsukeuye kuchou kepi nonguno ithiani.

Jude 1:3

Kimiyechekemiqo, niye tolukivi thaqhu pukaputsa puzu ningu ghenguno xakulupu aqu shiakeu ghili pesu nongu lau yelu akeulo, nongu vilo Alhou no ghuthu khavino kumtsu ghenguno akupulupu pawu timiqo tsupe puakeu hu nonguye tipau susho masakepi qhuiniju ani.