1 Peter 4:8 - BAIBEL (BSI)

⁸ Thwokha kumtsu nguno alauno amlo tsuqhiyi lakhino lakhi kimiyekilelo, kughengu kikimiyeno axine kutomo nhaluvetsu chenike.

Sümi Tiqhelimi Bible

⁸ Kümtsü nguno alau, amlotsüqhiyi shi lakhi no lakhi kimiye lo, kughengu kikimiye no axiné kutomo nhavetsü cheni ke.

Sumi Naga CL (Re-edited) Bible (BSI)

⁸ Kümtsü nguno alau, kikimiye no axine kutomo nhavetsü cheni kehu aghüiloqhiyi lakhino lakhi kimiye kilelo.

1 Peter 4:8 ပူးပေါင်းရင်းမြစ်များ

AHOLE 10:12

Akimthino akupuna xukutho cheni ikemu kikimiyeno akipimi kumtsu jonhavetsu cheni.

AHOLE 12:16

Kughuzumino amlo shimove aye paye paikhavino tipau pephe piye cheni. Kumsukulumiye pa xishikeu jukumghaleive cheni.

AHOLE 17:9

Timi pelo oju alope nishi aye olau akumou shikeu kipimi pevetsulo. Akumou shikeuno shompami shiakeu hephove nani kepi kumsupu achelo.

AHOLE 18:13

Khochile mphi lono inipaghilo. Tishimo aye noye mbomzumi eno opipunhave nani.

1 Kor. 13:1

Niye timi mili momu kungumi mili lono mu atsa pi aghiluvi, ikemu kimiyekini kuha aye isutsaye ayikihe ghugha paphi likhike momu ayi kugha kelo aghugha ipeghikeu paphi likhi ke.

1 Kor. 13:4

Kimiyekiniye kusuqhikulu eno amlo ighiqhiyi keuke; kimiyekiniye aghichipo chemo, qhezalaki chemo, lahilaza xuchemoe;

Kolosiami 3:14

Hipaqo kumtsu nguno alauno kikimiye pepulo, kughengu kikimiyeno thwokha, kupukulupushi tsugha kuqhatsu cheni.

1 Thes. 3:12

Ninguno nolau kikimiye piyeke toi Ampeu no nongu pelo lakhino lakhi kimiyekeulo eno timi kumtsu kimiyekeulo alau thuwulu eno ikowolupeniu.

2 Thes. 1:3

Athikuzumiqo, ninguye nongu ghenguno pulhapuju Alhou shikimthi aniputsake! Ninguno titoi shikeuye achipike, kughengu nongu kupuluye ihulokeu shi thuwulu ani eno nongu lakhino lakhi kimiyekile keulo thuwu anike.

1 Tim. 1:5

Ahza hipau tsukeu kimijiye amlo kithe ngo tsughukhuyi keu lokumsu ngo mutsumishei keu kupulu launo ipeghi chekeu kikimiye hu haputhu tsuniyeke.

IBRIMI 13:1

Khristo lono nongu lakhino lakhi kimiyekile chelo.

James 5:12

Ikemu ithikuzumiqo, kumtsu nguno alauno, nonguye kungugha, ayeghi momu kiukiumu pesu tushoqhi kevilo. Nonguye iye ipikepulo “Iye” ipilo eno moe ipikepulo “Moe” ipilo, tishianguno nonguye Alhou no kughathabe keulo ilomo nani.

James 5:20

hipau kumsululo: khunono axinemi lakhi alakumolo chechekeu lono sachile saghi nikeno axinemi tipau kuxu akithipu lono xalu anie, eno axine kumzapu pevetsulu kepu shilu anipeke.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

3 John 1:2

Ino kimiyeche keu, noye thwokhalo akivishi aghi nani eno oshi-aji akivishi aghi nani kepi ino pulu ani. Okuxuye akivishi anikepi ino ithi ani.