1 Peter 4:18 - BAIBEL (BSI)

¹⁸ Pipuakeu toi, “Amikuchomi ghi akushukulu xalukepu shiaye; Alhou kuha pichekemi eno axinemiye kiu shive nani kya?”

Sümi Tiqhelimi Bible

¹⁸ Eno, “Tsalá amikuchomi ghenguno xalu nikeu kushokütsü shi aghí aye alhou kümthami eno axinemi ghengu ye kiu shive nani kea?”

Sumi Naga CL (Re-edited) Bible (BSI)

¹⁸ Eno “Amikuchomi ghi akushukulu xalu kepu shi aye, Alhou kümthami eno axinemi ye kiu shive nani kea?”

1 Peter 4:18 ပူးပေါင်းရင်းမြစ်များ

BOTHUBO 13:13

Ikemu Sodom phughilo akemiqoye AMPEU zulo ighono lhoksakughami eno axinemiqoe.

AHOLE 11:31

Akivi shichekemiye ayeghi hipau lono asaxu ithulu cheni ikemu kixikilami ngo axinemiye aghime sholuni putsae.

JEREMIYA 25:29

Aphughi lono ino kutsaleve nikeu kumla huthuni cheni. Panonguye ghimeqhimoveno wuluve nani kepi kumsu ani kesha? Moe, panonguye ghimeqhi nani, kughengu ayeghilo akemi kumtsu shou ino aghukishi puwuni cheni. Ni, Aqokitikhi MPEU no piqhiveake.

EZEKEL 18:24

“Ikemu amikuchomi lakhino akivipu shimoveno alhoksa kumtsu shicheuve eno alhoksamino kuchhube kutsula jeli shichekeu shiuve aye, paye xuakulupu kesha? Moe! Pano akivipu shipuakeu lakhimu kumsulu tsumo nani. Pa mikuchokumo eno pa xineqo ghenguno paye thi nanike.

ZEKHARIA 13:9

Ino kikije akuthuu ghupe puaghikemiqo kimchiju nani eno ami lono tsandiyi ghukimthe keshi panoqo shikimthe nani. Shunayi kemo keno kimchiju ketoi ino panoqo kimchiju nani. Ino panoqo vilo panonguye iwu timi kepi nani eno niye panoqo Lhou kepi panonguno piphe nani.”

Luke 15:1

Ghuthu lakhi zahme kuqhami eno kutami aghilikusami ghi kutomo Jisu tsa ininike ighie.

Luke 23:31

Kughengu asuno akuxu aphilo papu hikithipu shiaye kughono asuno qhaive aye kiu shive nani kya?”

Apostolmi 14:22

Eno hipaqo-a kumtsulo kupulumiqo mlo shikumtotsu eno akupulu laghilo vejoi alupenike panongu hakite ghi pi, “Shiluksa kutomo vechewo ninguye Alhou yehkipelo ilomaye sae.”

Apostolmi 27:24

ishi pi, ‘Musakevilo, Paul Noye Rom kukau Kaisar zulo puthugho masae, eno julo, ogholo ashukakilo chekeqo kumtsu Alhou no pesu otsu ani.’

Apostolmi 27:31

Ikemu Paul no ghushimi kijemi ngo ghushimiqo vilo pi, “Ashukaki sakichemi hipaqono hile ngomove aye nonguye xulumoae.”

Rommi 1:18

Kughengu Alhou kumthami eno alhoksa kumlami khunoqono pano mikucho kumo pesu kuchou qhasupe acheni keno tipaqo shou atsutsu lono Alhou loghu pephepiyevae.

Rommi 5:6

Ninguno akukuphu kuhano ake lono, Alhou no ado kihitha puakeu dolono Khristo no lhoksakughami ghenguno thive.

Rommi 5:8

Ikemu Alhou no ningu kimiyeqhiyi keu pephepiye keuye ninguno axinemi shiaphi lono Khristo no ningu ghenguno thiveke.

1 Kor. 10:12

Tighenguno timi khuuno paye mutotoi puthugho ani kepi kumsu anikeno paye veqhimo kepushi jukutolo.

1 Tim. 1:9

Tishimaye hi ithimasa kepushi ani ike ayezah qoye timi kivimi ghenguno mlape puamoe ikemu ayezah hexakemi, hekibidemi Alhou kumthami, axine shichekemi, achineyeh thachekemi, mithemokemi, apuh ghiqhi kemi,aza ghiqhi kemi, timi heqhi-buqhi kemi,

IBRIMI 4:1

Tighenguno Alhou lokughunolo ilokulupu shi aphi kepi piqhi puani. Ike alokughuno alo iloni keulo milakhinomu ikiqive nosake ninguye musa ani nolo.

James 5:6

Nonguno kiumu shipimimo kemi peve cheni eno ghiqhi cheni; paye omujochile chemoe.

1 Peter 5:8

Tsukhuyi shialo eno kutokupuyilo! Nongu ghumi Tughami ye abongushuno igha iqhoiqi akeshi itsu cheni, tiye khuu khumu tsuqhiluve nike ju cheni.

2 Peter 3:7

Ikemu Alhou tsano atsutsu ayeghi itehi akeu huye ami pesu kutsapiniyiveni keushi ghupe puani, tiye Alhou phimokemi shou kughathabeni keu eno kutsapiniyiveni keu tsala ghenguno qhipuani.

Jude 1:15

kumtsu shou kughathabe nani, eno panonguno Alhou sumokeu kumla khijehi shipuani keno eno Alhou sumokemi axinemino pa shou alhoksa tsa pikeu kumtsu pesu panoqo shou kughabepuku nani!”

SAMUEL ATUGHIU 15:18

eno pano ahza lakhi otsupuwu keuye Amalek lhoksa kughami kumtsu puxu kevino pithivelo pi ahza otsue. Panongu heqhi khamphi kutolo aghushi alopi ovilo pie.