1 Peter 4:13 - BAIBEL (BSI)

¹³ Ikemu Khristo ghime sasu kusaje anikepi alovilo, tishianguno pa kimthe jukuvu pephepiye kelo nongu ghi alokivino chhitoi peniyeke.

Sümi Tiqhelimi Bible

¹³ Ikemu nongu no Khristo ghime lo küsaje akeu qhemi alovishelo, tishianguno kughou pa juküvü pephe-piye nike no nongu pelo shishe alovishelu peniye ke.

Sumi Naga CL (Re-edited) Bible (BSI)

¹³ Ikemu alovilo, kughengu atsa kuchou lo nongu ye Khristo ghime sasü küsajelu anike, tishianguno kughou Pa juküvü pepheni keno nongu ghi alovi eno amloqilu nani.

1 Peter 4:13 ပူးပေါင်းရင်းမြစ်များ

ISAIAH 25:9

Tipa tsalalo kumtsuno ishi pinani, “Paye niLhou ke! ninguno pa pukhu khecheke eno pano ningu xapheluke. Paye AMPEU ke! Ninguno pa pukhu khecheke; itehiye pano nixaluke ghenguno ninguno alokiqishi alovini.”

ISAIAH 35:10

Panonguno alokivishi Jerusalem tolu nani. Panonguye alhokupuju alokivishive nani, amlo ghime eno amlo ghuju lono alhokupujulo khaqhi pheve nani.

ISAIAH 51:11

Nono khunoqo lekholuvea keno tipaqono alokivishi Jerusalem tolu nani, alokivi launo ighamuku alephesu tonani. Panonguye alhokupuju alokivishi nani, pulhapuju ghenguno amlo kusa eno amlo ghime lono kuqho pheve nani.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 25:21

Pa mipeuno pa vilopi, ‘Aghile shivae! Noye akivi eno pukhubekulu qeuke; noye kitila lomu pukhubekulu shike; ino opelo kutomo shou ampeu shipeni; ompeu lokivi gholo sulo!’

MATTHEW 25:23

Pa mipeuno pa vilo ishipi, ‘Aghile shivae! Noye akivi eno pukhubekulu qeuke; noye kitila lomu pukhubekulu shike; ino opelo kutomo shou ampeu shipeni; ompeu lokivi gholo sulo!’

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

MATTHEW 5:12

Alokiqipushi alovilo, kughengu kungughalo osaxu kije kutope ani. Nongu zuu tungkupumi achekeqo ghi timiqono tihutoi shikimighi cheke.”

Mark 8:38

Tishiaye, timi khuno Alhou phimokeu eno kusakugha tiqheli hipaulo paye ilaumike ipinikeu eno itsa pinikeulo kiumu shitsumove aye, ni Timi Nu ghi kughou papu jukuvu lono akimthe kungumi sasu ighikelo timi tipau ghenguno kiumu shitsumove nani.”

Luke 17:30

Timi Nu pephepiyeke tsalalo ghi hitoi nani.

Apostolmi 16:25

Ikemu zubumtalo Paul ngo Sila pamaye Alhou lau akighini shi, ale phe eno akughumi kutamino pama tsa ini ae.

Apostolmi 5:41

Apostolmino Judami Hoho lono alokivishi cheve, kughengu Jisu je ghenguno shikukujo pekepushi Alhou no panonguye akuzuepi kishelupe kehu.

Rommi 5:3

Tinguno alauno ningu wu shilukusaqo lomu alokvishi acheni,kughengu nino ithi akeuno shiluksano kutuukulushi theqhilukeu iqiphe cheni,

Rommi 8:17

Ninguye pa nuli aye pano pawu timiqo ghenguno amheghi puakeu ninguno ighilu nani, eno Khristo sasu ningu ghi amheghi ighikemi shinia. Kughengu ninguno Khristo ghichhe ghimelo kusaje aye, ningu ghi pa kimthe jukuvulo kusaje nani.

Rommi 8:18

Ino kiqikutoju keuye itodolo ninguno kiu aghime sholu ani keno tipauye akimthe-jukuvu ningu lau pephe piyeniye akeu sasu kiu lonomu kimghikulupu kuhae.

2 Kor. 1:5

Ike ninguno Khristo ghichhe ghime kusajeke hutoi Khristo vechewo alokughuno tsukeu ghi ninguno kusaje cheni.

2 Kor. 1:7

Ikehu nongu shou ninguno lajuakeuye ithamono mutotoi ani, kughengu ninguno ithi akeuno nonguno ni shilukusa kusaje kehu toi, ni lokughuno ghi nonguno kusaje nani.

2 Kor. 4:10

Pulhapuju niphimpilo Jisu kithi pepu acheni tishianguno Jisu kuxu ghi niphimpi lono ithulupe niyeke.

2 Kor. 4:17

Ninguno ghicheghime dolo ikhonhei sholu akeu huye kiunomu pe kimghimlakeu lhokta kimthe jukuvu lakhi saghitsu nani.

FILIPIAMI 3:10

Ino pulo chekeuye Khristo ithini pa xuputhuvekeu kuka ithi, pa ghimeqo kusaje eno pa kithi gholono pa kimihi shiwuniyeke,

Kolosiami 1:24

Nongu ghenguno ino aghime sholukeulo niye itehiye alovi ani. Kughengu iphilo aghime sholuakeu vechewo Khristo no pa phimpi, akukuhou ghenguno aghime shikepushi akeu ino shikuputsu anike.

2 Tim. 2:12

Ninguno puqhekulushi aye, ningu ghi pa gholo ka nani. Ninguno pa peve aye, pa ghi ningu peve nani.

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

1 Peter 2:21

Kughengu hikithipulo Alhou no nongu kuluvae, kughengu Khristo ghi nongu ghenguno aghime shiveke eno nongu lau kichekipiye lakhi qhipuatsu anike, tishianguno nongu pelo pa nepalo nesu peniyeke.

1 Peter 5:1

Ni, nongu gholo kichimi lakhi shino nongu akukuhou gholo kichimiqo shikumto ani, niye Khristo no aghime sholukeu thopimi lakhike eno akimthe jukuvu pephepiyeni akeulo kusaje nikemike. Ino nongu qhuiniju ani,

1 Peter 5:10

Ado ikhonhei nonguno aghime shive kethiu, Khristo gholo nonguno xukimepe akeu lono lhokta kimthe jukuvulo nongu kuluvekeu Lhou, kukumgha kumtsu akeu Lhou huno pa ampino nongu shikumto, shiqhetsu eno nongu boqha shitsu nani.

Jude 1:24

Itehiye, nongu pelo veqhipemono jukutochekeu lau eno pa kimthe jukuvupu kungo-alo alokivishi eno tukutiye shimono nongu saghilu nikeu lau,

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.

Piyeküsü 1:9

Ni Johan ye nongu thikuzuu ke, eno Jisu papemi lakhi kehu Alhou yehkipe laumino kutuughi shilukusa puqhe akeulo nighi nongu sasu kusaje chekemike. Ino Alhou tsape shikeu eno Jisu shepe shikeu ghenguno Patmos zudoyeghilo ikughape qhiveke.