1 Peter 3:4 - BAIBEL (BSI)

⁴ Ikemu nongu jukiviye nongu lolo kuchou mlo xapulo,iquneyi eno ivunheyi keu pesu khilemu idivemo keu jukivi shipelo, Alhou zuloye hino ighono amekusho chike.

Sümi Tiqhelimi Bible

⁴ Tishini ke züqhu nongu jukivi ye nongu lolo, idive chemo keu iqüighai keu ngò iqünhei keu ngulho, khikhi Alhou zülo ighono amekusho keno, tipau no nongu jukivi shi moayesa ke.

Sumi Naga CL (Re-edited) Bible (BSI)

⁴ ikemu nonguw jukivi ye alolo nongu mpi kuchou akeu huno shilo, tino akümtsha eno iqünhei keu ghunguw shipüsa kümlapu jukivi, Alhou zülo ighono akughupu ke.

1 Peter 3:4 ပူးပေါင်းရင်းမြစ်များ

LESHELE 131:2

Ikemu niye ingulho iqunei ghasupe qhipuani. Angano aza ulo inaqhoi ake toi imlo iquighayi ani.

LESHELE 147:6

Pano aqhokighemi tuqhepuku cheni, ikemu kixikilami ayeghilo chundave cheni.

LESHELE 149:4

AMPEU no pawu timiqo launo azu kuvu shicheni; pano tokulupu pesu aqhokighemi gihu cheni.

LESHELE 25:9

Pano ala achipiulo aqhokighemi sawu cheni, eno panoqo vilo pa laghi shika piye cheni.

LESHELE 45:13

Akukaliuye shuna pesu ghokunakeu phimini pepusu akighikilo ani.

LESHELE 51:6

Noye akikhi eno kuchou avehupushi anike, tighenguno olokutsu pesu imlo tuqhou shika piye tsulo.

ISAIAH 11:4

Paye anhethino ithukulu likhi lono kughathamo nani, momu chikulu lo likhino xathabe mo nani; pano kumlhomiqo ghenguno achipiu lono kughatha nani; eno ichhe imechekemi chipiu phujutsu nani. Pano ahza tsukelo timi ghimeqhive nani, eno kixikilamiye pa tuthu kishe lono pithive nani.

ISAIAH 29:19

Kumlhomi ngo aqhokighemiye AMPEU Israil Lhou akimtheuno tsukeu lokivi itaghi ghuthu lakhiye phulu nani.

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

JEREMIYA 51:59

Akukau Zedekiya mpi hiju achekeu timi huye Neriya nu Seraiya ke, eno pasuye Mahseiya ke, Zedekiya no Juda lo kakeu ampe abidiu shiakelo, Seraiya ye pa gholo Babilon lo wunikeu shive, ike ino avehu hami pa tsuke.

MATTHEW 11:29

Iwu kuwokhasu ikhilu no ti pepulo eno ilauno shikalulo, kughengu niye amlo kumtsha kughuvumi eno aqhokighemike; eno nonguye akulhokiqi phulu nani.

MATTHEW 21:5

“Zion phughi vilo pilo: Julo, okukau olau cheni, Paye ivunheyikemi eno gadaha lakhi shouno cheni, Paye gadaha ti lakhi shouno cheni.”

MATTHEW 23:26

Nongu Farisimi anhethi kighichemiqo! Atughushi akhu ngo ajukhu alou paghi kusuvelo, tishianguno ashou ghi mitheluve nani!

MATTHEW 5:5

“Akumtsha-akughuvumi kumghae, kughengu Alhou no tsuniepi puakeu mheghi panoqono ithulu nani!

Luke 11:40

Mbomzuqo! Ashou lhotsukeu huno alou ghi lhotsuke kumo kesha?

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

Rommi 1:23

Thivechemo keu Lhou mllanike zuqhulo, panonguno thivenikuau timi, aghau, tughashi eno itikiche lhoxu kimihi shi-ghi ajulho shisukeu mlla cheni.

Rommi 2:29

Ikemu timi khuno alouno Judami keno kuchouno Judamike, eno aphighu yiko ghakeu kuchouye amlolo ke. Tiye Alhou Ghungu no mlatsukeu kethono yepuakeu yezah kiqi lono shikeuhu kumoe. Timi tipauye Alhou launo akishe ithulu cheni, eno timi launo kumoe.

Rommi 6:6

Ninguno ithi akeuno, nilhoaye aqauye Khristo kros gholono pithivae, tishino axine shichekeu lhoaye hu kutsaqhive eno hinguno hilauye ningu pelo axine quaxemi shipemoni yeke.

Rommi 7:22

Ilikhi imlo alouye Alhou yezah lo izukuvu ani,

2 Kor. 10:1

Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke.

2 Kor. 4:16

Highenguno ninguye khilemu amlo hauve chemoe. Ni phiashiye tsu-ma ayeakemu, ni loloye tsalakipetsu akithe shikithevetsu ani.

Galatiami 5:23

mtsha-ivukeu eno kusuqhikulu. Hitoikeqo shou ayezah kumu kuhae.

Ephesiami 4:2

Akumtsha kughuvu shilo, ivunhei xulo, pulhapuju kutuo kutuulo, lakhino lakhi lau kusuqhikulu lono kikimiye piyelo.

Kolosiami 3:12

Alhou no nongu kimiyeno, pawu shipenike kisheluvekemi akehu, kimiyeqhiyikeu, kutami kupukeu, akumtsha, akughuvu eno kutuukulu pepulo.

Kolosiami 3:3

Kughengu nonguye thive ake eno nongu kuxuye Khristo gholono Alhou no kusupe anie.

1 Thes. 4:11

Nino nongu kutsuvekeu toi iqu ighai keu kuxu xunikeu, alikhi akumlapu sajeqolo amlo tsuqhiyi shinikeu eno pututa phia-u peithano mlachu nikeuno nongu kuxu kimji shichelo.

2 Thes. 3:12

Ampeu Jisu Khristo jelono nino timi tipaqo vilo piputo eno hakite anike, panonguye kithikiyi xumayesa eno pututa kuxu ghenguno mla mayesae.

1 Tim. 2:2

kukami ngo ayehkipemi ghenguno inikhu tsulo, tishianguno thwokha lalo Alhou lau amlo tsuqhiyi eno kithikiyikeu ghola lono ningu pelo iquneikeu eno alokughuno kuxu xulupenike.

2 Tim. 2:25

eno pa mujochekemi lau shikithetsu kelo agholauno shimasae. Ishiake Alhou no tipaqo pelo amlo xaidelupeno kuchou ithi peluvi.

Titus 3:2

Timi xishikevi, mutomushuyi kiyikevi, ikemu timi kumtsu lau iquneyi shipuzu akumtshakughuvu shilo pilo.

James 1:21

Tighenguno aphi kumqhupu eno kusakugha suqesuli kumtsu pevelo eno akuchuniu shipuzu khikhi nongu xakulupu tsa Alhou no nongu lolo xusu puatsuakeno tipau ikhilulo.

1 Peter 1:23

Nonguye tsu-mauve nikeu piti lono kumoe ikemu tsu-mamlakeu piti, akuxupu eno pulhapuju ache nikeu Alhou tsa vechewo nonguye akitheshi punuvae.

1 Peter 3:15

Ikemu nongu mlolo Khristo sukumsa qhilo eno paye Ampeu kepi gihulo. Nongu lolo lajupu akeu lhepiyelopi khualano nongu vilo iniju aye tipau khochile kepushi pulhapuju kutokupuyi pesu alo, tishimu akumtsha lono eno Alhou sumsakeu nongu mlolo xapughi tishilo.

SAMUEL ATUGHIU 16:7

Ikemu AMPEU no pa vilo pi, “Pano kishi qhemghai eno ajukivi shi aghinamu tiye jukevilo. Niye pa milivae, kughengu niye timino kughathabe ketoi kughathabe chemoe. Timiye ashou jukivi phucheni, ikemu niye timi mlo likhi jucheni.”