1 Peter 3:22 - BAIBEL (BSI)

²² Paye kungughalo wuvae eno Alhou u-ajeu ani eno kungumi kumtsu eno kungughalo ayehkipe jeli eno akuka jeli kumtsu pa qholo anike.

Sümi Tiqhelimi Bible

²² Jisü Khristo ye kungugha lo wuvea eno Alhou u ajeu küdau iqa ani. Eno kungumi, kükagha eno akükaqo no pa qhoqhü ghi anie.

Sumi Naga CL (Re-edited) Bible (BSI)

²² Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

1 Peter 3:22 ပူးပေါင်းရင်းမြစ်များ

LESHELE 110:1

AMPEU no impeu akukau vilo pi, “Iu ajeu hile iqalo ino aghumiqo pesu opukhu qholo qhitsumoke kuto.”

MATTHEW 22:44

‘Ampeu no iMpeu vilo ishipi: Ino oghumi pesu opukhu qholo qhitsumoke kutolo, i-u ajeu iqalo.’

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

Mark 12:36

Aghungu Kimthe no David pelo pilupekeu vechewo pano ishi pipuanie. ‘Ampeu no iMpeu vilo pi, Ino oghumi pesu opukhu qholo qhitsumoke kutolo,i-u ajeu iqalo’

Mark 16:19

Ike Ampeu Jisu no panoqo putsatave kethiu, paye kungugha lo sakuve, eno Alhou-u ajeu iqave.

Luke 20:42

Kughengu David ampi no Leshele kakulo pikeuno: ‘Ampeu no iMpeu vilo pi: I-u ajeu kudau iqalo,

John 13:32

Pa vechewo Alhou jekipipu pephepiye aye, tishiaye Alhou ghi Timi Nu jekipipu pa ampino pephepiye nanike, eno paikhavino pa je pipive nani.

Apostolmi 1:11

Pamano ishi pi; “O Galilmiqo, nonguye kushiye puthughono atsutsu kudau jupuku ania? Hi Jisu khuu nongu launo kungughalo saiku keno, pano kungughalo wukeu nonguno ithuluvekeu toi paye tipaphi shighi ide ighi nani.”

Apostolmi 3:21

Alhou no puzuuno pawu tungkupmi pelo azunathaghi pipuakeu toi, thwokha shikithe chilemoke kuto paye kungughalo aghimasae.

Rommi 8:34

Khualano panoqo ghushokulupu kesha? Jisu Khristo thivekeu huno keo? Tikekumono, paye akithi lono xaputhuve puzu Alhou u-ajeu ngono ningu ghenguno qhuinijutsu ani.

Rommi 8:38

Kughengu ino mtsuqheyi ithi keuno kiu nomu pa kikimiye lono ningu kughuxa mlae, akithi na, akuxu na, kungumi na, atsutsulo ayehpemi na, itehi thwokha akeu na thwokha ighinikeu shiaghina, momu akuka jeli na,

1 Kor. 15:24

Khristo no ayehkipe jeli, akuka pepimhekeu jeli, akuka jeli kumtsu shipuhaveno akukaqha pesu Apu Alhou lau tsuve kethino ashekha tsala ighi nani.

Kolosiami 3:1

Nonguye Khristo gholono xuputhu puaghi aye, khilehi Khristo no Alhou u-ajeu akuka lakhulo iqa anikeno, ti kungughalo akeqo thime shou nongu mlo belo.

IBRIMI 1:13

Ikemu Alhou ye pawu kungumi lakhi vilomu ishi pipuamoe: “Ino oghumiqo pesu opukhuno nepuku kepu shitsumphi kutolo, Hile i-u ajeu iqalo.”

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

IBRIMI 1:6

Ikemu kughou Alhou no pa Nu anoghiu ayeghiqhalo puwuniye akeno, pano highi ishi pipuani, “Alhou wu kungumi kumtsuno pa mllalo.”

IBRIMI 10:12

Ikemu Khristo no axine ghenguno ghuthu lakhi aghashivekeu huye alhokupuju ghengunoke, eno tishive puzu pano Alhou u-ajeu iqave.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

IBRIMI 4:14

Tishiaye ninguno pikiphe shichekeu kupulu hu mutotoi tsuqupe ani nolo, kughengu ningu chinetou kije lakhi ani, Alhou Nu Jisu ke, paye kungughalo wuvae.

IBRIMI 6:20

Jisu no nizuuno nizuqhushi tilehi ilovae. Pano Melkhizedek no shikeu ghola lono alhokupuju ghenguno achinetou shiluvae.

IBRIMI 8:1

Ti pi ighivekeulo atsa akhoto huye hike: ninguye achinetou hukithipu anie, kungughalo Akughushuu kuka lakhu ajeu iqa chekeuke;

IBRIMI 9:24

Kughengu Khristo ye timino shipeqhikeu Kimthe-alo iloke kumoe, Akimthe-A tiye kuchou kimihi shianamu, ikemu paye kungugha-alo iloke, itehi paye tilehi Alhou zulo ningu zuqhushi ngotsuani.