1 Peter 3:21 - BAIBEL (BSI)

²¹ Tipau michipu shighi baptiz shiche keu huno itehiye nongu xalu cheni. Hiye aphilo axine lhoksa akeu qhuvekeu kumoe, ikemu kiviksa lokutsu akiviu shiluke launo Alhou lau ashoqhi shikeuke, tiye Jisu Khristo xuchileputhuve keu vechewonoke.

Sümi Tiqhelimi Bible

²¹ eno azü hipau ye baptiz khikhi itehi nongu xalu ani keno tipau michi ke—tiye nongu phimpi lo axiné akeu shikimtheve keu kumoe ikemu Alhou lau mütsümishei keu alolo kighithi aní keu shoqhi ke. Hino Jisü Khristo’w xüleputhu vechewo nongu xalu cheni ke,

Sumi Naga CL (Re-edited) Bible (BSI)

²¹ Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

1 Peter 3:21 ပူးပေါင်းရင်းမြစ်များ

ZEKHARIA 13:1

“Tipa tsalalo David polo kughukomi ngo Jerusalem lo kughuna akemi axine ngo ajulho mllakeu qhukimtheve tsunike ghenguno azupuki lakhi khaqhitsu nani,” ipi Aqokitikhi MPEU no pike.

MATTHEW 28:19

Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

Mark 16:16

Khunoqono pulu puzu baptiz shilu nikeno xalu nani, ikemu khunono pulumo nikeno peve nani.

John 13:9

Simon Pitor no khochile, “Ampeu, tishiaye ipukhu likhi kumono i- u ngo ikutsu ghi qhutsulo!”

Apostolmi 16:33

Putho tipa tuqhudo lono pano pama sawo pama philo azaku qhuvetsuno mtazu pano pa kibolomi kumtsu sasu baptiz shiluve.

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Apostolmi 22:16

Ike noye kiu khe ani kya? Ithu puzu paje lono baptiz shiluveno oxineqo qhuvelo.’

Apostolmi 8:36

Panonguno chesusu iqichekelo azu akeu-alo ighi, ike khashishivekemi huno pi, “Julo, azu hi ani. Baptiz shiluve nikeulo kiualano ilakha kepu ani kesha?” [

Apostolmi 8:37

Filip no pa vilo pi, “Omlo kuchopu pe pulu aghiaye noye baptiz shilu nani.” Timi huno pi, “Jisu Khristo ye Alhou Nu kepi ino pulu ani.”]

Rommi 5:14

Ikeghi Adam ghuloki lono Muse ghuloki kutolo akithino timi kumtsu shou qhasupe ae. Adam no Alhou hebidekeu xine paphishi axine shimokemi shou ghi qhasue. Adam ye athiu milakhi ighiniye akeu kumlhoke.

1 Kor. 12:13

Tikithipu lono ningu Judami na, Judakumomi na, aquaxemi na, kutami qholo ngomokemi pimu kumtsu Aghungu lakhino aphimpi lakhilo baptiz shike eno ningu kumtsu pelo tipau Ghungu yelu peke.

1 Kor. 4:6

Athikuzumiqo nongu pelo ala shilupenike ghenguno niye hi pivekeutsa kumtsu pesu Apollo ikujo launo kichepiyeve ani. Titoi shikeu lono, “Yepuakeu akivishi jukutolo” ipikeu kiqi nongu pelo ithi peniyeke. Nongu gholo khunomu milakhi jupesu qhezano kutami lakhiu phimove kepu kumoe.

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

2 Kor. 7:1

Nikusamiqo, piqhipuakeu hipaqo ye nisala ghenguno aphiashi eno angu gha kitiqeve mono thwokhalo akimthe kupukulu shinike Alhou sukumsa lono xuni nolo.

Galatiami 3:27

Kughengu nongu khijehino Khristo sasu kuqha pekeulo baptiz shiveakeno Khristo kuxu pepuvae.

Ephesiami 5:26

Khristo no hipau shikeuye pa tsa pesu azu toi akukuhou qhuve puzu akimthe shipesu Alhou lau tsuniyeke,

Kolosiami 2:12

Kughou nongu baptiz shitsu keno nonguye Khristo gholo qhoveke, eno baptiz shitsukelo nongu ghi Khristo gholono peputhuvae, tiye Alhou no akithi lono Khristo xuputhuvekeu kukano mla akeulo nonguno akupulu akeu lonoke.

1 Tim. 1:5

Ahza hipau tsukeu kimijiye amlo kithe ngo tsughukhuyi keu lokumsu ngo mutsumishei keu kupulu launo ipeghi chekeu kikimiye hu haputhu tsuniyeke.

1 Tim. 6:12

Akupulu ghushi akivishi shilo, eno lhokta kuxu phekevino tsuqululo. Thopimi kutomo kua lono nono piphe keu vechewo Alhou no okulu keulo tsaqui mutululo.

IBRIMI 10:22

ninguno amlo-pu puzu mutsuqheyi keu kupulu shino alhoksa-lotsuh launo ningu mlo shikimtheve eno azu kimthe pesu ningu phi-ashi qhuveno Alhou lau kupununi nolo.

IBRIMI 11:19

Alhou ye akithi lono Isak xuputhuve kepu kuka anikepi Abraham no kiqiluve, eno kimighijuniaye, Abraham ye akithi lono Isak ithuluchile ke.

IBRIMI 13:18

Nighenguno inikhutsu alo, Nimlolo kiumu susushikeu kuhakepi ninguno mutsuqheyi shilu ani, kughengu ado kumtsulo kiuno achipi keno tipau shinishiqhiyi achenike.

IBRIMI 9:14

Khristo jihye tinguno shishe alau shilupe puanike. Pano lhokta Ghungu vechewo tukutiye kuhamithe ghi Alhou lau pa likhi pa pephe tsuvekeu pa jih huye avehupu kuhamithe keu kumla lono ningu mlo lotsuh shikimthe pesu akuxupu Lhou qelupeniyeke.

IBRIMI 9:24

Kughengu Khristo ye timino shipeqhikeu Kimthe-alo iloke kumoe, Akimthe-A tiye kuchou kimihi shianamu, ikemu paye kungugha-alo iloke, itehi paye tilehi Alhou zulo ningu zuqhushi ngotsuani.

1 Peter 1:3

Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,

1 Peter 3:16

Nongu wu kiviksa lokutsu hu mutsumisheyi shipe pualo tishianguno kutamino nongu ghusho keulo, nonguno Khristo papemike ghenguno khunono nowu ghushoghili kivi hu pipusa nikeno pano tsapino panoqo shikukujove nani.