1 Peter 3:20 - BAIBEL (BSI)

²⁰ Aghahwu hipaqoye puzuu Noha no ashukaki shiake ghulokilo Alhou no kutuu ghi khekeu panonguno agholumove kemiqoke. Timi aghulo likhi, panoqo kumtsu kelo mitache likhi azu lono xaluke.

Sümi Tiqhelimi Bible

²⁰ tiye khaghi Noah ghuloki lo ashuka mülà akelo Alhou no kutuukulu shi khe akelo agholumove kemiqo ke. Ashuka tipau lo timi aghulo, aqó lo pano tache, likhi azü lono xalu ke,

Sumi Naga CL (Re-edited) Bible (BSI)

²⁰ kughengu panoqo ye khaghi Noah no ashuka mlache kelo Alhou no kutuu kheche keu gholu move kemie. Ashekha lo ashukaki tipau vecheo azü lono xalu kemi ye aghulo, pano tache likhie.

1 Peter 3:20 ပူးပေါင်းရင်းမြစ်များ

BOTHUBO 6:13

Ike Alhou no ishi Noha vilo pi, “Timi lhoxu kumtsu ghavenikeu izulo auvae kughengu panongu vechewo ayeghilo hekiqhi bukiqhi chhitoivae, Julo, ino panongu ayeghi lono kutsaveniae.

BOTHUBO 6:3

Tileno AMPEU no pi, “Inguaghaye timi lolo pulhapuju apemo nani, kughengu paye puhave kepu lhoxuke. Hinguno hilau panonguye ampe 120 nguno alau xupemoe.”

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

BOTHUBO 6:8

Ikemu AMPEU no Noha ye kupuqhiyi ithulue.

BOTHUBO 7:13

Tipa tsalanino Noha no panipu eno panu hipano kuthu Shem, Ham, Jafet eno panongu nipuqo ishi sasu pa gholono ashukakilo ilove.

BOTHUBO 8:1

Alhou no ashukakilo Noha ngo tughashi tikishi eno lhoxu kumtsu kumsu chilelue. Pano ayeghi shou amlhu mulhuwu pe eno azuno isuilo kithe thuve.

BOTHUBO 8:18

Ikehu Noha no ashukaki lono pa nipu ngo, pa nuliqo eno panongu nipuqo sasu ipeghive.

ISAIAH 30:18

Ikeghi AMPEU ye nongu kimiyenike kheanike. Paye nongu shou amlo ighiqhiyinike kutope ani kughengu paye pulhapujulo kiuno achipi keno tipau shi achenike. Khunono AMPEU shou pukhube cheni keno tipanoye alokivipuke.

MATTHEW 7:14

Ikemu aliwo kibikhoyikeu eno ala sholokutu keuno akuxupulo sawu cheni eno timi aghulono tipala phulu cheni.

Luke 12:32

“Nongu amsa loji! Musakevilo Ayehkipeqha pesu nongu tsu nikeu nongu paPuh mlo kiqie.

Apostolmi 2:41

Ike khunoqono pa tsa ikhilu keno tipaqo baptiz shitsu eno tipani timi 3000 kutolo panongu gholo kihikusumi shiluve.

Rommi 9:22

Tihutoi, Alhou no pa loghu pephepiye nishi kehu eno pa kuka kumto ithipeniye ali khipaqo shou pa loghu pepheno kutsaveniye kutopuani keno tipaqo lau kutuo kutuu ghi kheakulu shi cheni.

Ephesiami 5:26

Khristo no hipau shikeuye pa tsa pesu azu toi akukuhou qhuve puzu akimthe shipesu Alhou lau tsuniyeke,

IBRIMI 11:7

Akupulu lono Noha ye ighinikeulo kiushini chekeno pano ithumlano akemu Alhou no pa kutughukeu chilu puzu aghokulushi ashukaki lakhi shipeqhi eno pa ngo pa kibolomiqo xakulupu shilue. Hipau lono pano ayeghiqhami kuchopu akipimi shivetsu eno akupulu vechewo amikucho shiluche keu mheghi ithulukemi shilue.

1 Peter 1:22

Itehiye nonguno kuchou lau aghokulu shino nongu kuxu shikimthevae eno kupulumi akusamiqo mutsuqheyino kimiyekeu anie, tishiaye nonguno amlo tsuqhiyi shino lakhino lakhi kimiyekilelo.

1 Peter 1:9

kughengu nongu kupulu kimijiye nongu ngulho xakulupu shilunike.

1 Peter 2:25

Nonguye bheri ala puhavekeqo toike, ikemu itehiye nongu ngulho Kheu eno nongu Pighiu papelu penike nongu sachile saghivae.

1 Peter 3:19

eno pano angu-aghapu kuxulo akelo paye aghahwuqo khije akughushipe akeno tipaqo lau wupuzu asheshue.

1 Peter 4:19

Tighenguno khunoqono Alhou pulou lono aghime sholuni keno achipiu mlalo eno panongu kuxu pesu Lhokusuu lau pichebeve pelo.

2 Peter 2:5

Alhou ye mulho yeghiqha ghi qhimoveke ikemu Alhou phimokemi yeghiqha shou azuno yimve keu puwuke. Achipiu tsa pesu pichekeu Noha eno pa gholo mitsuni ishi likhi Alhou no xaluke.

2 Peter 3:15

Alhou no alokutsu pa tsukeu kiqi lono nino kimiyekile chekeu nithikuzuu Paul no nongu lau yesu tsupuwu keu toi niMpeu no kutuu tsu akeu huye nongu pelo xaluve peniye adokivi tsuani kepi kihiluvelo.