1 Peter 2:18 - BAIBEL (BSI)

¹⁸ Aqemiqo, nonguye nongu mipemiqo qhoqhu masae eno gihukuzupu kumtsu pesu tsumasae, tiye ivunheyi eno akumtshami lau likhi kumono mughachhoikemi lau ghi tishimasae.

Sümi Tiqhelimi Bible

¹⁸ Aqüaxemiqo, Alhou sümsa keu gigihu lono nongu likhi nongu pesü nongu mpemiqo lau ikhiphe pe tsülo, tiye khunoqo akivimi eno akümtshami keno panongu lau likhi kumoe ikemu khunoqo no müghachhoi keno panongu lau ghí tishilo.

Sumi Naga CL (Re-edited) Bible (BSI)

¹⁸ Aqemiqo, nongu mpemi, kivimi eno akümtshami lau likhi kumono ayiküsami lau ghi, sükümsa shi qhoqhülo.

1 Peter 2:18 ပူးပေါင်းရင်းမြစ်များ

LESHELE 101:4

Niye amikuchokumo shimo nani, eno alhoksa sasu kutshukimekeu shimo nani.

AHOLE 10:32

Amikuchomiye kiu pikepu keno ithi ani ikemu kixikilamiye pulhapuju ghuzakepu tsapi picheni.

AHOLE 11:20

AMPEU ye akukumsu lhoksami mithi cheni ikemu achipiu shichekemi kimiye cheni.

AHOLE 3:32

kughengu alhoksa shiche kemiye AMPEU no mithi cheni ikemu akumzumi ye pano pulube acheni.

AHOLE 8:13

AMPEU gihu aniaye tiye alhoksa mithivekeuke; niye aqhekuza ngo akulaki, eno alhoksa-la ngo akimki tsapi mithi cheni.

2 Kor. 10:1

Khristo kumtsha akughuvu pesu ni Paul ampino nongu qhuyiniju ani. Kughou nongu sasu kinheqhe kusholuni keno niye ivunheyi cheni ikemu kughono nongu launo putosuveni keno niye mghachhoyi cheni ipichekeu hu ni Paul ke.

Galatiami 5:22

Ikemu Aghungu xathiye Alhou launo ighikeu kikimiye, alokiqi, alokivi, kheakulu, alokeu, akivi, pichebekulu,

Titus 3:2

Timi xishikevi, mutomushuyi kiyikevi, ikemu timi kumtsu lau iquneyi shipuzu akumtshakughuvu shilo pilo.

James 3:17

Ikemu kunguuno ighikeuye mithemitheyi keuno atughiu. Hiye alakishi, iqunei keu, ikhilukile keu, akipimi pevekutsuno chhitoi eno alothi akivi pithi cheni; hiye agijukeu momu kuhakugha kuhae.