1 Peter 2:12 - BAIBEL (BSI)

¹² Alhou mthakemi gholo ghushoghili akivi shilo, tishianguno panonguno nongu vilo kusakugha kumlami kepi nguku aghinamu pano ighike Tsalalo panonguno nongu kumla kivi ithulu puzu Alhou akishe tsupe nike.

Sümi Tiqhelimi Bible

¹² Jewkumomiqo gholo akivishi xülo. Panongu no nongu ye achipikumo kümlà shi ani kepi nguku aghí namu Alhou no ningu xuju ighi keu tsalà lo panongu pelo nongu kümlà kivi ithulu no ajuküvü pesü Alhou tsü pelo.

Sumi Naga CL (Re-edited) Bible (BSI)

¹² Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

1 Peter 2:12 ပူးပေါင်းရင်းမြစ်များ

LESHELE 37:14

Kixikilamino kumlhomi ngo aquaghami pithiveniye, eno achipiu shichekemi ghiqhiniye pano azutakihi sujo cheni eno asuzu susu cheni;

LESHELE 50:23

“Timi khuno pawu shikimthikeu pesu akumllagho shighi sughinikeno paye igihu anike, eno igholu kemi kumtsu lau ino kuchouno xaluve nani.”

ISAIAH 10:3

Alhou no kughou nongu ghimeqhini keno nonguye kishive nani kya? Pano putou ghakhumi pelo nongu shou kutsakungo keu sughikelo nonguye kishive nani kya? Akukuphu phunike nonguye khilehi powu nani kya? Nongu wu kinikuluye khile kusulu nani kya?

DANIEL 6:4

Tileno kutami jukutsu akemi eno ahngqo kuqhano Danel yehkipelo akipimi phu nikeu pukaputsaju kemu akipimi kiumu phumlave, kughengu Danel no amikucho akikhi timi kehu eno pulube kulupu kehu.

MATTHEW 10:25

Kiphimi huye pawu shikukau paphi shilukeuye lumkhae eno aquaxemino pa mipeu paphi shilu keuye lukumkhae. Tsala timino akibo lakhi mipeu vilo thotsu Belzebul ku tsu aye, tinguno alau aje kusa nongu tsu nani!

MATTHEW 5:11

“Ighenguno timino nongu thaigha eno nongu shikimighi eno akimiki lono alhoksa jeli kumtsu pesu nongu shou pini shini keno, nonguye akumgha pue.

MATTHEW 5:16

Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

MATTHEW 9:8

Timiqono ti ithulu kelo panonguye msave eno Alhou no hitoi keu kuka timi tsukeu ghenguno Alhou sheqhetsue.

Luke 1:68

“Ningu Israil Lhou Ampeu sheni nolo!

Luke 19:44

Panonguno okutsave nani, no eno oti onuli obocho alou akemi kumtsu; eno panonguno atu lakhimu puzuu alo qhipemove nani, kughengu Alhou no oxaluni ke ighikeu ghuloki nono mthaveke!”

Luke 6:22

“Kughou timino Timi Nu ghenguno nongu mithi, nongu leve, nongu thaighani eno kusakughami kepi nongu jeku nikeno, nongu kumghae.

John 13:31

Judas no wuve kethiu Jisu no pi, “Itehiye Timi Nu jekipipu, pephepiye anie; itehiye Alhou jekipipu pa vechewo pephepiye ani.

Apostolmi 15:14

Simon no kishekulu piveano inahuno Alhou no Judakumomi tuchoheju achekeuno panongu gholono timi mqo lakhi paje ghenguno ikhiphelu niyeke.

Apostolmi 24:13

Panonguno ishou ngukube akeu lakhimu ovilo tikepi thebei shi pimla nani.

Apostolmi 25:7

Kughou Paul no ighi keno, Jerusalem lono Judami iqighi keqono pa suhope puthugholuve eno pa shou shishe ngukukeu kutomo pithuve, ikemu panonguye tike-hike pi chixechileyi pikulupu kiumu kuhake.

Apostolmi 28:22

Ikemu okukumsuye kiutoi kela olauno ninguno chilunishi ani, kughengu ninguno ithi akeuno hi nono pichekeu mqo huye aqha kumtsulo timino pipusa acheni.”

Rommi 12:17

Khualano oshou alhoksa mla aye, alhoksa pesu pa tsuchilekevilo. Timi kumtsuno kiu pesu akivi kepi cheni keno tipau shinikeu pukaputsalo.

Rommi 13:13

Atsala kuvulo akemi toi ningu ghusho-ghililo kithikiyi shini nolo. Ningu itho-igho moni, shokumzu shimoni, shupu moni, akupusho- akupugha shimoni, kichighimoni momu anheshu moni.

Rommi 14:18

Khunono hipau ghola lono Khristo qenikeno Alhou no ikhi kulupu eno timi lopu shi ani.

Rommi 15:9

Judakumomi ghi Alhou no qhuivulayi keulo pa sheqhepeniyeke. Kuchoyesulo ishi yepuakeu toi: “Tighenguno Judakumomi gholo ino shikimthikeu otsuniyeke, ino oje shipilini.”

1 Kor. 14:25

eno pa mlolo tuqho tughou akeu lhapheve nani, eno pa gi pishiqhope Alhou mllano ishi piphe nani, “Kuchouno Alhou ye nongu gholo anie!”

2 Kor. 1:12

Ningu kijivilo chekeuye hike; nilolo kivikusa lokumsuno ashepe nitsu akeuno ayeghi hipaulo nikuxuye Alhou launo ighikeu kimthe eno musumulai xuchekeu ayeghilo suqekighithi lono kumoe ikemu Alhou wu kupukini pesu xucheke, eno tiye akhotono nongu lau tishi kutshupe xucheke.

2 Kor. 13:7

Nonguye akumou shipemo nike ghenguno nino Alhou vilo inikhu ani, ninguye pejukeulo toluvea kepi piyenike ghenguno kumoe, ninguye tomovekemi hutoi shi aghie pinamu kiuno achipi keno tipau nongu pelo shipeniyeke.

2 Kor. 8:21

Kughengu ningu kimijiye, Alhou zulo likhi kumono timi zulo ghi kiuno achipiu keno tipau shinikeu shi ani.

Ephesiami 2:3

Ghuthu lakhiye ningu kumtsu timi tipaqo toi ningu shi-aji pulouno minheqhikeu xapusu xucheke eno ningu phimpi akukumsuno minechekeu papecheke, ikehu timi kutamiqo toi ninguye alhoaye lono Alhou loghu sholukemi shicheke.

Ephesiami 4:22

Tighenguno nonguye puzuu kuxu ghola pishikiqhi eno shikupsa lhoayeh aqau qhivelo.

FILIPIAMI 1:27

Akhotono nongu kuxu gholalo Khristo tsakiviu ghenguno kiu akuzupu keno tipau shilo, tishianguno ino ighino nongu sasu kusholuna kushomla namu, nonguye amlo lakhi shipe puthugho akeu, eno atsakiviu kupulu ghenguno akukumsu lakhi shino pukaputsa akeu ipelo chilupelo.

FILIPIAMI 4:8

Athikuzumiqo, ashekhashi kiuno kuchou, kiuno gihukuzupu, kiuno achipiu, kiuno mutsumisheyi, kiuno alokepu, kiuno kupukinipu keno akivipu eno shekepushi aghiaye tipaqo thime shou kumsupuku alo.

1 Thes. 4:12

Tishianguno pululumono akemino nongu gihu lupenike eno khuu shoumu pukhubepe xumo nani.

1 Tim. 2:2

kukami ngo ayehkipemi ghenguno inikhu tsulo, tishianguno thwokha lalo Alhou lau amlo tsuqhiyi eno kithikiyikeu ghola lono ningu pelo iquneikeu eno alokughuno kuxu xulupenike.

1 Tim. 4:12

Timi khuu pelomu noye lhothemi kepi ojukunatha pekevilo, ikemu atsapilo, ghushoghililo, kikimiye piyekeulo, akupululo eno mutsumishei keu kuxulo xulo.

1 Tim. 5:10

eno akumla kivi shichekeu ghenguno ajepipi cheghikemi, atianuli akivishi saputhu puaghikemi, inami sasukinimi, Alhou qemi pukhu qhutsuchekemi, shilukusami kuphu chekemi eno thwokhalo akumla kivi shichekemi shiaghi masae.

IBRIMI 13:18

Nighenguno inikhutsu alo, Nimlolo kiumu susushikeu kuhakepi ninguno mutsuqheyi shilu ani, kughengu ado kumtsulo kiuno achipi keno tipau shinishiqhiyi achenike.

IBRIMI 13:5

Pisa kimine lono okuxu putosuluvelo eno nono aghikeulo ogakiqishilo. Kughengu Alhou no ishi pipuani, “Niye khilemu oqhivemo nani, niye khilemu ophevemo nani.”

James 3:13

Nongu gholo alokutsumi eno ithikututa shilukemi ani kesha? Timi tipauye pa kuxu akivishi xukeu vechewo mtsha-ivukeu lokutsu lono pa kumla pephepiyelo.

1 Peter 2:15

Kughengu nonguno achipiu shikeu huno mbomzumi yekumtha hasuve penikeuno Alhou pulouke.

1 Peter 3:16

Nongu wu kiviksa lokutsu hu mutsumisheyi shipe pualo tishianguno kutamino nongu ghusho keulo, nonguno Khristo papemike ghenguno khunono nowu ghushoghili kivi hu pipusa nikeno pano tsapino panoqo shikukujove nani.

1 Peter 4:11

Khunono asheshu cheni keno paye Alhou tsa pesu asheshulo, khunono kutami qe cheni keno paye Alhou no tsukeu kumto pesu qelo, tishianguno thwokhalo Jisu Khristo vechewo Alhou kimthe jekipipu shilupenike. Alhokupuju lono alhokupuju kutolo akimthe jukuvu eno ayehkipeqhaye pawuke. Amen.

2 Peter 3:11

Tishiaye hipaqo thime kumtsu hitoi shipuzu puhave nikeu shiani aye, nonguye kiutoikemi shikepu keno ithilo.

RUTH 3:14

Ike liye inaqhe kuto zu apuzu timi khumu li ithumla aphi lono ithuve. Kughengu Boaz no li vilo pi, “Timi khuu pelomu noye hile ighiepi ithi pe kevilo.”