1 Peter 1:4 - BAIBEL (BSI)

⁴ eno puhavemla keu, shipusamla keu, thibuyimo keu mheghi nongu ghenguno kungughalo qhipuanike.

Sümi Tiqhelimi Bible

⁴ eno khilemu tsümavemo, shikuchubevemo momu kühavemo nikeu mheghi lakhi pe ningu tsüke. Amheghi hipau ye nongu ghenguno kungugha lo qhipüani ke,

Sumi Naga CL (Re-edited) Bible (BSI)

⁴ kungugha lo shipüsa kümlapu, shipixi kümlapu, eno hauvemo kepu mheghi akeu lo nongu saje ithulupe ke,

1 Peter 1:4 ပူးပေါင်းရင်းမြစ်များ

LESHELE 31:19

Osumsa chekemi ghenguno thime kivi nono kikepuakeu huye kiutoi akumzapu kya? Opelo susholupekemi ghenguye nono akivipu shitsukeu timiqo gizulo ithulupe cheni.

LESHELE 47:4

Pano nino akeu yeghi nimheghipu shitsu, pawu timi pano kimiye chekeqo kijivilepu mheghike.

ISAIAH 66:22

“Ayeghi kithe eno kungugha akitheye ikukano puqhe ake toi, nolaghami eno nongu jeye haumono acheuve nani.

EZEKEL 47:12

Aghokiti muku hula hilaulo asubo jeli kumtsu achuqupu shitsu nike thuipeghi nani. Tipaqo nipaye khilemu ighuivemo nani eno tipaqoye khilemu axathi pithi tamo nani. Tipaqoye aqhi atsu-tsu axathi kuxu pithi anani, kughengu tipaqoye Achineki lono qoipeghikeu zuno putsu ananike. Asuboqono achuqupu shilupe nani eno tipaqo nipaye timiqo shipivi nikeulo peithalu anani.”

MATTHEW 25:34

Tileno Akukauno pa-u ajeu akeqo vilo ishi pi nani, ‘Nongu ipuhno kumghatsukeqo, ighilo! Ayeghiqha lhophe kelono nongu ghenguno kutope puakeu yehkipeqha pe nongu mheghishi lulo.

Mark 10:17

Jisu no itaghi izuwuniye che kelauye, timi lakhi poiqhoghi puzu pa zulo qhoqhunhepeno pa vilo ishi iniju, “Kutsuchekeu akiviu, niye lhokta kuxu ithulu nike ghenguno kiu shimasa kya?”

Apostolmi 20:32

“Itehiye Alhou no nongu hiju penikeulo eno pawu kupukini tsape shikeulo nongu pesu ino kulhuqhi anie. Pa tsape shikeu huno nongu xaqhelu nani eno paw shiluvekemiqo gholo nongu mheghi ighilu penani.

Apostolmi 26:18

Noye panongu nhethi xukhotsu masa eno akuzu lono akuvulo panongu saghilo. Satan kuka lono Alhou lau saghilo, tishianguno panonguno ipulubekeu vechewo panongu xine pevetsu nani eno shikimtheluvemiqo gholo panongu-a phulu nani.”

Rommi 8:17

Ninguye pa nuli aye pano pawu timiqo ghenguno amheghi puakeu ninguno ighilu nani, eno Khristo sasu ningu ghi amheghi ighikemi shinia. Kughengu ninguno Khristo ghichhe ghimelo kusaje aye, ningu ghi pa kimthe jukuvulo kusaje nani.

1 Kor. 9:25

Pepushumo nikeu kutsukuqho ithulu nike thotsu kuxukelo ilokemi lakhi khino thwokhalo alikhi ampi kusuqhiluve cheni aye ninguno tishi shiakeuye shipusamlakeu saxu ithulu niyeke.

Galatiami 3:18

Kughengu Alhou no tsukeu mheghi Ayezah shou bepe aghi kenapiaye tiye ashoqhi shou bepe amovae, ikemu tipauye Alhou no ashoqhi shipesu Abraham tsukeuke.

Ephesiami 1:11

Kughengu thwokha Alhou kukughu eno pano kughathape puakeu kiqi lono shicheni; pano mijipe puakeu ghenguno abothu lono kughathavekeu shou bepe puzu Khristo gholono pawu timi shipenike ningu kishelu.

Ephesiami 1:14

Alhou launo ningu mheghi kumtsu ighilumoke kutolo tipau ithulu nani putsa ipikeu michipushi hipau tsupuanike. Ningu pa kimthe jekipi sheqheni nolo.

Ephesiami 1:18

Ino inikhu achekeuno nongu kukumsu yepuvutsu puzu kiu lajupulo pano nongu kulukeno tipau ithipeniyeke, Alhou timiqo gholo akimthe jukuvu mheghi kinikulushi akeu ithipeniyeke,

Kolosiami 1:12

Eno alokivishi Apu shikimthi alo, pa kuvu kukaqhalo pawu timiqo ghenguno amheghi iyighilupe nike pano nongu pelo akuzupu shilupeke.

Kolosiami 1:5

tiye laju apenike ghenguno kungughalo kikepesu anike. Hipau lajupuye atsakiviu sutsa kuchou nongu lau ighi tughi lono nonguno chiluvae.

Kolosiami 3:24

Ampeu launo osaxu shighi nono amheghi ithulu nani kepi kumsululo. Kughengu nono qeakeu Ampeu kuchouye Khristo ke.

2 Tim. 4:8

Hinguno hilauye ighenguno tokulu saxu amikucho kutsukuqho ani, tiye achipi lono xathakutsuu Ampeu no tipa Tsala lono itsunikeushi anike, eno ilikhi kumoe ikemu pa ikighi kimiye chekeqo ghi tipau tsu nanike.

IBRIMI 10:34

Nonguno akughumi sasu imekuqhae eno kughono nongu wu tinhemgha kumtsu sukisheluvetsu keno nongu mlo hauvemono kutuuluveke, kughengu nonguye kuakini akiviu khikhino alhokupuju ache nani keno tipau achephikepi nonguno ithi akehue.

IBRIMI 9:15

Highenguno Khristo no Puloshoqhi Akitheu pekime kutsuuke, tishianguno Alhou no kuluvekemi pelo lhokta mheghi piqhipuakeu ithulupe niyeke, kughengu akithi lakhi thipe puakeu huno timino puloshoqhi atughiu qholo akelo pimipuakeu launo panongu xachile phelu anike.

James 1:11

Tsukinhe kulu-kushuno ipeghi puzu atsuni phuqhi cheni; tipau kupu ighiqive cheni eno tipau jukivi hauve cheni. Tihutoi kinimiye pa kumla puzucheke lono hauve nani.

1 Peter 3:9

Alhoksa pesu alhoksa lochile kevilo momu ghushokeu pesu ghushokeu lochile kevilo; ikemu tishinike zuqhulo kumghakeu pesu lochilelo, kughengu hikithipulo nongu kuluvekeuye nongu pelo Alhou launo kukumgha ithulupe niyeke.

1 Peter 5:4

Kughou Akheu atou ipeghini keno nonguye khilemu ajuidimokeu ajekipipu kutsukuqho ithulu nani.

Piyeküsü 21:27

Ikemu kiukiumu alhoksano kitiqevekeu thaqhuye aphughi tipaulo ilomla, momu khunono akukujopu kumla shi cheni eno miki cheni keno tilehi ilomla nani. Timi khunoqo je Bheriti wu akuxupu kakulo yepe puaghini keno tipaqo likhino aphughi tipaulo ilolu nani.