1 Peter 1:3 - BAIBEL (BSI)

³ Ningu Mpeu Jisu Khristo paPu Alhou shikimthilo! Kughengu pano kimiyeqhiyi kehu akithi lono Jisu Khristo xuchile puthu vekeu vechewo ninguye xuakeu lajupulo akuxu kithe shiluvae,

Sümi Tiqhelimi Bible

³ Sheqhe keu pesü Alhou eno ningu Mpeu Jisü Khristo Papù tsü ani! Paw kikimiye kijè lono pa no akithí lono Jisü Khristo xüleputhuve keu vechewo ningu pelo xü akeu lajupu lo punú kitheluve

Sumi Naga CL (Re-edited) Bible (BSI)

³ Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

1 Peter 1:3 ပူးပေါင်းရင်းမြစ်များ

KUKAMI ATUGHIU 8:15

Pano pi, “Israil Lhou AMPEU sheqhelo! Pano ipu David lau tushoqhikeu shipua, pano pa vilo hitoi pi,

YEKIKITHI ATUGHIU 29:20

Tishino David no timiqo ahza tsue, “AMPEU shelo nongu Lhou!” Kuho kumqo akemi kumtsuno panongu puasu Lhou, AMPEU she eno panonguno itsaqino AMPEU agigihu tsu eno akukau ghi tsue.

YEKIKITHI AKINIU 31:8

Akukau Hezekiya ngo pawu kijemino timiqono agho kumzapu tsukeu ithulu keulo panonguno AMPEU sheqhe.

LESHELE 41:13

AMPEU sheqhelo, Israilmi Lhou! Itehi eno alhokupujulo pa sheqhelo. Amen! Amen!

LESHELE 86:15

Ikemu O AMPEU, noye kupukini eno kimiyekini Lhou ke; alhokupujulo kutuukulu, kimiyekeu eno pukhukulupu.

LESHELE 86:5

Noye nilau akivipu eno ikhilukeu shiacheni, ovilo inikhukemi kumtsu lau iqemokeu kikimiyeno chhitoi anike.

IPEKULU 34:6

Tithiu AMPEU no pa gizuuno hechesu wu eno ishi kuke. “Ni, AMPEU ye kimiye qhiyikeu eno kupukeu no chhitoi akeu Lhouke, mllalei axu ideve chemoe eno kikimiye ngo pukhukulu kutsasa piye chekeuke.

ISAIAH 26:19

Niwu timi khunoqo thivea keno itaghi xulu nani! Panongu phimpiye akuxulo ideghi nani. Akumolo zuakemiqo kumtsuno idathughi nani eno alokivishi alephe nani. Atsuzu phuphuyi keuno ayeghi vepuxutsu keshi, khunoqo kha-ghino thive keno tipaqo AMPEU no xukithetsu nani.

JONAH 4:2

Pano ishi inikhu, “O AMPEU, ino nighakhu qhimphi lonomu noye hikithipu shi nani kepi piake kumo kesha? Tighenguno ino mutazu Tarshis lo poveniye pukaputsa! Noye kimiyekini eno kupukini Lhou kepi ino ithiake, pulhapujulo kheakulu, pulhapuju kimiyeqhiyikeu pulhapujulo okukumsu kilive cheni eno ghimeqhi chemoke.

John 1:13

Panonguno Alhou nuli shilukeuye timi shiaji pulou momu timi gho launo kumoe, ikemu Alhou launoke.

Rommi 12:12

Nongu lajupu akeu huno nongu pelo alokiqi shipelo, shilukusalo theqhikulu alo, akighinilo azuni alo.

Rommi 15:13

Lajupu tsuchekeu Lhou pelo nonguno puluakeu vechewo alokivi eno alokughuno pesu nongu lolo shepichhitsu apeniu, tishikeuno Aghungu Kimthe kuka vechewo nongu wu lajupu heshelu penike.

Rommi 4:25

Ningu xineqo ghenguno pa pithivepe eno Alhou lau ningu achipikaluve keulo qhiniaye pa xuputhuveke.

Rommi 5:10

Kughengu ninguno Alhou ghumi shiaphilo thotsu panu kithi vechewo Alhou sasu kulashilupe aye, itehiye Alhou sasu kulashiluve akeke, Khristo kuxuno shisheno ningu xalu anani.

Rommi 8:11

Akithi lono Jisu xuputhuvekeu Ghungu no nongu lolo acheni aye, khuno akithi lono Khristo xuputhuve keno, pa Ghungu nongu lolo achepe keu vechewo nongu thive nikuau phimpi loghi akuxupu tsu nani.

Rommi 8:24

Kughengu hipau lajupulo ningu xalue. Ikemu ninguno laju akeu ithuluve aye tiye lajupu kumoae, kughengu kiu ithuluve akeno khuno tipau lajukepu ani kya?

1 Kor. 13:13

Tishiaye, hipano kuthu acheni: akupulu, lajupu eno kimiyekini; ikemu hipaqo gholo akiqheuye kimiyekini ke.

1 Kor. 15:20

Ikemu mutsuqheyino Khristo ye akithi lono xuputhuvae, thiveno zuakemi ghi xuputhuve nikeu shi pano axathi amsuu hutoike.

2 Kor. 1:3

Ningu Mipeu Jisu Khristo paPuh Alhou, kimiyekiniu Apu eno alokughunopu kumtsu tsuchekeu Lhou lau ninguno sheqhe ani.

Galatiami 6:16

Khunoqono hipa yeh pesu xucheni keno tipaqo shou eno Israilmi shou Alhou lokiqi eno alokughuno achepeni!

Ephesiami 1:17

Ningu Mipeu Jisu Khristo Lhou, Akimthe jekipi Apu pelo alokutsu ngo piyesukutsu ngugha nongu tsupenike inikhu cheni, tishianguno nongu pelo Alhou ithilupenike.

Ephesiami 1:3

Ningu Mpeu Jisu Khristo paPu Alhou lau ninguno sheqhe ani. Ninguno Khristo gholo xukimepe akeu pano angugha kukumghapu jeli kumtsu kungugha lono pesu ningu kumghavetsuke.

Ephesiami 1:7

Khristo no aji pele thikeu gholono ningu xachilelukeu eno ningu xine pevetsukeu ani.

Ephesiami 2:4

Ikemu Alhou kikimiye ye shishe kije kehu

Ephesiami 3:20

Itehiye khuno pa kuka khipau nilolo peitha anikeno tipau vechewo ninguno khukeu momu kumsulukeu nguno shishe alaushi mlatsu chekeu lau,

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Kolosiami 1:27

Kughengu Alhou kukughuye hike: pawu tuqhou pesu timiqo pithiniyeke, ike tiye Judakumomi kumtsu ghenguno kinikulupu eno akimthe jukuvupu shi tuqhou pano puakeu huke. Tuqhouye hike: Khristo ye nongu lolo ani, eno tipau kiqiye Alhou kimthe jukuvu kusaje nikeu lajupu anie.

1 Thes. 1:3

Nonguno akupulu kumla shikeu, kikimiye eno ghichhe ghime shikeu ningu Mpeu Jisu Khristo lau lakuju mutotoi akeuhu ningu paPuh Alhou zulo ninguno kumsulutsu acheni.

1 Thes. 4:13

Athikuzumiqo, kithimiqoye kishive akelapi nongu pelo mthano apenishimo kelauno hi pithilu ani, tishianguno lajupu kuhakemi kutamiqo toi mono nonguye amlo kusa shipemo niyeke.

2 Thes. 2:16

NiMpeu Jisu Khristo ampino, eno niPuh Alhou, khuuno ningu kimiye acheni eno kupukini vechewo lhokta lokughunopu ngo lajupu kivi pesu ningu tsukeno,

1 Tim. 1:14

Jisu Khristo gholo xukimepe akeu vechewo akupulu ngo kikimiye ningu wu khikhi ani keno tipau gholono niMpeu kupukini shishe ishou lepuku tsuke.

Titus 2:13

tiye nilokivipu Tsala, niLhou akijeu eno Xakuluu Jisu Khristo no akimthejukuvu lono ipeghi nike kutolo laju ghi kheakeuke.

IBRIMI 3:6

Khristo ye anu kehu Alhou kilo pukhubekulu shike. Ninguno ithamono mutotoi akeu tsuqupe eno ningu wu lajupulo amlo kuloghishi aye, ninguye Alhou kike.

James 1:18

Pa likhi pa puloushi kuchou tsa pesu ningu pelo aghilupeke, tishianguno pano lhokeqo gholo amusuu xathi shilupeke.

1 Peter 1:13

Tighenguno nongu kukumsu kutokugho shilulo, tsukhuyilo, nongu wu lajupuye akuchopu Jisu Khristo pephepiye kelo Alhou kukumgha nongu lau tsuniye akeu shou belo.

1 Peter 1:21

Pa vechewo nonguno Alhou shou pulubekeu ani, pano akithi lono Khristo xuputhuve eno akimthe jekipi pa tsue, tishianguno nongu kupulu eno lajupuye Alhou shou apeniyeke.

1 Peter 1:23

Nonguye tsu-mauve nikeu piti lono kumoe ikemu tsu-mamlakeu piti, akuxupu eno pulhapuju ache nikeu Alhou tsa vechewo nonguye akitheshi punuvae.

1 Peter 2:2

Anga kughununo akichhizu yenishike toi nongu ghi akimthe anguaghapu kichhizu yenishilo, tishianguno nongu ghi thuikulu puzu xakulupu shilu nani.

1 Peter 3:15

Ikemu nongu mlolo Khristo sukumsa qhilo eno paye Ampeu kepi gihulo. Nongu lolo lajupu akeu lhepiyelopi khualano nongu vilo iniju aye tipau khochile kepushi pulhapuju kutokupuyi pesu alo, tishimu akumtsha lono eno Alhou sumsakeu nongu mlolo xapughi tishilo.

1 Peter 3:21

Tipau michipu shighi baptiz shiche keu huno itehiye nongu xalu cheni. Hiye aphilo axine lhoksa akeu qhuvekeu kumoe, ikemu kiviksa lokutsu akiviu shiluke launo Alhou lau ashoqhi shikeuke, tiye Jisu Khristo xuchileputhuve keu vechewonoke.

1 Peter 3:5

Kughengu khaghi akimthemi totimi khunono Alhou lau panoqo lajupu bechekeno tipaqoye pano kimi qhoqhukeu pesu pano jukivipushi pepucheke.

1 John 2:29

Khristo ye achipiu kepi nonguno ithi ani, tishiaye khunono achipi kiu keno tipau shi cheni aye paye Alhou no nuli kepi nonguno ithi kepue.

1 John 3:3

Khunono Khristo lau lajupu hipau anikeno Khristo no akimthe kehu timi tipau ghi akimthe shi xu cheni.

1 John 3:9

Khunono Alhou nu shiluve akeno axine shi chemoe; kughengu Alhou lhoayeh pa lolo achenike, eno paye axine shimlae, kughengu paye Alhou nu shiluveake.

1 John 4:7

Kimiyechekemiqo, ningu lakhino lakhi kimiyekileni nolo, kughengu kimiyekeuye Alhou launo ighike. Khunono kimiye cheni keno paye Alhou nuli shiluvekemike eno Alhou ithitoi ani.

1 John 5:1

Khunono Jisu ye Mesiya kepi pulube cheni keno paye Alhou nulike; eno khunono apu aza kimiye cheni keno ati anuli ghi kimiye cheni.

1 John 5:18

Nino ithi akeuno Alhou tianuli shiluvekemiye axine shichemoke, ikemu Alhou Nu no pa khe acheni eno Alhoksau ye pa bumlae.

1 John 5:4

kughengu Alhou tianuli shiluvekemiye ayeghi theqhilu cheni. Ningu kupulu pesu ayeghi shou theqhilu cheni.