1 Peter 1:25 - BAIBEL (BSI)

²⁵ Ikemu Ampeu tsaye alhokupuju acheni.” Atsa tipauye nongu lau Atsakiviu khikhi pikulha keno tike.

Sümi Tiqhelimi Bible

²⁵ ikemu Ampeu tsa ye pühavemo no pülhapuju ache nani.” Eno nongu lau kütsüve keu ye atsakiviu hipau ke.

Sumi Naga CL (Re-edited) Bible (BSI)

²⁵ ikemu Ampeu tsa ye alholo acheni.” Eno Atsa hipau ye nongu lau sheshuve keu Tsakiviu huke.

1 Peter 1:25 ပူးပေါင်းရင်းမြစ်များ

LESHELE 102:12

Ikemu no AMPEU ye pulhapujulo akukau; tiqheli kumtsuno okumsulu nani.

LESHELE 102:26

Tipaqoye hauve nani, ikemu noye ache nani; panoqoye aphimini toi aqa shive nani. Nono aphimini toi tipaqo peve nani. eno panoqoye hauve nani.

LESHELE 119:89

O AMPEU, otsaye alhokupujulo ache nani; hiye kungughalo lhokta kuto anike.

ISAIAH 40:6

Asutsa lakhino igha piani, “Atsape lakhi pesu asheshulo!” “Ivilo kiu tsape asheshulo pikya?” ipi ino iniju. “Asheshulo, tiye timi kumtsu atsuni toike; panonguye aghalo xamunu tohimu ngo chemoe.

ISAIAH 40:8

Atsunino ighuive cheni, axamununo thibuive cheni, ikemu niLhou tsaye alhokupuju ache nani.”

MATTHEW 5:18

Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

Luke 16:17

Ikemu Muse no sughikeu zahkutsu lo chosukeu aghuloumu adou shive nike nguno alau atsutsu eno ayeghi puhavekeuno mlalei keu.

John 1:1

Inahu abothu lono Atsa ae, Atsa huye Alhou gholo ae; eno Atsa huye Alhou ke.

John 1:14

Atsa huno timi lhoxu lakhi shiveno kimiyekeu eno kuchouno chhitoi xapu ningu gholo xuache. Ninguno pa kimthe jukuvu ithuluvae. Apuh gholo Anu lakhi likhi achekeu kimthe jukuvuke.

1 Kor. 2:2

Kughengu niye nongu gholo akeloye Jisu Khristo eno pano kros lo thivekeu nguno kutauye kiumu ithipe nishimokeu ino xathaluvae.

Ephesiami 2:17

Ike Khristo no ighi puzu nongu Judakumomi Alhou launo putosupe akeqo vilo alakishi tsa pikulhake, eno Alhou kupunukhoyi akeqo Judami vilo alakishi tsa pikulhake,

Ephesiami 3:8

Niye Alhou timiqo gholo kumtsu nguno aku amighiu ke, ikeghi Khristo gholo kihikhamlakeu kini akeu Judakumomi vilo atsakiviu pikulha penike Alhou wu kupukini itsuke,

Titus 1:3

eno ado achipi lono pa tsa lono tipau pephepiye. Hipau pesu ipichebetsue eno niXakuluu Alhou no ahza tsukeu vechewo ino asheshu cheni.

IBRIMI 6:5

Alhou tsaye akivi kepi micheluve eno ighiniye akeu yeghi kuka ithiveno

1 Peter 1:12

Alhou no tungkupmi lau piyesukeuno panonguno mla akeuye panoqo vehupu ghenguno kumono hi nongu ghengunoke; tihu itehiye nongu lau kuchou pikulhavekeu vehuke. Tiye Atsakiviu pikulha chekemino Aghungu Kimthe, kungugha lono puwukeu vechewo nongu vilo pikulhavae. Hipaqo vehuye kungumi ghi junishikutu cheke.

1 Peter 1:23

Nonguye tsu-mauve nikeu piti lono kumoe ikemu tsu-mamlakeu piti, akuxupu eno pulhapuju ache nikeu Alhou tsa vechewo nonguye akitheshi punuvae.

1 Peter 2:2

Anga kughununo akichhizu yenishike toi nongu ghi akimthe anguaghapu kichhizu yenishilo, tishianguno nongu ghi thuikulu puzu xakulupu shilu nani.

2 Peter 1:19

Ikehu tungkupmino Alhou tsape shikeu tsalo ninguye alaushi mutotoi kitheluvae. Hipaulo nonguno amlo tsaqutsaleyi tsukeuno akivipu shilu nani kughengu Atsala vuipeghi puzu inaqhe yepuno nongu mlolo yepuvumoke kutolo hipauno akuzu alo akulu lakhino yepuvuakeu hutoike.

1 John 1:1

Inahu abothu lono akuxupu Tsa khipau acheghi, nino chilu, ninhethino ithulu,nino jupukulu eno niuno bulukeno tipau ghili nongu lau yelu ani.

1 John 1:3

Khipau nino ithulu eno chiluve keu ghili nongu lau pikulha ani, tishianguno nongu pelo nigholo kuposhulu peniyeke. Ninguno Apu ngo paNu Jisu Khristo ishi sasu kuposhulu acheni.

Piyeküsü 14:6

Tileno kungumi kutau lakhino lhokta tsakiviu pesu ayeghilo akemiqo ashiayeh jeli, timi jeli, eno atsa jeli pichekemi vilo asheshu nike atsutsu mutalo yecheghikeu ino ithulu.