1 Peter 1:18 - BAIBEL (BSI)

¹⁸ Kughengu nonguye apuasuqo launo adou laghi pepimhe susu cheghikeu lono amekusho kiu tsu puzu nongu xaphelu keno nonguno ithi ani. Tiye hauvekepu thime shunayi momu tsandiyino kumoe,

Sümi Tiqhelimi Bible

¹⁸ Kughengu nongu ye ghükayi momu ameshoyi toi keu khikhi tsümave chekeu thime keno tipaqo pesü nongu pù-asüqo no abokümsa küxü laghi nongu lau pekishesü ighi keu lono nongu xaphelu pe püamoe,

Sumi Naga CL (Re-edited) Bible (BSI)

¹⁸ kughengu nongu ye no puasüqo launo ighilu keu ameküküha laghi lono xaphelu kepi ithi ani, ti ye pühave kepu thime ameshoyi momu ghükayi pesü kumoe,

1 Peter 1:18 ပူးပေါင်းရင်းမြစ်များ

LESHELE 39:6

timi kuxuye yekukhu nguno alau kumoe. Pano kiu kiu shianamu kiumu kuhae; Paye kinikulu kutsu puaghiluvi, ikemu khuno tipau luve nani kela mthae.

LESHELE 62:10

Anguka vesuchekeu kuxu shou pukhu be kevilo, suxaluve chekeu lo ala shilu nani kepi kumsu kevilo. Okuakini alaushive namu tipaqo pukhube kevilo.

ISAIAH 44:22

Khungkusu toi ino oxine jolevetsu nani. Ilau ideghilo; oxaluchekeu huye nike.”

ISAIAH 52:3

AMPEU no pawu timiqo vilo pi, “Kughou nonguno aquaxemi shiuve keno nongu ghenguno pisa tsupe puamoe; tipaphi lono nongu kuqho phevekeulo ghi kiumu ame tsumo nanike.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 4:11

Jerusalem lo akemiqo vilo asayeqha kudauno pitipuzaqhi keu mulhu panoqo shou mulhu wocheni kepi pinikeu ghuloki wocheni.Tiye amu-u likhi fusu wuvekeu mulhu kumtsha kumo nani.

JEREMIYA 44:17

Ninguno kiu shiniepi pivea keno tipau kumtsu ninguno shi nanike. Ninguno nilhouliu, Atsutsu Kukaliu lau akumllagho pesu tsua nani; eno ninguno li lau aji pesu akumllagho shi leqhi tsu nani, tiye ninguno eno nipuasuqono eno nikukauno eno niwu sakiphemino Juda lo taun akeqolo eno Jerusalem laghilalo shicheke tho ninguno shi nani. Tishiche keu lono ninguye achuqupu kupukunoshi acheke, ninguye kinikulushi cheke eno akupuna kiumu kuhake.

JEREMIYA 9:14

Tishinike zuqhulo, panonguye kuthovi auve eno panoqo papuno shilopi shikakeu toi Baal su-atu julho mllawukhaveke.

EZEKEL 20:18

Ike timi kughuna moke-alo ino pano tianuliqo vilo pikeuno: nongu puasuqono ayezah mlakeu pekevilo; panoqo khuayeh pape kevilo momu pano su-atu julho pesu nongu kitiqe kevilo.

AMUS 2:4

AMPEU no pi, “Juda lo kuamiye anguno anguno axine shi acheni eno tipau ghenguno niye mutsuqheyino panoqo ghimeqhi nani. Panonguno ino kutsupiyekeu jukunathake eno ino ahza tsukeu pechemoke. Panoqo puasuno qechekeu kichile lhouqo huno tipatho shi panoqo sabideveke.

Mark 8:37

Kughengu timi khumu pa kuxu kuchou thelilo kiumu tsu mlae.

Rommi 1:21

Panonguye Alhou ithi ani, ikemu agigihu pawu shiakeu panonguno pa tsumoe, momu panonguye pa shikimthimoe. Tishinike zuqhulo, panonguye kumsumlamitheve eno akuzuno panongu mlo kughupovetsu.

1 Kor. 3:20

eno kuchoyesu kutaulo ghi ishi yepuani, “Alhou no asuqe- kighithimi kukumsu ithi anike tipaqoye abokumsake.”

1 Kor. 6:20

Pano ameno nongu qhuvae. Tishiaye nongu phimpi lono Alhou jukuvupu shitsulo.

1 Kor. 7:23

Nonguye ameno qhuvae, tighenguno timi qemi shiwuve kevilo.

Galatiami 1:4

Khristo no kixikila tiqheli xine lono ningu xapheluniaye pa mpi pesu tsuve, tiye ningu Lhou eno Apu pulou lonoke.

Ephesiami 4:17

Tishiaye, Ampeu je lono ino hipau piani eno hi pikithe ani: nonguye khilemu Alhou kuhakemi toi xukevilo; panongu kukumsu abokumsake,

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

IBRIMI 9:12

Pano ghuthu khavino pulhapuju ghenguno aphiki vechesu Akimthe-A lo ilokelo, paye anetsu ngo anetiqo jih pesu ilomoe ikemu pa likhi pa jih pesu ilopuzu ningu ghenguno lhokta xakulupu phutsuke.

1 Peter 1:7

Hitoikeulo akimji anike, tiye nongu kupulu pesu athicho kughulhotsu niyeke. Shunayi ghi shipusaluve cheni kemu ami lono pitiju cheni; tishiaye nongu kupuluye shunayi nguno amekushou kehu puqhelukepushi peju masae, tishianguno Jisu Khristo pephepiyeke Tsalalo nonguno shekiqhe, akimthe jukuvu eno agigihu ithulukepu shi nani.

1 Peter 4:3

Alhou mthakemiqono kiu shinishi chekeno tipau nonguno wovekeu tsalalo shichekeu huno kughokumovae. Nonguye kiptimi totimi mithemokeu, aghichikupo, shokumzu, mutomushu, akiyighe, kupughokile, ihughaloyi eno kuchhubekutsula ajulho shipeqhikeu mllakeu, hipaqo lono nongu kuxu xucheke.

1 John 3:5

Nonguno ithianike Khristo no ipeghikeuye axine ikhisuwuve niyeke, eno pa lolo axine kiumu kuha.