1 John 5:9 - BAIBEL (BSI)

⁹ Ninguno timi shepe pulube cheni, ikemu Alhou no ashepe shitsukeuno akijeuke, eno pano pa Nu ghili ashepe hipau tsupuani.

Sümi Tiqhelimi Bible

⁹ Ningu ye timi shepe ikhilu cheni, ikemu Alhou shepe no akijeu ke kughengu tiye Alhou’w ashepe ke, tiye pa no pa Nu ghili tsü keu ke.

Sumi Naga CL (Re-edited) Bible (BSI)

⁹ Timi shepekishi ghi ningu no ikhilu cheghi aye, Alhou shepekishi no akijeue, kughengu hi ye Alhou no Pa Nu ghenguno ashepe shikeu ke.

1 John 5:9 ပူးပေါင်းရင်းမြစ်များ

MATTHEW 17:5

Pano pi aphi lono, vuqayikeu hu khungkusu lakhino panoqo kuzupholuve eno khungkusu lono asutsa lakhino ishi pi; “Hiye ino kimiyechekeu nuke, pa lau ilokiqi acheni, pa tsa inilo.”

John 10:38

ikemu ino tipaqo shiaghi aye nonguno ishou pulubemo namu nonguye ikumla likhimu pulu kepue, tishianguno Apu ye igholo ani eno niye Apu gholo ani kepi nonguno mutsumishei ithi apenike.”

John 5:39

Nonguno kuchoyesu phukide kudaju cheni, kughengu nonguno tipaqo lono lhokta kuxu phulu nani kepi kumsu cheni. Eno tipaqono thopi shi ani,

Apostolmi 17:31

Kughengu Alhou no timi lakhi kishelu puakeu vechewo ayeghiqha shou amikucho lono kughatha nikeu shi atsala lakhi kihithape puavae.Hi shi nani putsae pikeu pulu penike timi kumtsu lau pano tsuakeu shi-ghi timi tipau hu akithi lono xuputhuvae!

Apostolmi 5:32

Hipaqolo ninguno thopimi, eno Aghungu Kimthe ghike, paye Alhou gholukemiqo shou Alhou no agho tsukeuke.”

IBRIMI 2:4

Tipamtsa Alhou ghi amchipu ngo akumzapu eno akichiqhipu jeli shikeu vechewo panoqo gholo ashepe shi kuqhatsuke. Pano Aghungu Kimthe launo tsukeugho ghi pa pulou kiqi lono kusajetsuke.

IBRIMI 6:18

Tishiaye thime hikumaye kilivemlake eno hipaulo Alhou ye khilemu akimiki shiaghivemla nanike. Ikehu ningu khunoqono susholu peniye poluve akeno ninguye nizulo lajupu qhitsu keu mutotoi tsuqulu peniye shishe shikumtovae.

1 John 5:10

Ikemu khuno Alhou Nu shou pulubeni keno pa mlolo hipau shepe acheni; ikemu khunono Alhou shou pulubemo nikeno pa pesu akimkiu shivetsu cheni, kughengu Alhou no pa Nu ghili pikeulo pulubemo kehue.

1 John 5:8

Aghungu, Azu eno Ahji eno hipano kuthukujo ashepe shikuqha cheni.