1 John 4:9 - BAIBEL (BSI)

⁹ Alhou kikimiye ningu gholo pephepiyeve keuye hipauke: Alhou no paNu akighipi akeu pesu ayeghiqhalo puwutsu, tishianguno pa vechewo ningu pelo xulupeniyeke.

Sümi Tiqhelimi Bible

⁹ Alhou no hitoi paw kikimiye ningu lau pìye ke: Pa no pa Nu lakhi likhi akeu pesü ayeghi lo puwu ke, tishianguno ningu pelo pa vechewo xülu peniye ke.

Sumi Naga CL (Re-edited) Bible (BSI)

⁹ Alhou kikimiye ningu gholo pephetsü keu ye hipau lono ke: Alhou no Pa Nu lakhi akeu pesü ayeghi lo puwu, tishianguno ningu pelo Pa vecheo xülu peniye ke.

1 John 4:9 ပူးပေါင်းရင်းမြစ်များ

BOTHUBO 22:2

Alhou no pi, “Nono kimiyeqhiyi chekeu onu Isak, ti likhi akeu sasu Moria ghakhu lo wulo eno naghuto khipau okichetsuni keno tileno pa pesu kuchopu pitikeugho shi ghi akumllagho chhelo.”

LESHELE 2:7

Kisheluve keu akukauno pi, “AMPEU zahkutsu pesu ino asheshuni. Pano ivilo pi, ‘Noye inu ake, ishi tsala lono ino opuh shiluvae.

Mark 12:6

Alumipiu gholo itaghi timi kutau lakhi ake, tiye pa nu, pano kimiyechekeu ke.Ashekha shi,ampiu huno mishi chichekemi lau pa nu puwughi ishi pi, ‘Panonguye inu qhoqhugihu nani.’

Luke 4:18

“Ampeu Ghungu ishou ani, Asutsa kiviu kumlhomi lau asheshu penike pano teli pe ni nukishetsue, Akughumi lau khakiqhi kutughu penike, eno anhethi ichekemi lau ithukulupu sughi penike ipuwue. Nedaqoda puakeqo phepuwu penike ipuwue.

John 10:10

Kupukamiye puka heqhi eno kutsanike ghengu likhino ighi cheni. Ino ighikeuye panongu pelo akuxu apenike eno akuxu tipau kupukunoshi apeni yeke.

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 3:16

Kughengu Alhou ye ayeghilomi kimiyekutuke ghenguno pa Nu lakhi likhi akeu tsuke, tighenguno khunono pa shou pulube nikeno puhavemo nani, ikemu lhokta kuxu ithulu nani.

John 3:18

Khunono Anu pulu nikeno kughakutha bemovae; khunono pulumo nikeno tipano shou kughakutha bevae, kughengu panonguye Alhou Nu lakhi likhi akeu shou pulubemoe.

John 5:23

tiye panonguno Apu gihu ketoi kumtsuno Anu gihupeniyeke. Khunono Anu gihumoni keno pa puwu puakeu apuh hu gihumovae.

John 6:29

Jisu no khochile, “Alhou no nongu pelo hipau shipenishi ani: pano khuu puwu puani keno nonguye tipau shou pulubelo.”

John 6:51

Niye timi puxulukepu sho kungugha lono iqighie. Timi khunono hipa sho chuni keno paye alhokupuju xu nani, eno ino asho tsuniye akeuye ishi ajike, hi ayeghiqha puxunike ino tsu anie.”

John 6:57

Apuh xuakeu huno ipuwuke eno Apu ghenguno nighi xulu ani. Tihutoi khunono ishi iji chu-shoni keno ighenguno paye xulu nani.

John 8:29

Khuuno ipuwu keno pano igholo ani, paye ilikhi qhivemoke kughengu ino pulhapuju pa lokiqipu shi cheni.”

John 8:42

Jisu no panoqo vilo pi, “Alhou no nongu pa puh keaye nonguye ikupuni cheke kughengu niye Alhou launo ipeghi puzu hi ighi. Niye ikutoshino ighike kumoe ikemu pano ipuwuke.

John 9:3

Jisu no khochile, “Hiye timi hipauno axine shiveke ghenguno kumoe momu pa puazano axine shiveke ghenguno kumoe, ikemu pano anhethi iche akeuye Alhou kuka kumla pa shouno pephepiyeni ke.

Rommi 8:32

Pano paNu ghi suchilevemono ningu kumtsu ghenguno pephetsuveke! PaNu tsukeu gholono thwokha kumsa ningu tsumoni kesha?

IBRIMI 1:5

Kughengu Alhou ye khilemu pawu kungumi lakhi vilomu ishipi puamoe, “Noye iNu; Ishitsalano ino oPu shiluvae.” Momu kungumi khuvilomu ishi pimoe, “Ino paPu shive nani eno paye iNu shive nani.”

1 John 3:16

Kimiyekeuye kiu keno ninguno hipau lono ithi cheni: Khristo no ningu ghenguno pa kuxu pephetsuve, tishiaye ningu ghi athikuzumi ghenguno nikuxu pephetsu kepue.

1 John 4:10

Kikimiye ye hipauke: ninguno Alhou kimiyeke kumoe ikemu pa no ningu kimiyeke eno pa Nu puwu puzu ningu xine pevetsu nike ghenguno aghakishiu shivepeke.

1 John 4:16

Ikehu Alhou kikimiye nilau akeu nino ithitoilu eno pulubeluvae. Alhou ye kimiyekiniuke, khunono kikimiyelo xu acheni keno Alhou sasu xukimepe acheni eno Alhou no pa sasu xukimepe acheni.

1 John 5:11

Ashepe shipuakeu huye hike: Alhou no lhokta kuxu ningu tsuvae eno akuxu hipauye pa Nu launo ani.

1 John 5:13

Nongu Alhou Nu pulu kemi lau ino hipau yelu ani, tishianguno nonguye lhokta kuxu anikepi ithipe niyeke.