1 John 2:3 - BAIBEL (BSI)

³ Ninguno Alhou no ahza tsukeu papelu aye tileno ninguye pa ithitoilu ani kepi mutsuqheyilu ani.

Sümi Tiqhelimi Bible

³ Ningu no pa zakütsüqo pelu aye ningu ye pa ithivea kepi mütsüqheilu anike.

Sumi Naga CL (Re-edited) Bible (BSI)

³ Hipau vecheo ningu no ithilu keu ye tsala ningu no Alhou zakütsüqo pelu aye ningu ye Pa ithitoi luvae.

1 John 2:3 ပူးပေါင်းရင်းမြစ်များ

LESHELE 119:32

Niye ozahkutsu gholuni keuno khekulhoke, kughengu nono ithikuthulu kepu itsu nani.

LESHELE 119:6

Ino ozah kutsu kumtsulo amlo tsuqhiyi shi aye noye kujove mo nanike.

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

Luke 6:46

“Kushiye ‘Ampeu, Ampeu’ ipi ikucheni eno ino pikeuye shichemo kya?

John 14:15

“Nonguno ikimiye cheni aye ino ahza tsukeu pelulo.

John 15:10

Ino iPuhno ahzatsukeu papelu puzu pawu kikimiyelo kimepe acheke toi, ino ahzatsukeu nonguno papelu aye nonguye iwu kikimiyelo kimepe anani.

John 15:14

Ino kiu ahza tsukeno nonguno tipau shiaye, nonguye ishompami ke.

John 17:3

Lhokta kuxuye hike; olikhino kuchou Lhou kepi panonguno ithikeu eno nono puwukeu Jisu Khristo ithikeu ke.

2 Kor. 4:6

Ike, “Akuvuno akuzu lono vuipeghi pelo!” ipikeu Lhou no ni mlolo pa kuvu yepuvutsu puzu Alhou kimthe jukuvu kighithi kuvu Khristo gilo yevuqayi akeu ningu lau saghitsuniyeke.

IBRIMI 5:9

Pa pelo kupukuluu shiluvepe puzu paye pa gholu kemi kumtsu ghenguno alhokupujulo xakulupu pukishiluveno

1 John 2:13

Apunoqo, niye nongu lau yepuwulu ani, kughengu abothu lono acheghikeu hu nonguno ithi ani. Lhothemiqo, niye nongu lau yepuwulu ani, kughengu nonguno Alhoksau shou theqhiluveke.

1 John 3:14

Nino ithi akeuno ninguye akithi hechesu akuxulo ipevae, kughengu nino athikuzumi kimiye achenike. Khunono kimiyekile chemo keno itehi kutolo akithilo achephike.

1 John 3:19

Ninguye kuchou laumi kepi nino ithinikeuye hike, Alhou zulo amlokuloghi shilu nikeuye hipau lonoke.

1 John 3:6

Ike khunono Khristo gholo xukimepe anikeno axine shichemoe; ikemu khunono axine shi cheni keno khilemu pa ithumla momu pa mthake.

1 John 4:13

Ninguye Alhou sasu xukimepe ani eno pano ningu sasu xukimepe ani kepi nino ithitoi ani, kughengu pano pa Ghungu pesu nitsuvae.

1 John 4:7

Kimiyechekemiqo, ningu lakhino lakhi kimiyekileni nolo, kughengu kimiyekeuye Alhou launo ighike. Khunono kimiye cheni keno paye Alhou nuli shiluvekemike eno Alhou ithitoi ani.

1 John 5:19

Nino ithi akeuno ayeghiqha kumtsuno Alhoksau kuka qholo ani, ikemu ninguye Alhou laumike.

1 John 5:2

Kughengu ninguno Alhou kimiye eno pano ahza tsukeu pelu nikeno ninguye Alhou tianuliqo kimiye cheni kepi nino ithi cheni.

1 John 5:3

Kughengu ninguno Alhou kimiye cheni ipikeu kiqiye pano ahza tsukeu ninguno pelu chenike. Pano ahza tsukeqoye puqhekumlapu kumoe,

Piyeküsü 12:17

Dragon ye atotiu lau shishe aloghu ideve eno atotiu tikughukomi, khunoqono Alhou no ahza tsukeu pecheni eno Jisu shepe shichenikeno tipaqo sasu aghushiniye wuve.

Piyeküsü 14:12

Hiye Akimthemi, khunoqono Alhou zahkutsu pelu cheni keno eno Jisu lau akupulu shi acheni keno tipaqono kutuu lupeni ke ghenguno piakeu lakhike.

Piyeküsü 22:14

Khunono pano phimini mithemighei shikimthe keno tipanoqo kumghae, tishikeu lono akuxupu subo xathi chukuzupu shi nani eno aliwo kikha vechesu aphughilo wulu nanike.