Yohane 8:43 - Suena

⁴³ Nikare nogoro ge naso kaka gamu inowewi? Nikare kaka gamu inowewa, nera kota, ge towena awa nikare ninai ine tepo.

Yohane 8:43 ပူးပေါင်းရင်းမြစ်များ

Matiu 13:15

Ema dubu ei awa nukare kotumai tepo. Ata nukare dana nusokare meni azai, are ge kaka ninamu inowera. Ota nukare giti moka nusokare sikimuwa. Ago kaka wamu wamera, awa giti moka meni nenara susu gamera; o dana meni gera susu ninamera; o duba meni nenara susu niniro baitamera. Ago kaka wamu wamera, awa nukare duba kapetenara na nukare kora wamena.

Yohane 5:25

Na me memeka sana niniu. Ema bama nowera ami bebetenai ine. Be zo mamunoya — ota kei awero itia — be amire nukare Anutura Mai amira ge awi ninamunora. Eni meni ge niniro baitiro seka wero nuamunora awa.

Yohane 5:43

Na Mama nasora ge dimuro nisokare nana osena awa, ata nikare ge naso doro na oko otao inowewa. Noma ema zo kotumai nusora kei nisokare nana nai amire numore dai otao wamunowa.

Yohane 6:60

Dubu nusora nana eni meni ge awa niniro ego sewa awa, “Ge awa ninenakai te kaka wamu inoya. Ge awa agai meni ninai te wamunoi?”

Yohane 7:17

Nikare na kotumai nasora gege towenita Anutura bera ge tugata inoweni, ago towewa. Ata ema zo meni Anutura ge dipinoise nuamunoya ami na ge towena amira susu gamunoya.

Yohane 8:27

Nu Mamere ago senu nukare kaka giro baitamu wewa awa.

Yohane 8:33

Ago senu ina ego sewa awa, “Nakare Abrahamra saisibuna. Nakare ema zora soumai kaka wamu nowenakare. Nakare mui amu nuamunonakare, awa sesesa amira susu nogo iti?”

Yohane 8:39

Ago senu nukare ina ego sewa awa, “Nakare mama nakare Abraham.” Ago sewa Yesu meni ego senua awa, “Nikare Abrahamra saisibuna nuamewa sia, awa nikare Abrahamra tani puro nuamewa.

Aposolo 7:51

Nikare ge dai ema. Dubare danare nisokare kaka keyamu diga emara ine. Ewowo-kawowo nisokare inoisowa da ago ine nikare inoise Ozanara ge dimai azu towewa.

Roma 3:11

Ema zo meni Anutura ebata me oko gosinowia. Tepo me tepo awa. Ema zo meni Anutu tamamu oko kau inowia.