Yohane 8:12 - Suena

¹² Yesu meni ema bamere ge zo ego senua awa, “Na zebu serora ema amira zasimai. Are zo nu na ama ganamunoya ami mumera oko susawiamunoya. Nu nuaira zasimai nuso nana itai nuamunoya awa.”

Yohane 8:12 ပူးပေါင်းရင်းမြစ်များ

Matiu 5:14

Nikare ema dapikaragora zasimai ine. Nata zo dirumura damu-damuke itai nena zo meni oko gogo wamunoya.

Luka 2:32

Nu awa zasimai ine awa. Are nu ebata niso ema Yudakore gipamunoya. Ago wero Isreli dubu amira zazo de ike namunoya.”

Yohane 12:35

Ago sewa Yesu meni ge ina ego senua awa, “Zasimai meni nisokare nana ena be apunu-kaka gege zasimamunoya awa. Are mume meni nikare dowai azu, zasimai itai zasimaire noiwo. Zo nu mumera susawise ebata oko gosinoya.

Yohane 12:36

Are zasimai nisokare nana itai duba meni tuma didinoise dubu nuso wero noiwo.” Yesu meni ge ago sero nukare doro baro bezero noisonua awa.

Yohane 12:46

Zo nu na tuma diamunoya ami mumera itai azu sero na zasimai ine ami zebura osena awa.

Yohane 14:6

Ago senu Yesu meni ina ego senua awa, “Ebata Mamera nana bayai awa na ewa. Ge me kerenai awa na ewa. Nuai seka potai awa na ewa. Na dainiro Mamera nana kei awai ine oko itia.

Yohane 3:19

Are kotora ena duwai amira susu ego itia awa. Zasimai meni zebura kei awenu ema nukare zasimaira bayai azu sero mumera dago itamu sewa awa. Nukare nuai nusokare waya, are ago wewa awa.

Yohane 7:17

Nikare na kotumai nasora gege towenita Anutura bera ge tugata inoweni, ago towewa. Ata ema zo meni Anutura ge dipinoise nuamunoya ami na ge towena amira susu gamunoya.

Yohane 9:5

Na zebura nuamunona, te zasimai naso meni nikare zasipitinuamunoya awa.”

Aposolo 13:47

Tua meni potai ge namorekare ego ine potinua awa, Nane ni ema Yudakora zasimai potina. Are ema bama zebu sero nowera nukare awa ge tugata wasa soero pumane.”

Aposolo 26:23

Nukare ego sewa awa, ‘Kristo nu yaya tapinoma betaise sai itia. Agoro betai dubura ena gita wero eriro Yuda emata ema Yudako ami emo ewanana waira susu kerenamunoya.’ Ge awa soga inowena awa.”

2 Petoro 2:17

Ema ou uza wawi giro ou namu oura baro ou gagasumai giro duba nitinowera, da ago ine ema eni meni ema ago ine amira nana ena soremai tamamu baro kau wero duba nitinowera. Noko, bisi meni guma pisawi baro tepo wawi erama ou emo duba nitinowera ago ine nukare awa. Ema awa nukare pi zewai-zawai mume bamu amira itarise sero Tua meni masi awa sia wenu itewia.

2 Petoro 2:4

Gita me gita angelo eni meni pasina wewa giro Anutu meni nukare oko awa-dinua. Tepo awa. Nu nukare musuninu degara bamuwa. Baro ura wamai mume bamure ana be bamu dia inoise itewera.

1 Yohane 1:6

Nakai mumera noise “Na Anutura nana desenitinona” asamunonakai, awa opi wamunoya. Ago inoise ge me oko puro nuamunonakai.

Yuda 1:13

Ewa meni kakawa bamu inoise woi pora apawi desinowia, da ago ine ema ami pasina inoise kesawera menai nusokare kei damu nitinowia. Nukare awa kuna meni teya-taya wero muro baro awinowera ago ine awa. Anutu meni masi nusokare sia wenua, are nukare masi amira mume bamubake amira be giti itai gege itamunora awa.

Yuda 1:6

Angelo Anutura ge dero dia bua nusokare doro masi nusokare dowa nukare awa be bamura koto dia warise sero Anutu meni benai zewai-zawai itai gege ami beniro mumera potinu itewera awa.

Kereninua 21:24

Zebu serora ema nukare nata amira zasimaira nuamunora. Ata zebu serora ema tua nukare da ago wau simai nena nusokare puro nata amira bayamunora.