Yohane 18:30 - Suena

³⁰ Ago senu nukare ego sewa awa, “Nu pasina kaka wamu nuamia, awa nakare niso nana oko puro mamenakare.”

Yohane 18:30 ပူးပေါင်းရင်းမြစ်များ

Oziga Ewanana Mak Meni Gaenua 10:33

“Sana niniu. Nakai Yerusalem wititinonakai. Witiro ago kei awero nuanakai amire ema zo meni na Emara Mai awa puro poti pris babezinoma ata lo ge gipai ema amira nana wanera nai nukare na dara betanise sero ema Yudakora nana wanera potamunora.

Oziga Ewanana Mak Meni Gaenua 15:3

Nukare Yesura ge bua inoiwa pris babezinoma meni opi toise Yesu nu tani waya saisai inoisonua ago sewa.

Luka 24:7

Nu nimorekare ego senua, ‘Nukare na Emara Mai poti pasina emara nana wanera namunora. Ago wara nukare na ni pasinaira dara betamunona. Betero be etorobara ago tepo wai amire noko seka wero eramunona.’ Nimorekare ago senua.”

Yohane 18:29

Ago toisowa, are nukare dura dopewa Pilato meni kei damu niro nukare atata wero ego senua awa, “Ema ei awa pasina nera puro tupewi?”

Yohane 18:31

Ago sewa Pilato meni ego senua awa, “Lo ge nisokare itia amira te seu tepo wae.” Ago senu nukare ego sewa awa, “Nakare mai betarise sai tepo wai awa nasokare nana gazai itia. Nera kota, lo nisokare Roma emara ami gazinoya. Ota nine sasa te wamunoya.” Ago sewa awa.

Yohane 19:12

Ago senu Pilato meni ge awa niniro kei damu niro Yesu awa-diro duamu senu Yuda ema nukare arero ego sewa awa, “Ni ema nu awa awa-diro duaira samunosa, awa ni Romara ema tua Sisa amira otao noko oko nuamunosa. Zo nu nutope ema tua asamunoya ami Romara ema tua Sisa awa dainamunoya.”

Aposolo 3:13

Abraham, Isaka, ata Yakobo amira Anutu, nu ewowo-kawowo nasokaira Anutu, nune ami bua mai nuso Yesu amira zazo de ike nisia. Nu awa ninekare puro poti iwora wanera newa Pilato nu besai bayaise sesi nikare azu sisewa awa.

2 Timotire 2:9

Oziga Ewanana ami emo inoise yaya bamubake tapinowena. Ago wero pasina mai benago wetera itena ewa. Ata Anutura ge awa oko benisera.

1 Petoro 4:15

Nisokare nana zo meni mai dai betairata, bewanarata, pasinarata, giti kopira bua numore sai tepo awa puro nuai, amira dero benaira tame oko witaise.