Yohane 14:23 - Suena

²³ Ago senu Yesu meni ina ego senua awa, “Zo nu na ara tamamunoya ami ge naso niniro dimamunoya. Ago wai Mama naso meni nu ara tamamunoya. Ago inoise nato Mamere nuso nana kei awero nuamunonato awa.

Yohane 14:23 ပူးပေါင်းရင်းမြစ်များ

Yohane 10:30

Na ata Mama awa nato daimata.” Ago senua awa.

Yohane 14:15

Ara tamai nisokare naso nana itamunoya, awa nikare ge naso dimamunowa.

Yohane 14:17

Nu awa Ozana. Nu ge me susure nimorekare gipamunoya. Ema na tuma kaka diamu inowera ami Ozana giti moka nusokare meni oko gosinowera. Noko nukare nu kotumai meni oko gosinowera. Are nukare Ozana puro nuai ine tepo. Ata nu nimorekare dai nowia, ota moka nisokarera toiro nuamunoya. Are nikare nu giro baititinowewa.

Yohane 14:21

Zo nu bera ge naso niniro puro dipinoise nowia amira ara tamai awa naso nana itia. Are zo nu na ara tapinowia, da ago ine Mama naso meni nu ara tamamunoya. Ota nane da ago nu ara tapinoise susu naso numore kerenamunona.”

Yohane 14:24

Zo nu na ara kaka tamamu wamunoya ami ge naso oko dimamunoya. Ota ge tugata wawena gosinowewa awa naso kota, Mama na iyetinua amira nana ena tupewia awa.

Yohane 15:10

Na Mama nasora ge dipinowena, are ara tamai nuso naso nana itewia. Da ago ine nikare ge naso dimamunowa, awa ara tamai naso nisokare nana itamunoya.

Yohane 16:27

Na Mamera nana ena osena ge awa nikare niniwa me wenu na ara tapinowewa. Are Mama meni da ago ine nikare ara tapinowia.

Yohane 6:56

Pisi nasore orara nasore namunoya ami namore dai nuamunoya. Ago wai na da ago numore dai nuamunona.

Yohane 8:51

Na me memeka sana niniu. Zo nu ge naso niniro puro nuamunoya ami oko betamunoya. Nu nuai gege nuamunoya.”

Yohane 8:52

Ge ago senu Yuda ema nukare ego sewa awa, “Bi niso nana mokara itia awa me towenakare. Abraham betenua, ota porofete eni nukare da ago bebeteniwa. Ata ni ego tosa, ‘Zo nu ge naso puro nuamunoya ami oko betamunoya.’

2 Korinti 6:16

Ota nakai Anutu putoure amira ibu wero nowenakai ami bui ibura uwiwi puro nuanakai te wamunoita? Tepo awa. Anutu meni ego senua awa, Na nusokare nana soe noise itai-matai wamunona awa. Ago inoise Tua nusokare wana nukare ema dubu naso wero nuamunora awa.

Efeso 3:17

o Kristo tuma diawa nu duba nisokarera itai-matai waise; o nikare duba bayao nusora tatawi potiro zewai wero dopawise.

1 Yohane 2:24

Ata nikare ge susura ena niniro tupisowa awa poti dube niro noiwo. Poti dube niro nuamunowa, awa Maito Mamere nimorekare dai nuamunorato.

1 Yohane 2:5

Zo nu Anutura ge niniro dimamunoya ami Anutu ara tapinowia. “Nakai Anutura nana deseniro nowenakai” asinowenakai ami Yesu noisonua ago ine te nuanekai. Ago wamunonakai, awa nakai Anutura nana me deseniro nowenikaita tepo ni, amira susu gamunonakai.

1 Yohane 4:4

Mai awiso naso, nikare Anutura mai awiso, are porofete opi awa puro osewa. Ago wewa, nera kota, Anutura Ozana amira putou awa ewe, o ema Yesu tuma kaka diamu nowera amira ozanara putou awa ewe. Are Anutura Ozana amira putou meni ozana nusokarera putou dainitinowia.

1 Yohane 5:3

Anuture dubara dumi pumai amira susu awa ego ewa. Nakai potai ge nuso dipinoise nuanekai. Potai ge nuso awa mou tepo awa.

2 Yohane 1:6

Anutura potai ge dipinoise nuai ami dubara dumi me inoya. Anutura potai ge susura ena niniro tupise nowewa amira susu ego ewa: Nakai dubara dumi ina-pa inoise nuanekai.

Kereninua 21:22

Tuara ibu bamu meni awa nata mokara zo oko itinu gina. Nera kota, Tua Anutu putoura mama nu nutope ibu bamu nusokare inoya. Lama meni dai ibu bamu nusokare awa.

Kereninua 21:3

Are arumai simaire amira ana ge bamu ego ine kei awenu ninina awa, “Ei giu! Anutura itai nata emara nana kei awinoya. Nune nusokare nana soe itai-matai wai nukare ema dubu nuso wero nuamunora awa. Anutu nu nutope nusokare nana noise

Kereninua 22:3

Nena warure zo nata amira oko itamunoya. Anutu ata Lamara arumai simaire nata amira itai ema dubu nuso nukare sou bua nuso inoise nu bowi inoise nuamunora.