Yohane 13:18 - Suena

¹⁸ Na ge sesena ami nikare dapikarago oko pupinoya. Dubu sianiro pumuna nikare awa gosinona. Ata ge gayai zo ego itia awa me waise sai itia, ‘Ma ewawena ninowia ami na damu toya.’

Yohane 13:18 ပူးပေါင်းရင်းမြစ်များ

Matiu 10:36

Dubu da ami zaumuro iwo ina-wa wamunora.

Matiu 26:21

Ninoise Yesu meni ego senua awa, “Na me memeka nimorekare sane. Nisokare nana zo meni na kereniro iwora nana wanera potamunoya.”

Matiu 26:23

Asewa nune ego senua awa, “Namore dai ame sura patamunonato nune ami na kerenamunoya awa.

Oziga Ewanana Mak Meni Gaenua 14:17

Tua zinu Yesu meni bua mai nuso 12 amire dai kei awewa.

Oziga Ewanana Mak Meni Gaenua 14:18

Nukare arumuro nena ninoise itiwa amire Yesu meni ego senua awa, “Na ge me memeka nimorekare sane. Nisokare nana zo meni na kereniro iwora nana wanera potamunoya. Ema namore dai nena ninoya ami wamunoya.”

Oziga Ewanana Mak Meni Gaenua 14:20

Ago sewa nu numorekare ego senua awa, “Nikare bua mai naso 12 amira zo meni wamunoya. Ema zo namore dai ame sura patitinoya ami wamunoya.

Luka 22:21

Ota gosinowa: ema na poti iwora nana wanera namu inoya ami namore dai nena naira masira itia.

Yohane 13:21

Yesu nu ge ago sero moka nuso waya wenu giro kereniro ego senua awa, “Na me memeka nimorekare sane. Nisokare nana zo meni na kereniro iwora nana wanera potamunoya.”

Yohane 13:22

Ago senu bua mai nuso nukare ina-ga wero are toi asero kau wewa awa.

Yohane 13:26

Ago senu Yesu meni ina ego senua awa, “Porong sura patiro potana namunoya nu amire tona.” Ago sero porong sura patiro Simonra mai Yudas Iskeriot amire potinu ninua awa.

Yohane 15:16

Ninekare na buara bayanise sero oko pumuwa. Nane nikare buara bayawise sero pumuna. Are nikare baro buara me bamubake ziawise sena awa. Are me ziawa itai gege itaise. Ago wero zazo naso puro noise Mama begomo sawa te potamunoya.

Yohane 15:19

Ema ge naso kaka ninamu amira mokara toyamewa sia, awa nukare nikare saore giro nimorekare otao wamera. Ata na nikare nusokare nana dubura ena sianiro pumuna nuai nusokare dowa, are nukare nikare iwo inowera awa.

Yohane 15:25

Ago wawera ge zo lo buku nusokarera gayai itewia awa me inowia. Ge awa ego ewa: ‘Nukare na tepo iwo wewa.’

Yohane 17:12

Na numorekare dai noise zazo nisora putou meni nukare dia inowena. Ni zazo awa namore potisa. Na nukare dia wero baititana, are zo meni kaka tara awamu. Ota ge gayai zo itia awa me waise daimata meni tara awero sisamunoya. Nu tara awaira gegenai.

Yohane 18:32

Yuda ema ago wewa Yesu nu nutope gita, “Na ni pasinaira dara betamunona,” ago senua amira ge me wenua.

Yohane 19:24

Are nukare ego sewa awa, “Awa kapanakai waya wamunoya. Are ozina laki wanakai ema zora nana kei awai giro ami paise.” Ago sero wewa awa. Ago wewa amire ge gayai zo ego itia ami me wenua, Nukare tama woi naso tame awa kanowewa. Tama woi naso emo ozina laki wewa. Ge gayai ago itinua, are soldia meni ago wewa awa.

Yohane 19:36

Ge gayai zo ego itia awa me waise sero nena awa kei awenua, Nukare wetu nuso zo da di oko dara toumamunoya.

Yohane 21:17

Ago sero noko atata wero ego senua awa, “Simon Yohanera mia, nage otao wero nowenage, awa me ni?” Tairo nuaira atata wenu be etorobara wenu Petoro nu pumunu nuso nana mou wenu giro duba nitinoise ego senua awa, “Tua, ni nena bamubamu giro tepo inowesa. Nage otao wero nowenage awa gosinosa awa.” Ago senu Yesu meni ego senua awa, “Ni lama dubu naso uninoise noiyo.

Yohane 6:70

Ago senu Yesu meni ina ego senua awa, “Na nikare mai 12 sianiro pumuna. Ata nisokare nana zo meni nogoro Satan ine inoi?”

Aposolo 1:16

“O otao mamai naso, Yudas nu eba gita weti iwo meni Yesu pupisera amira ge nuso Ozana meni Dawidira be pumunu peu wenu ge senua, ge awa me waise sai itinua, are me wataya.

Aposolo 1:2

Yesu bua nuso zaawero inoe donu Anutu meni senu utura witinua amira uge gaero pesunina awa. Yesu kaka witamure Ozana meni nu soremunu nu aposolo dubu gita awininu noisowa numorekare bua ge potinua awa.

2 Korinti 4:5

Na ge towena awa ge naso awa oko nikare tugata inowena. Yesu Kristo nune Tua nasokai, ata nama awa Yesu emo soumai nisokare gege nowena, ago ine nikare tugata inowena awa.

Hibru 4:13

Agoro nena tamunua amira zo meni Anutura giti mokara bezai oko itewia. Giti moka nusora nena dapikarago awa damu-damuke woi tepo itewia. Are nuso nana ge bua wamunonakai awa.

Kereninua 2:23

Ota mai awiso nuso meni awa sana yaya waya zo meni dai bebetenamunora awa. Ago wana dubu naso nata sero nowera ami nane duba nusokare dago giro tepo inona ago gamunora awa. Na ema bamubamu dago amira nuaire wai nisokarere amira ina te tere-tare potamunona.