Yohane 11:15 - Suena

¹⁵ Na ago kaka baro nuamu ego nona betitaya, are na nikare emo duba naso kokopai inoya. Nikare tuma diai mere nuawise nena awa kei awitaya. Are nuso nana bayanekai.”

Yohane 11:15 ပူးပေါင်းရင်းမြစ်များ

Yohane 11:14

Are Yesu meni kereniro ego senua awa, “Lasaro betitaya.

Yohane 11:16

Ago senu Tomas zazo nuso zo Didimo nune ami otao mamaire ego senua awa, “Nakai baro numore dai betanekai.” Ago senua awa.

Yohane 11:4

Ge ago potiwato bamunu Yesu meni niniro giro ego senua awa, “Yaya amira me awa betai kei awaise kota, ema bama meni Anutu bowi warise sai awa. Ema bama meni Anutura Mai bowi warise sero yaya awa kei awitaya.” Ago senua awa.

Yohane 12:30

Ago sewa Yesu meni nusokare nana bera puro ego senua awa, “Ge awa namore kota, nikare emo kei awetia.

Yohane 17:19

Ge me meni duba nusokare ziai zewai wai nuarise na nuai naso nukare emo wana nisora potitinona ewa.

Yohane 2:11

Yesu nu Kena nate Galilaya zebura ana tani putoure nuso gita zaawero tani awa wenua awa. Ago wero nu putou nuso kereninu bua mai nuso meni tani putoure awa giro nu tuma diwa awa.

2 Korinti 4:15

Na nena dapikarago awa nikare emo ego toise dipinowena awa: Ge meni wisika asero susawiai ema saisai meni ninitinoise Anutu bowi wara zazo bowire nuso meni bamubake waise.

2 Timotire 2:10

Are yaya bua dapikarago awa Anutura seronai dubu emo tamuro dipinoise nowena. Nukare namorege dai Kristo Yesura korawaire simai zasimaire itai gege itai awa dai topetarise ago ine inowena.

1 Yohane 5:13

Nikare Anutura Mai tuma didinowewa ami ego ninawise sero ge ei awa gainona awa: Nikare nuai me ewanana puro nowewa. Awa gawise sero gainona.