Yohane 10:30 - Suena

³⁰ Na ata Mama awa nato daimata.” Ago senua awa.

Yohane 10:30 ပူးပေါင်းရင်းမြစ်များ

Matiu 11:27

Nu ge awa Mamere sero tepo wero ego senua awa, “Mama naso meni nena bamubamu dapikarago awa wana nasora potinua. Ema zo meni na Mamera Mai amira susu awa oko gosinowia; Mama meni imata gosinowia. Da ago ine ema zo meni Mamera susu oko gosinowia; na Mai meni imata gosinowena. Ota na Mai meni Mamera susu ema enire gipinowena, nukare ami Mamera susu gosinowera.

Matiu 28:19

Are nikare zebu sero susawise ema dubu sero ge tugata wawa niniro awiso naso ware. Ago inoise Mama ata Mai ata Ozana amira zazora susupitinoise ge ou guteu pumare.

Yohane 10:29

Mama naso meni nukare namore potinua awa. Mama naso meni ema dapikarago ata nena dapikarago awa dainitinowia. Are zo meni Mama nasora wanera ena nukare soero pai ine tepo.

Yohane 10:36

noko Mama nama gita ose zebura nanise sero na senu osena. Are na natope Anutura Mai asawena nikare nogoro na Anutu dainamu inona asinowewi?

Yohane 14:23

Ago senu Yesu meni ina ego senua awa, “Zo nu na ara tamamunoya ami ge naso niniro dimamunoya. Ago wai Mama naso meni nu ara tamamunoya. Ago inoise nato Mamere nuso nana kei awero nuamunonato awa.

Yohane 14:9

Ago senu Yesu meni ego senua awa, “Filip, na be iboi-tatana nimorekare dai nuawena ni na kaka giro baitamu inowesita? Zo nu na gosinowia ami Mama gosinowia. Are ni nogoro, ‘Mama gipe ganekare,’ ago tosi?

Yohane 16:15

Mamera nena dapikarago awa nena naso, ami emo na nimorekare ego sesena awa, ‘Ozana meni nena naso puro nimorekare kerenamunoya.’

Yohane 17:10

Ema naso dapikarago awa niso awa. Ota ema niso dapikarago awa naso awa. Are nukare zazo naso de ike nitinora.

Yohane 5:17

Ago wewa Yesu meni ego senua awa, “Mama naso nu bua wai gege inoise nowia, are na da ago ine bua inona.” Ago senua awa.

Yohane 5:23

Are ema nukare Mama bowi inowera, da ago ine Mai bowi warise. Zo nu Mai bowi kaka wamu wamunoya ami Mama na iyetinua awa dai bowi kaka wamu ago ine inoya.

Yohane 8:58

Ago sewa nu ego senua awa, “Na me memeka sane. Na Abraham kaka kei awamure noisona nowena ewa.”

1 Timotire 3:16

Tuara ge ziro tata-tata inowenakai amira susu awa ou suru me suru ine awa. Awa zo meni begi wai ine tepo. Nu tama aiso puro kei awenu giwa. Nu ema saramai awa Ozana meni kereninua. Angelo dubu meni nu giwa. Ge nuso dubu serora nana bamunua. Zebura ema bama meni nu tuma diwa. Anutu senu witi ike niro simai zasimaire nowia.

Titore 2:13

Nakai simai zasimaire nuso amira kei damu naira be awa dia inoise yawa sarare nowenakai. Anutu bamubake ata Korawai Ema nasokai Kristo Yesu amira simai zasimaire nusoto amire tona awa. Be awa kotupitinoise ago ine inoise nuanekai.

1 Yohane 5:20

Nakai ego gosinowenakai: Anutura Mai meni osero kotumai namorekai potinua, are nakai Anutu me giro baititinowenakai. Nakai Anutura Mai Yesu Kristo amire dai nowenakai, are nakai Anutu me amire dai nowenakai. Nu awa Anutu me. Nu nuai me ewananara mama awa.

1 Yohane 5:7

Are nena etorobara — Ozana ata ou ata orara — ami poti dara niro susu daimata ei awa kerenitinowera: Yesu nu Anutura Mai.