Yohane 10:3 - Suena

³ Nu mawi giro so be dia wai meni so be piakanawi lama nuka nuso meni ge bapu nuso ninawera goma mokara ena zazo nusokare sero sero awero uzumuro puro susawewia awa.

Yohane 10:3 ပူးပေါင်းရင်းမြစ်များ

Yohane 10:14

Na dia kokopai nowena. Nato Mamere ina-ga inowenato, da ago ine na ata lama dubu naso nakare ina-ga inoise nowenakare. Are na lama dubu emo nuai naso dotinona awa.

Yohane 10:16

Lama dubu naso zo nora, awa nukare goma emira oko aewa. Are na baro uzumuro puro mana ge naso ninamunora. Ago wana lama dubu daimata wero dia daimata wero nuamunora.

Yohane 10:4

Nu lama nuso uzumawi ge bapu nuso ninawera nu gita wawi nukare nu ama ganero susawewera.

Yohane 10:9

Lamara so be awa na ewa. Zo nu goma mokara toyamu sero naso nana mamunoya, awa nu Anutu meni soero pamunoya. Ago wai nu toiro pusumuro awinoise nena zamai bamubake tamamunoya.

Yohane 6:37

Ema Mama meni namore potitinowia ami dapikarago naso nana kei awamunora. Are zo nu naso nana mai na nu oko esenamunona.

Yohane 6:45

Porofete meni ge zo ego gaewa itewia ewa, ‘Anutu nu nutope ema dapikarago ge nuso tugata wamunoya.’ Are zo nu Mama meni ge gipai niniro kotumai tamamunoya ami naso nana mamunoya.

Roma 8:30

Anutu nu gita ema Mai nuso ine wanisekai ginu itisonakai te uzumunua. Uzumunua te pasina nasokai disero nakai pumunua. Pasina disero nakai pumunua te nakai simunua awa.

1 Korinti 16:9

Ena Tua meni ge tugata waira bua wana me kei awaise ebata garata asai zo tami bua naso bamu kei awinoya. Ata gera iwo witai nora.

Filipai 4:3

O soga wai naso me, ni bama eto awa kora wasise tona. Nera kota, nuto ata Kelemen ata otao mamai eni nukare Oziga Ewananara bua amira na soremuwa. Are zazo nusokare nuai me ewanana amira bukura gayai itera awa.

Kolosai 4:3

Ago wero nakare emo dai isa sawa Anutu meni ebata nasokare tamai Kristora Oziga Ewanana kerenanekare. Ge amira mui waira itewena ewa.

2 Timotire 2:19

Ata Anutu meni dubu nuso ibu ine potinua ami zewai wero dopero itewia. Amira tame owe nuso soya bozai ine ego itia, “Tua meni dubu nuso gosinowia.” Noko owe zo ego itia, “Tuara zazo puro nowera nukare dapikarago nuai waya awa azu sarise.”

1 Petoro 1:12

Nukare bua inoisowa amira me awa nusokare nana kota, nisokare nana kei awaise sai, awa Anutu meni numorekare kereninua awa. Porofete nukare Oziga Ewanana zeme ninitawa amira ge gita toisowa awa. Oziga Ewanana awa Ozana utura ena osenua ami ema eni soremi nikare tugata wisera awa. Ge amira susu awa angelo meni ninamu yaba inowera awa.

1 Yohane 4:6

Nanekai meni awa Anutura, are zo nu Anutu gosinowia ami ge nasokai ninitinowia. Ota Anutura nana ena kaka kei awamu ami ge nasokai azu towera. Nukare ago wawera ge mera Ozanare opi saira ozanare amira susu kei awawi gosinowenakai awa.

3 Yohane 1:14

Na eya niso nana mamu tona. Muro be meni ina-sa wero ninamuge tona.

Kereninua 20:15

Are ema zo dai zazo nuso nuai mera bukura ena kau wero giro apewa niaora osenua.

Kereninua 3:20

Ei giu! Na so bera atune dopinoise tai-tai doinona awa. Are zo nu ge naso niniro so be piakanai amire na so nusora toiro nena numore dai namunona. Noko nune namore dai nena namunoya.

Kereninua 7:17

Nera kota, Lama nu arumai simaire amira soe sieniro dopinoya ami nukare wo sipsip ine dia wamunoya. Ago inoise nuai zewaira ou suru amira nu gita susawai nukare nu ama ganamunora. Ago wai Anutu meni diriu nusokare gaero tepo wamunoya awa.”